ვერძი
ხელსაყრელი დღეა მშვიდი დასვენების, ფიქრისა და ახლობელ ადამიანებთან ურთიერთობისთვის. გარშემო მყოფებთან ურთიერთობაში სრული ნდობა და ჰარმონია სუფევს. გირჩევთ, პატარა, ოჯახური წვეულებაც კი მოაწყოთ და ეს დღე დიდხანს არ დაგავიწყდებათ.
კურო
წინააღმდეგობრივი დღეა. მოულოდნელი კონფლიქტი ან ძველ ვალებთან დაკავშირებული პრობლემა გელით. შესაძლოა, ვიღაცამ შეუსრულებელი ვალდებულება ან მუშაობის დროს დაშვებული შეცდომები შეგახსენოთ. გაითვალისწინეთ, რომ მეგობრების დახმარების გარეშე უსიამოვნებებს ვერ ასცდებით. შესაძლოა, უახლოეს ხანებში მოვლენები ისე არ განვითარდეს, როგორც ვარაუდობდით, თუმცა ეს თქვენზე არ არის დამოკიდებული.
ტყუპები
დაძაბული დღეა. მოულოდნელმა ცნობამ ან ახლო ადამიანთან ურთიერთობაში შექმნილმა პრობლემებმა შესაძლოა, გეგმების შეცვლა გაიძულოთ. ამ დღის ნეგატიურ ტენდენციებს ადვილად გაუმკლავდებით, თუ რეალობის გრძნობას არ დაკარგავთ.
კირჩხიბი
გირჩევთ, ეს დღე ოჯახთან დაკავშირებულ საქმეებს დაუთმოთ, მაგრამ ერიდეთ ოჯახურ კონფლიქტს. ყურადღება მიაქციეთ ბავშვებს და მათ ჯანმრთელობას. ხელსაყრელი დღეა შოპინგისა და ძვირად ღირებული ნივთების შეძენისთვის.
ლომი
ხელსაყრელი დღეა, თუმცა ერიდეთ სასიყვარულო ავანტიურებში და სარისკო ოპერაციებში ჩართვას. ნუ ეცდებით უკვე ჩამოყალიბებული ურთიერეთიბები შეცვალოთ. სიხარულით მიიღეთ ყველაფერი, რასაც ცხოვრება გთავაზობთ და მეტს ნუ მოითხოვთ. კარგი დღეა სპორტული ვარჯიშებისთვის, ურთიერთობისა და ქორწინებისთვის. ქალებს ახალი, საინტერესო ნაცნობობა ელით. მამაკაცებს ვურჩევთ, რომ ამ დღეს ხალხთან ახლოს იყვნენ - კოლექტიური ღონისძიებებისა და ერთობლივ პროექტებში წარმატება გელით.
ქალწული
წინააღმდეგობრივი დღეა. დღის პირველ ნახევარში თავს მშვიდად და ბედნიერად გრძნობთ. ეს დრო ხელსაყრელია მოგზაურობისა და დასვენებისთვის. დღის მეორე ნახევარში უსიამოვნო მოვლენები გელით, რაც განწყობას დიდი ხნით გაგიფუჭებთ. სავარაუდოდ, ეს დღე დაგამახსოვრდებათ, როგორც სამსახურთან დაკავშირებული ცვლილებების დღე.
სასწორი
არახელსაყრელი დღეა, რომელიც თვალთვალს და აგრესიას უკავშირდება. გირჩევთ, განსაკუთრებული სიფრთხილე და წინდახედულება გამოიჩინოთ. ერიდეთ ახალ ნაცნობობას და ხმაურიან წვეულებებს. შესაძლოა, მთელი საღამო ოჯახურმა საქმეებმა წაგართვათ.
მორიელი
ეცადეთ, თავი შეიკავოთ ზედმეტი კატეგორიულობისგან და შექმნილი ვითარებიდან სწორი დასკვნა გამოიტანოთ. ამ დღეს ეცადეთ, დაისვენოთ, ამის სრული უფლება გაქვთ. ქალებს ძლიერი გრძნობა ელით, რომელიც მათ ცხოვრებას მთლიანად შეცვლის. ახალი, საინტერესო ნაცნობობა უახლოეს ხანებში შესაძლოა, მყარ და საიმედო ურთიერთობაში გადაიზარდოს.
მშვილდოსანი
ამ დღეს ეცადეთ, მგზავრობისგან თავი შეიკავოთ, რადგან მოსალოდნელია უბედური შემთხვევები. მოულოდნელი ცნობა ან შეუსრულებენ ვალდებულებებთან დაკავშირებული პრობლემები გელით.
თხის რქა
ხელსაყრელი დღეა, რომელიც სიყვარულის, შენდობის და მოწყალების ნიშნით ჩაივლის. გირჩევთ სპორტითა და ფიზიკური ვარჯიშებით დაკავდეთ. ეცადეთ, თხოვნაზე უარი არავის უთხრათ. დღის მეორე ნახევარში მოულოდნელი ცნობა გელით.
მერწყული
ამ დღემ შესაძლოა, მთელი წლის მიმდინარეობა განსაზღვროს. ის დაგანახებთ, რამდნად შეიცვლება თქვენი გეგმები და როგორ განვითარდება მოვლენები. ანალიზის უნარი და ინტუიცია დაგეხმარებათ, ქცევის ტაქტიკა განსაზღვროთ. ხელსაყრელი დღეა დაკარგული ნივთების პოვნისა და გაწყვეტილი კავშირების აღდგენისთვის.
თევზები
გირჩევთ, დასვენების დღე მხოლოდ დასვენებას დაუთმოთ. სასურველია ბავშვებთან ერთად აუზზე წასვლა, ტყეში სეირნობა და მოგზაურობა. რომანტიკული თავგადასავლებისთვის ხართ განწყობილი, თუმცა ეცადეთ, მოვალეობების შესახებ არ დაივიწყოთ.