1. ძალიან ვიწრო და მოჭერილი ტანსაცმელი
თუკი კვირაში 7 დღეს ასეთი ტანსაცმელი გაცვიათ, მუცლის შებერილობას ვერ ასცდებით. მაგრამ ეს ყველაზე მსუბუქი შედეგია - ვიწრო სამოსმა შეიძლება, მცირე მენჯის ღრუს ორგანოების პათოლოგიებამდეც კი მიგვიყვანოს.
2. „საბრძოლო“ ბიუსტჰალტერი
მჭიდროდ მომდგარი ბიუსტჰალტერის რკინებმა შეიძლება, მიკროტრავმები მოგაყენოთ და მკერდის დეფორმაციაც კი გამოიწვიოს. მაგრამ არც ძალიან თავისუფალი ბიუსტჰალტერის ხმარებაა რეკომენდებული - ამ შემთხვევაში მკერდი ჩამოიწელება. მით უფრო, თუ დიდი მკერდი გაქვთ. ამ დროს შეიძლება, ზურგის არეში ტკივილიც კი დაგეწყოთ.
3. XXXL ზომის ხელჩანთა
ალბათ, ბევრი იკითხავს: მერე, რა მოხდა, დიდ ჩანთას და მასში ბევრ ნივთს თუ ვატარებ? საქმე ის არის, რომ ეს სიმძიმე თქვენს ხერხემალს აწვება და ძალიან სახიფათოა. გარდა ამისა, მძიმე ჩანთის ტარება ნეგატიურად აისახება იღლიის ქვეშ განლაგებულ კუნთებზე და შეიძლება, იდაყვის სახსრის პერიართრიტიც გამოიწვიოს, რაც ძალიან მტკივნეული დაავადებაა.
4. ნიკელის ბიჟუტერია
თუ ასეთი ნივთის კანთან შეხებისას ქავილის შეგრძნება გიჩნდებათ, ესე იგი, თქვენ ნიკელზე ალერგია გაქვთ. თანაც, საქმე ის არის, რომ ნიკელი, სამწუხაროდ, შეიძლება თეთრი ან ყვითელი ოქროთიც კი იყოს დაფარული. ასეთი ალერგია კი შესაძლოა, საკვებ პროდუქტებზეც დაგეწყოთ, რომლებშიც მცირე დოზით მაინც არის ნიკელი - მაგალითად, ხორბლის ფქვილზე, შვრიის ფაფაზე, ზღვის პროდუქტებზე.
5. მაღალი ქუსლები
მაღალ ქუსლებზე ტერფები დაჭიმულია, ეს კი საკმაოდ მტკივნეულ კოჟრებს აჩენს. თანაც, როცა ორგანიზმს მყარი საყრდენი არ აქვს, ამან შეიძლება მყესების დაჭიმვამდეც მიგვიყვანოს. ამიტომ, თუ ყოველდღიურად მაინც ქუსლებზე სიარული გსურთ, 4-5 სმ-იანი შეარჩიეთ.
