სანდრო კუსიანი, 7 წლის
- ნაგავი არ უნდა დავყაროთ, იმიტომ, რომ დედამიწა ბინძურდება. შესაბამისად, მერე ჰაერიც ბინძურდება, ამ ჰაერს კი ჩვენ ვსუნთქავთ და მერე ცუდად ვხდებით, ვახველებთ.
ალექსანდრე ცეკვაშვილი, 8 წლის
- ქუჩაში დაყრილი ნაგავი არ გამოიყურება ლამაზად. ქალაქი უნდა იყოს სუფთა და აი, მაგალითად, მანქანების გამონაბოლქვიც რომ გვაწუხებს, ეგეც ცუდია. უნდა იყოს უფრო მეტი ელექტრომანქანა, რომ გამონაბოლქვი ნაკლებად იყოს და სუფთა ჰაერი ვისუნთქოთ. პრეზიდენტმა უნდა გამოაცხადოს, რომ ქუჩაში ნაგვის დაყრა არ შეიძლება. ელექტრომანქანები კი ძალიან ძვირია, ამიტომ მწარმოებლებმა ფასი უნდა დააკლონ, რომ ყველამ შეძლოს მისი ყიდვა.
თეკლა მესხი, 8 წლის
- რ მომწონს, ადამიანები რომ ქუჩაში ნაგავს ყრიან, იმიტომ, რომ ქალაქი ბინძურდება. იმ ნაგავს კიდევ სუნი აქვს და ცუდად გავხდებით.
ბარბარე გაბუნია, 3 წლის
- მე არ ვყრი ქუჩაში ნაგავს და არ მომწონს, რომ სხვები ყრიან. ნაგავს მერე ბუზები ესევიან და ცუდი სუნი აქვს. როცა დედა ნაყინს მყიდულობს, ქაღალდს ნაგავში ვაგდებ.
ილიკო ჩქარეული - 8 წლის
- ქალაქში ზოგან ნაგავი ყრია, რაც არ მომწონს. არ უნდა დავყაროთ ნაგავი. ამით ჰაერი ბინძურდება. ამ ჰაერს კი ჩვენ ვსუნთქავთ და ჯანმრთელობას ვიზიანებთ.
ნატალია ცეკვაშვილი, 9 წლის
- ქუჩაში ნაგვის დაყრით ძალიან ბევრი ცუდი რაღაც ხდება. მაგალითად, ცხოველები კვდებიან, რადგან ზოგჯერ საჭმელი ჰგონიათ, პარკს აყოლებენ და კვდებიან. ყველამ უნდა ასწავლოს თავის შვილს, რომ არ შეიძლება ნაგვის ნაყრა და სისუფთავე უნდა იყოს. არც სიგარეტის მოწევა შეიძლება, რადგან აზიანებს ჯანმრთელობას.
