რას გვიამბობს თქვენი თვალების ფორმა თქვენს ხასიათზე?

ზომა
თუკი დიდი თვალები გაქვთ, ეს ნიშნავს, რომ თქვენში არის ვნება, ემოციები და შემოქმედების პოტენციალი.  ზოგჯერ ადამიანებს ზედმეტად ენდობით, ამიტომ დარწმუნდით მათი შეფასების სისწორეში.
თუ პატარა თვალები გაქვთ, ეს ნიშნავს, რომ სამყაროს ანალიტიკურად უდგებით. ყურადღებას დეტალებს უთმობთ და არა მთლიან სურათს. თქვენ სიზუსტის გჯერათ. მაღალი ინტელექტის პატრონი ხართ. ემოციების გამოვლენა არ გიყვართ.

ფორმა
ნუშისებრი თვალები თქვენს ზუსტ ალღოზე მიუთითებს. სხვების მიმართ ძალიან გულისხმიერი ბრძანდებით და პრაქტიკულად ყველანაირ ვითარებაში სიმშვიდეს ინარჩუნებთ. ზოგჯერ გარისკეთ და დეტალებზე ბევრს ნუ იფიქრებთ, ცხოვრება ამად ღირს. 
მრგვალი თვალები დიდი წარმოსახვის უნარზე მიუთითებს. თქვენ ხშირად გაურბიხართ რეალობას. იდეალისტი ბრძანდებით და ბევრი ფიქრი გიყვართ.

მანძილი თვალებს შორის
უფრო ახლო-ახლო - ეს ადამიანები ტრადიციებს იცავენ. მათთვის აღზრდა და ფასეულობები ბევრს ნიშნავს. მოსწონთ სტრუქტურა, დისციპლინა და დეტალები. ისინი უზომოდ დაკვირვებულები არიან.
უფრო შორი-შორს - საკუთარ წარსულს არ აძლევთ უფლებას, თქვენი მომავალი განსაზღვროს. საკმაოდ შორს იხედებით, ვიდრე სხვა ადამიანები. არ გიყვართ რუტინა და თავგადასავლების ძიებაში უაზროდ დაეხეტებით. სპონტანური და უშიშარი ბრძანდებით.

ამობურცული თვალები
ეს ადამიანები მგრძნობიარე და მეგობრულები არიან. მათ ოჯახთან და მეგობართა ახლო წრესთან ყოფნა უყვართ. ისინი ხშირად წუწუნებენ. ზოგჯერ პესიმიზმიც ახასიათებთ, თუმცა მათ მაინც პოზიტიურ ადამიანებად მიიჩნევენ.

ღრმად ჩამჯდარი თვალები
ეს ადამიანები საკუთარ პიროვნებას მეტწილად მალავენ. მათ იდუმალი ხასიათი აქვთ და შეიძლება მრისხანეს შთაბეჭდილებაც კი დატოვონ. მათ უყვართ თავიანთი გარემოცვა და ხშირად თავიანთ სამყაროში ცხოვრობენ.

კატისებური თვალები
ეს ფორმა თქვენს დიდ ამბიციაზე მიუთითებს. თქვენ არავის აძლევთ უფლებას, შეგაჩეროთ მიღწეულზე. სადაც არ უნდა იყოთ, ცხოვრებაში წინსვლას ცდილობთ. ზოგმა შეიძლება, ეგოისტიც გიწოდოთ, მაგრამ თქვენ უბრალოდ იცით, რა არის თქვენთვის კარგი. თქვენ არ ნებდებით უბრძოლველად.

დახრილი თვალები
თქვენ ახლობელ ადამიანებთან ყოფნა გიყვართ, ვინაიდან მათი დახმარების იმედი გაქვთ. გაუბედავი ხართ. ბევრი ცდილობს, თავისი მიზნებისთვის გამოგიყენონ. თქვენი პესიმიზმის გამო ადამიანებს თქვენს კომპანიაში მხიარულება უჭირთ.