წლევანდელი ტრენდი მაქსიმალურ კომფორტსაც ითვალისწინებს, კომფორტულთან ერთად კი მოდურსაც. იქნება ეს ტურისტული ტიპის სანდლები; თუ ფლიპ-ფლოპები, რომელსაც უკანა ეზოში აუზზე ჩაიცმევ ან მყუდრო, სახლიდან მუშაობისთვის განკუთვნილი ჩუსტები; ან კიდევ დახურული ტიპის სანდლები, რომელიც საშუალებას გვაძლევს იდეალურად მოწესრიგებული პედიკური არ გვქონდეს - წლევანდელი ტრენდი ზუსტადაა მორგებული სოციალურად დისტანცირებული ზაფხულის მოთხოვნებს.
გთავაზობთ 6 ძირითად ტრენდს, რომელსაც დიზაინერები მიყვებიან ამ ზაფხულს.
დაბალი ჩუსტები
შეიძლება ასეთი ტიპის დაბალძირიანი ჩუსტები შენი სტილი არ იყოს, თუმცა 2020-ის ზაფხულს დიზაინერები უამრავ ვერსიას გვთავაზობენ. ხისძირიან სანდლებს ისეთი ბრენდები გვთავაზობენ, როგორიცაა Jacquemus და By Far. ამ ტიპის სანდლები იმდენად მრავალფეროვანია, რომ მარტივად შეძლებ, საშენო წყვილი მოირგო.
დახურული სანდლები
ამ სეზონზე ძალიან პოპულარული დახურული სანდლები ხდება, ესეც მშვენიერი გამოსავალი მაშინ, როცა პედიკურის გაკეთება გეზარება. ტყავის ზონრებით გაწყობილი სანდლები იდეალურად ერგება ფეხს და გადახურებისგან და გამტვრიანებისგანაც გიცავს.
მოდური ფლიპ-ფლოპები
გასულ ზაფხულს, მაღალძირიანი ფლიპ-ფლოპები (ე.წ. „შლოპანცები“) სეზონის ფავორიტი სელებრითებსა და ინსტაგრამ-გოგონებს შორის ძალიან პოპულარული იყო. ეს ტრენდი ამ სეზონზეც შენარჩუნდება და უფრო ორიგინალური ფორმითაც ბრუნდება. უფრო დიდ პლაფტორმაზე და უფრო სქელი და ბრტყელი ზონრებით უფრო მეტი არჩევანი აქვს ინსტაგრამ-ინფლუენსერებს.
მარტოხელა მოგზაურები
ტურისტული კომფორტული სანდლები მოდის პიკად არის აღიარებული. მოკრძალებული და სადა სტილის სანდლებს ტყავი და ლამაზპრინტიანი აბრეშუმის ზონრები ანაცვლებენ, რომლის შეხამებაც შესაძლებელია როგორც შარვლებზე, ასევე - ყოველდღიურ გრძელ კაბებზე.
სახლის ჩუსტები
სახლის ჩუსტი სანდლები თბილი ამინდების სეზონის გმირია. ის მარტივი, მოდური, კომფორტული და ყოველდღიური სეირნობის განუყოფელი ატრიბუტია, რომლითაც როგორც მაღაზიაში გასვლა, ასევე - სახლიდან მუშაობაცაა შესაძლებელი და, რაც მთავარია, მისი მორგება ყველანაირ სამოსთან შესაძლებელია.
პლატფორმები ბრუნდება
პლატფორმა სანდლები დიდი ხანი იყო გარდერობში და ახლა ის მთელი თავისი დიდებულებით და განახლებული ბრუნდება. ფერადი, სხვადასხვა ფორმის, ფაქტურის და სტრუქტურის მქონე სანდლები წლევანდელი ზაფხულის ნამდვილი ტრენდია.