ინგრედიენტები:
ქათმის ფილე - 1 კგ
მაგარი ყველი - 300 გრ
ნაღების კარაქი - 60 გრ
კვერცხი - 3 ცალი
საფანელი - 150 გრ
ხორბლის ფქვილი - 100 გრ
მზესუმზირის ზეთი - 100 მლ
მარილი, პილპილი - გემოვნებით
მომზადების წესი:
1. დაჭერით ფილე მსხვილ ნაჭრებად და გაატარეთ ხორცსაკეპ მანქანაში. მოაყარეთ ფარშს სპეცსანელებლები და კარგად გადაურიეთ, სანამ ერთგვაროვან მასას არ მიიღებთ. გაყავით მიღებული მასა 12 ნაწილად.
2. მაგარი ყველი და ნაღების კარაქი დაჭერით 12 პატარა ნაჭრად.
3. სველი ხელებით ფარშისგან გააკეთეთ კატლეტები ისე, რომ შიგნით მოათავსოთ ყველისა და კარაქის თითო-თითო ნაჭერი. შემდეგ თითოეული კატლეტი ამოავლეთ ჯერ ფქვილში, შემდეგ ათქვეფილ კვერცხში და ბოლოს საფანელში.
4. ტაფაზე გააცხელეთ მზესუმზირის ზეთი და შეწვით კატლეტები საშუალო ცეცხლზე, სანამ ქერქი არ გაოქროსფერდება.
გარნირად შეგიძლიათ კარტოფილის პიურე, მაკარონი ან წიწიბურა მოუმზადოთ.
გემრიელად მიირთვით!
