1-ლი ფარანი:
თქვენ ქალაქგარეთ გასეირნება გელით. შეიძლება ეს იყოს მეგობრებთან ერთად პიკნიკი. შემოთავაზებაზე უარი არ თქვათ. ახლა დასვენება ძალიან გჭირდებათ, რათა სამომავლო გეგმებზე ნათელი გონებით იფიქროთ. შესანიშნავ დროს გაატარებთ, ენერგიით აივსებით და დაუვიწყარ შთაბეჭდილებებსაც მიიღებთ. მერე რა, თუკი რაღაც საქმეების გადადება მოგიწევთ. ოდესმე ცოტა მაინც ხომ უნდა დაისვენოთ.
მე-2 ფარანი:
მოემზადეთ - წინ სასიყვარულო თავგადასავალი გელოდებათ. თუ ახლა მარტო ხართ, ყურადღებით იყავით - რამოდენიმე თაყვანისმცემელი გამოგიჩნდებათ და მათ შორის არჩევანის გაკეთება მოგიწევთ.
თუ დაქორწინებული ხართ ან საყვარელი ადამიანი გყავთ გვერდით, ურთიერთობაში ახალი, სასიამოვნო ეტაპის დაწყებაა მოსალოდნელი. შესაძლოა, ეს მეორე თაფლობის თვეც კი იყოს!
მე-3 ფარანი:
თქვენ თანამდებობრივი ზრდა გელოდებათ. შესაძლოა, ხელმძღვანელის პოსტიც კი დაიკავოთ. თქვენი ერთგულება და შრომისმოყვარეობა სათანადოდ დაფასდება. შემოთავაზებულ თანამდებობაზე უარს ნუ იტყვით. ნუ შეგეშინდებათ. ყველაფერი გამოგივათ!
მე-4 ფარანი:
მალე ხალხმრავალ წვეულებაზე მოხვდებით. ეს ახლა ძალიან გჭირდებათ, რადგან ბოლო დროს ბევრს მუშაობთ. ჩაიფიქრეთ სურვილი და ის აუცილებლად აგისრულდებათ. ნუ გეშინიათ ოცნებების. მიეცით თავს დასვენების უფლება, თორემ ამდენი საქმისგან მალე „გადაიწვებით“.
მე-5 ფარანი:
წინ ახალი საქმის დაწყება გელოდებათ. ეს სამუშაო საშუალებას მოგცემთ, თქვენი უნარები სრულად გამოავლინოთ. თქვენ ხომ უამრავი იდეა გაქვთ თავში. მალე რამოდენიმე მათგანის რეალიზებასაც კი შეძლებთ. ის აკეთეთ, რაც გულწრფელად გსიამოვნებთ და იღბალი ყოველთვის თქვენს მხარეს იქნება!