კვლევამ აჩვენა, რომ მხედველობის დაქვეითების მიზეზი - მაკულის დეგენერაცია (მაკულა ბადურას ცენტრალური ნაწილია, სადაც ყველაზე მაღალია მხედველობის სიმახვილე) მეტწილად გამოწვეულია სისხლის ნაკადის შემცირებით ბადურის ახლომდებარე ქსოვილებში. თავდაპირველად პაციენტი აღნიშნავს ფორმული მხედველობის გაუარესებას, კითხვის გაძნელებას, მხედველობის სიმახვილის დაქვეითებას.
სწორედ ეს დასახელდა ბრიტანეთში მხედველობის გაუარესების მთავარ მიზეზად: ამის გამო 600 000-ზე მეტმა ბრიტანელმა დაკარგა მხედველობა.
კვლევაში მონაწილე 5 პაციენტს 2 წლის განმავლობაში დღეში 2 ტაბლეტ ვიაგრას ასმევდნენ.
შედეგად ერთს მთლიანად აღუდგა მხედველობა, დანარჩენ 4-ს კი შეუჩერდა მხედველობის დაკარგვის პროცესი.
„ახლა საჭიროა უფრო მასშტაბური კვლევა, რომელიც ამ ექსპერიმენტის შედეგს დაადასტურებს,“ - ამბობენ კოლუმბიის უნივერსიტეტის მეცნიერები.
მანამდე აღმოჩენილია „ვიაგრას“ ეფექტური ზემოქმედება სხვადასხვა დაავადების მკურნალობაში - გულის შეტევებიდან დაწყებული, ფილტვების დაავადებებითა და ბოლოს - დემენციით დამთავრებული.
ასე რომ, ამ ლურჯი აბების მოყვარულებს ეძლევათ საშუალება, ერთმანეთს შეუთავსონ სასიამოვნო და სასარგებლო.