მსოფლიოში ყოველდღიურად იმატებს ადამიანების რიცხვი, რომელთაც შინაური ცხოველების შეძენა სურთ. გაიგეთ საინტერესო ფაქტები მათზე, ვისთან ერთადაც ერთ ჭერქვეშ გიწევთ ცხოვრება.
„ოქროს თევზის“ მეხსიერება, საშუალოდ, 3-წამიანია. სწორედ ამიტომაც წარმოიშვა ცნობილი გამოთქმა: „თევზის მეხსიერება“, რომელსაც გულმავიწყ ადამიანებს მიაწერენ.
თუკი ოჯახში ძაღლის მოყვანა გსურთ და გერიდებათ, რომ ძაღლის ყეფამ მეზობლები არ შეაწუხოს, გამოსავალი არსებობს! როგორც ჩანს, არსებობს ძაღლის ჯიში, რომელმაც ყეფა საერთოდ არ იცის. ეს არის ბასენჯი.
ყველამ იცის, რომ კოღოებს ხშირად ვუწილადებთ სისხლს. ისინი, უმეტესად, ქერებსა და ბავშვებს არჩევენ. მათი საყვარელი ფერი ლურჯია. ამის გარდა, კოღოები ყოველწლიურად უფრო მეტ ადამიანს კლავენ, ვიდრე სხვა ცხოველები, რადგან ისინი ბევრი საშიში დაავადების მატარებლები არიან.
მეცნიერებმა დაამტკიცეს, რომ ადამიანებს, რომელთაც სახლში კატა ან ძაღლი ჰყავთ, 70%-ით ნაკლები შანსი აქვთ, გაუჩნდეთ გულისა და მაღალი წნევის დაავადებები.
აღმოჩნდა, რომ უმეტეს შემთხვევაში, ცხოველებს მშობლებისგან მემკვიდრეობით არა მხოლოდ ბეწვის შეფერილობა, არამედ ხასიათის თვისებებიც გადაეცემათ: ქცევა, მეგობრობა და მტრული დამოკიდებულება. ასე რომ, შეძენამდე ყურადღებით გამოიკვლიეთ ცხოველის მემკვიდრეობა, რათა მათი გაწვრთნა ნაკლებ ძალისხმევასთან იყოს დაკავშირებული.
ძაღლებს ნამდვილად შეუძლიათ გაგვაოცონ თავიანთი გონებრივი შესაძლებლობებით. მეცნიერებმა გამოიკვლიეს, რომ მათი ინტელექტი 2-3 წლის ბავშვის ცნობიერების იდენტურია და სწორი გაწვრთნის შემთხვევაში, მათ მცირე მათემატიკური მოქმედებების ამოხსნა და ადამიანისგან წარმოთქმული 250 სიტყვის გაგება შეუძლიათ.
