1. შეტყობინება აყვავების შესახებ
ეს შეტყობინება თქვენს ცხოვრებაში ერთი მიზნით შემოვიდა - შეგახსენოთ, რომ მხოლოდ თქვენ შეგიძლიათ საკუთარი თავის მოტივირება. უბრალოდ, დაარწმუნეთ საკუთარი თავი, რომ საკუთარ ცხოვრებას მხოლოდ თქვენ აშენებთ. დაარწმუნეთ საკუთარი თავი, რომ სიკეთესა და ბედნიერებას იმსახურებთ.
არაა აუცილებელი, მიზანს ერთ დღეში მიაღწიოთ. უბრალოდ, ყოველდღე გადადგით თითო ნაბიჯი საკუთარი ოცნებისკენ, მაშინაც კი, როცა ამის გაკეთება ძალიან ძნელია. თქვენ ნახავთ, როგორი საინტერესო და ბედნიერი გახდება ცხოვრება.
2. შეტყობინება სიმშვიდეზე
ეს სურათი თქვენთან ერთი მიზნით მოხვდა - მცირეოდენი შესვენება უნდა გააკეთოთ, რაღაცებზე მეტად უნდა დაფიქრდეთ, გააანალიზოთ, რა იქნება თქვენთვის უკეთესი და მშვიდად იმოძრაოთ წინ. ამგვარად მიაღწევთ მიზნებს. თქვენი აქტიური და დაუდგრომელი ბუნების გამო, სავარაუდოდ, ბევრი რამ არ გამოგდით. ზოგ შემთხვევაში კი ზედმეტად იმპულსურიც ბრძანდებით.
3. შეტყობინება სიყვარულზე
წარსულის გამო თავს ნუ დაისჯით. ყველაფერი, რაც გააკეთეთ, სწორი იყო. გაუშვით წარსული, თან მადლობა გადაუხადეთ მას, რამეთუ მან ბევრი რამ გასწავლათ. თქვენი ცხოვრების ყოველი მოვლენა უფრო დიდი გეგმის ნაწილია. სავარაუდოდ, ბევრ წინააღმდეგობას წააწყდებით, მაგრამ სიყვარულის, ერთგულებისა და შრომისმოყვარეობის მეშვეობით მიზნამდე ადვილად მიაღწევთ. გიყვარდეთ, ვინაიდან სიყვარულში უდიდესი ძალა დევს.
4. შეტყობინება გაგებაზე
ყოველთვის ისე არ გამოდის, როგორც გვსურს და ყველაფერი ისე ხდება, როგორც უნდა ხდებოდეს - ამ ჭეშმარიტების გაგებას თუ მოახერხებთ, თქვენი ცხოვრება უფრო ბედნიერი გახდება.
ცხოვრება მდინარეს ჰგავს. ის თავის კალაპოტში მიედინება, ამიტომ ნუ ეცდებით დინების საწინააღმდეგოდ ცურვას. გახსოვდეთ, რომ პრობლემის დაძლევის საუკეთესო გზა მისი შეცნობაა.