№1 - თქვენი არჩევანია ფინჯნების დედოფალი
ეს დედოფალი თანაგრძნობაზე, სიყვარულსა და ზრუნვაზე მიგვითითებს. ფინჯნების დედოფალი ასევე გაფრთხილებთ, რომ საკუთარ თავსაც სიყვარულითა და თანაგრძნობით მოექცეთ. ის მოგიწოდებთ, შეიყვაროთ თქვენი სამუშაო, იფიქროთ უფრო პოზიტიურად.
ფინჯნების დედოფალი ურთიერთობებზე უფრო პოზიტიურ შეხედულებებს გვიქმნის. თუკი მარტოხელა ბრძანდებით და არჩევანი დედოფალზე შეაჩერეთ, ეს კარგი ნიშანია, რომელიც გირჩევთ, „გამოხვიდეთ გარეთ და ურთიერთობა დაამყაროთ“. დაიცავით წონასწორობა.
№2 - მართლმსაჯულება
თებერვალი ბალანსის თვე იქნება. გახსოვდეთ, რომ ყველაფერში მხოლოდ საკუთარ თავს ტყუილად ადანაშაულებთ.
წარმატებისთვის ბალანსი გჭირდებათ. თუკი გაინტერესებთ, თქვენ და თქვენი პარტნიორი გააგრძელებთ თუ არა ერთი გზით სიარულს, ამ ბარათის არჩევა თქვენთვის ნიშანია, დაფიქრდეთ: იქნებ აჯობებს, სხვადასხვა გზები აირჩიოთ.
№3 - ჯადოქარი
თებერვალი თქვენთვის სიახლეთა თვე იქნება. ეს ბარათი ახალ საწყისსა და დიდ იმედებზე მიგითითებთ. ის გეუბნებათ: „თქვენ შეგიძლიათ ვითარების შეცვლა“.
გექნებათ გაუმჯობესება სამსახურსა და კარიერაში. თუკი არ მუშაობთ ან სამუშაო ადგილის გამოცვლა გსურთ - ეს ყველაზე ხელსაყრელი დროა.
მალე საინტერესო შეხვედრა გელით. სწორედ ახლა ვიღაც სადღაც გეძებთ. გიპოვით თუ არა, ეს თქვენზეა დამოკიდებული.