„ვისოლ ჯგუფი“ ბავშვთა დაცვის საერთაშორისო დღისადმი მიძღვნილ კვირეულს იწყებს!

მრავალშვილიანი ოჯახების ბავშვებს შესაძლებლობა ჰქონდათ, დაეთვალიერებინათ „ვენდის“ სამზარეულო და გაცნობოდნენ, როგორი მაღალი სტანდარტებით მზადდება „ვენდის“ უგემრიელესი მენიუ.
დამატებით, ბავშვების გართობაზე იზრუნეს „ვენდის“ გოგონებმა და სახეზე მოხატვით, ხელისგულებზე ფერადი საღებავებით ანაბეჭდების დადებით, ცარცით ეზოს მოხატვით და, საკვირაო სკოლა „რებუსთან“ ერთად, გასართობ-შემეცნებითი აქტივობებით, პატარებს „ვენდიში“ დაუვიწყარი დროის გატარების შესაძლებლობა მიეცათ.

ორგანიზაცია „გენი ქართული“ საქართველოში მრავალშვილიანი ოჯახების მომრავლებას და ამ კუთხით საზოგადოებრივი აზრის ფორმირებას ემსახურება, რითაც დემოგრაფიული პრობლემის გადაჭრას უწყობს ხელს.

ბავშვთა დაცვის საერთაშორისო დღისადმი მიძღვნილი კვირეულის ფარგლებში „ვისოლ ჯგუფი“ შემდეგ ღონისძიებებს გეგმავს:

1. 30 მაისს USAID/G-PriEd საქართველოს დაწყებითი განათლების პროექტი და „ვისოლ ჯგუფი“ ხელს მოაწერენ ურთიერთანამშრომლობის მემორანდუმს, რომლის საფუძველზეც „ვისოლ ჯგუფის“ წარმომადგენელები მოხალისეებად ჩაერთვებიან დაწყებითი კლასების ბავშვებში ბიზნესის უნარ-ჩვევების განვითარების პროგრამაში;


2. 1 ივნისს „ვისოლ ჯგუფის“ ყველა შვილობილი კომპანიის ობიექტზე მოსულ ბავშვებს განსაკუთრებული გარემო ელით;


3. 4 ივნისს „სმარტის“ სუპერმარკეტისა და „დანკინ დონატსის“ წყნეთის ობიექტზე ზაფხულის სეზონის გახსნა იგეგმება, სადაც ბავშვებს და მშობლებს უამრავი გასართობ-შემეცნებითი ღონისძიება ელოდებათ;


4. 10 ივნისს „ვისოლ ჯგუფი“ გამართავს საქველმოქმედო აქციას "რაიდმედსის" დასახმარებლად. "რაიდმედსი" გახლავთ ცენტრი, სადაც "რაიდთერაპიას" გადიან ცერებრული დამბლის, აუტიზმის, დაუნის სინდრომის, სქოლიოზის და ჯანმრთელობის სხვა თანდაყოლილი პრობლემების მქონე ბავშვები. ბავშვათარეაბილიტაცია ხდება ცხენებზე ჯირითის დახმარებით.