საქველმოქმედო კონცერტს აწყობენ საქართველოს კათოლიკოს-პატრიარქის ფონდი და თამარ გვერდწითელის საერთაშორისო ფონდი „მუსიკა საზღვრებს გარეშე“.
კონცერტი გამოხმაურებაა საქართველოს კათოლიკოს-პატრიარქის ინიციატივისა, დაარსდეს თავშესაფარი და გაეწიოთ დახმარება მზრუნველობამოკლებულ მოზარდებს, რომლებზეც სრულწლოვანების მიღწევის შემდეგ არ ვრცელდება აღარანაირი პროგრამა - არც სახელმწიფოს და არც საერთაშორისო ორგანიზაციების მხრიდან. სწორედ ამიტომ აუცილებელია, რომ მოზარდებს მივცეთ საზოგადოებაში ღირსეულად ინტეგრირების საშუალება და არ დავტოვოთ მარტონი ღია ცის ქვეშ.
შემოსული თანხა მთლიანად მოხმარდება პატრიარქის ამ კეთილ წამოწყებას.
კონცერტში, თამარ გვერდწითელთან ერთად, მონაწილეობას მიიღებენ ანსამბლი „შვიდკცა“, პაატა ანდრიაძის ბენდი და ზაქარია ფალიაშვილის სახელობის ოპერისა და ბალეტის სიმფონიური ორკესტრი.
საღამოზე გაჟღერდება თამარ გვერდწითელის ყველასთვის ნაცნობი და საყვარელი ძველი და ახალი სიმღერები. საღამოს რეჟისორია ზაზა ორაშვილი.
ბილეთები გაიყიდება ოთხშაბათიდან საკონცერტო დარბაზის სალაროებში და www.tkt.ge-ზე.
