„ამ კომპანიაში არ არის აუცილებელი, იყო ვიღაცის ნათესავი, მთავარია, იშრომო შენი მიზნისთვის“

ამბები

18 თებერვალი 15:10, 2019 წელი

23 წლის ანანო სოხაძე დღეს სადაზღვევო კომპანია „ჯიპიაი ჰოლდინგის“ საცალო გაყიდვების სპეციალისტია. ამ სფეროში ის  დასაქმების ფორუმის მეშვეობით მოხვდა. ანანო თავად მოგვიყვება, რა ეტაპები გაიარა კომპანიაში მოხვედრამდე.

- რა სპეციალობის ხართ და რას საქმიანობდით „ჯიპიაი ჰოლდინგში“ მოხვედრამდე?


- სტუდენტი ვარ ჯერჯერობით, ივანე ჯავახიშვილის სახელობის თბილისის სახელმწიფო უნივერსიტეტში იურიდიულ ფაკულტეტზე ვსწავლობ. „ჯიპიაი“ ჩემი პირველი სამსახურია.


- როგორ მოხვდით „ჯიპიაიში“?


- მედიის მეშვეობით გაიგო ბებიაჩემმა ფორუმის შესახებ  და მითხრა, წავსულიყავი. სტუდენტობის პერიოდში მსურდა, სამსახური მქონოდა, რომელიც შეთავსებადი იქნებოდა ჩემს სწავლის გრაფიკთან. მივედი ფორუმზე. შემდეგ დამირეკეს, ჩვეულებრივად გავიარე გასაუბრება, ტრენინგები, ტესტირება.


- მსურველთა სიმრავლემ ხომ არ შეგაშინათ?


- სიმართლე გითხრათ, ვიფიქრე, უბრალოდ, ვცდი-მეთქი, იმიტომ, რომ მართლა არ მეგონა, თუ ასეთ კომპანიაში ფორუმით შეიძლებოდა აეყვანათ მესამე კურსის სტუდენტი. თან არანაირი სამსახურებრივი გამოცდილება არ მქონდა. მანამდე რომ ვეძებდი შეთავსებით სამსახურებს, ყოველთვის რაღაც გამოცდილებას ითხოვდნენ. აქედან გამომდინარე, დიდად არ ველოდი, რომ დამირეკავდნენ. მივედი, რათა გული არ დამწყვეტოდა.


- როგორ ფიქრობთ, რატომ შეგარჩიეს?


- ალბათ, ერთ-ერთი მიზეზი  შეიძლება იყოს, რომ სტუდენტი ვარ. მაქსიმალურად ცდილობენ ახალგაზრდების განვითარებას, მოტივაციას, ახალგაზრდებში ნერგავენ წარმატების სურვილს და წარმატებისკენ სწრაფვას. არანაირად არ იყო გამოცდილებაზე ხაზი გასმული.


- გამოცდილების უქონლობამ  ამ სფეროში რაიმე პრობლემა ხომ არ შეგიქმნათ?


- არანაირად, რადგან სწავლების პროცესშივე მუშაობ. ჩემი ახლობლებისგან გამიგია, რომ სწავლობენ, სწავლობენ სტაჟირების პროცესში და რეალურად არაფერი გამოდის. აქ თან  მუშაობდი, თან სწავლობდი, რასაც კითხულობდი, მაშინვე პრაქტიკაში გადმოგქონდა, ძალიან მარტივი იყო ამ ორივეს შეთანხმება ერთმანეთთან. ასე რომ, პრობლემას არ წარმოადგენდა გამოცდილების უქონლობა.


- რამდენად მოგწონთ ეს სამსახური?


- რაც ამ სამსახურში ყველაზე მეტად მომწონს, ისაა, რომ სწავლობ ადამიანებს და ადამიანებთან ურთიერთობას, რაც არა მარტო სამსახურებრივად, ცხოვრებისეულადაც ძალიან კარგია ჩემი მომავლისთვის. ძალიან მომწონს თუნდაც თანამშრომლებთან ურთიერთობა. მათ გარდა, ყოველდღიურად იმდენ ადამიანთან მიწევს ურთიერთობა, რომ ყველასთან თითქმის ახლოვდები, დიდ სანაცნობო ბაზას იქმნი. ასევე, ზრუნავ ადამიანებზე იმიტომ, რომ რეალურად ისეთი გაჭირვების დროს სჭირდებათ ეს სადაზღვევო, რომ გაქვს განცდა, ადამიანებს ეხმარები და ქველმოქმედებას ჩადიხარ. ამ მხრივ, ძალიან მომწონს ჩემი სამსახური.


- რას ურჩევდით „ჯიპიაი ჰოლდინგში“ დასაქმების მსურველებს?


- დასაქმების მსურველებს ვურჩევ, მთავარია, ჰქონდეთ მიზანი და იცოდნენ, როგორ უნდა  მივიდნენ  ამ  მიზნამდე. და თუ მიზანს დაისახავენ, აუცილებლად მიაღწევენ  მას ამ კომპანიაში. მე თვითონ გამოვცადე ეს ჩემს თავზე - აქ არ არის აუცილებელი, იყო ვიღაცის ნათესავი, ახლობელი, მთავარია, გქონდეს მიზანი და იშრომო ამ მიზნისთვის. ძალიან ბევრი შრომა უნდა, მაგრამ თუ იშრომებ, აუცილებლად დაგიფასებენ ყველაფერს, არ დაგიკარგავენ და შრომას ჰაერში არ გაუშვებენ. ჩემთვის პრიორიტეტული სამსახური ის იყო, რომელიც სწავლაში ხელს შემიწყობდა. ძალიან მიწყობენ სწავლაში ხელს. ყველას უკვირს, როგორ ვახერხებ სწავლას და მუშაობას ერთად. საბედნიეროდ, მაქვს ისეთი სამსახური, რომელიც ამაში ხელს არ მიშლის.


სადაზღვევო კომპანია „ჯიპიაი ჰოლდინგი“ დასაქმების მასშტაბურ პროგრამას წელსაც აცხადებს და პროექტის ფარგლებში საცალო გაყიდვების 300 სპეციალისტის აყვანას გეგმავს.


ნებისმიერ დაინტერესებულ ადამიანს, ასაკობრივი შეზღუდვის, სამუშაო გამოცდილებისა და სპეციფიკური განათლების მოთხოვნის გარეშე, აქვს შესაძლებლობა, გახდეს „ჯიპიაი ჰოლდინგის“ პროფესიონალთა გუნდის წევრი.


„ჯიპიაი ჰოლდინგის“ დასაქმების ფორუმები ჩატარდება 22 და 23 თებერვალს, 10:00-დან 19:00 საათამდე. მისამართი: რუსთაველის გამზ. #27, თანამედროვე ხელოვნების მუზეუმის შენობა. მუშაობს დასაქმების ცხელი ხაზიც: 2 509111.

დღის ჰოროსკოპი

29 მარტის ასტროლოგიური პროგნოზი

რას გვირჩევენ ვარსკვლავები 29 მარტისთვის  ჯანმრთელობის, ბიზნესის და სიყვარულის მიმართულებით?
ჩვენ გვერდით

მსოფლიოს დეზინფექცია - ფოტორეპორტაჟი

მსოფლიო, კორონავირუსის გამო, უპრეცედენტო სანიტარულ ზომებს იღებს... 
ამბები

„ვენდი“ და „დანკინი“ მიწოდების უკონტაქტო სერვისზე გადადის

„ვენდი“ და „დანკინი“ ითვალისწინებს ჯანმრთელობის უსაფრთხოების რეკომენდაციებს და მიწოდების სრულად უკონტაქტო სერვისზე გადადის.
დღის ჰოროსკოპი

28 მარტის ასტროლოგიური პროგნოზი

რას გვირჩევენ ვარსკვლავები 28 მარტისთვის  ჯანმრთელობის, ბიზნესის და სიყვარულის მიმართულებით?
ამბები

„შენ ტირი, ნუ ტირი, მე კარგად ვიქნები, მე მაგარი გოგო ვარო“ - ხშირად ამხნევებს დედას

სპინალური კუნთოვანი ატროფიით დაავადებულ პატარებს სახელმწიფოს დახმარების იმედიღა აქვთ.
ჩვენ გვერდით

კორონავირუსი და საინფორმაციო ჰიგიენა - ყველაფერს ნუ „გადაპოსტავთ“

პანდემიის შესახებ გავრცელებულ ამბებში სიმართლისა და დეზინფორმაციის ერთმანეთისგან გარჩევა ძალიან გართულდა. კორონავირუსის ირგვლივ არსებული ჭარბი ინფორმაცია ჯანდაცვის მსოფლიო ორგანიზაციამ უკვე შეაფასა, როგორც „ინფოდემია“. WHO-ს ოფიციალურ ვებგვერდზე კი პროფესიონალური სიფრთხილით უდგებიან თითოეულ სიტყვას, რომელიც მთავრდება მარცვალზე „-დემია“ და უმიზეზოდ არასდროს იყენებენ.  
საკნატუნო ამბები

ეგონა, უკვალოდ მოქმედებდა, თუმცა...

წარმოიგინეთ, შედიხართ სამზარუელოში და ხედავთ, რომ თქვენი ძაღლი გაურკვეველ წითელ მასაში ამოსვრილი იატაკზეა გართხმული. საშინელებაა!
დღის ჰოროსკოპი

27 მარტის ასტროლოგიური პროგნოზი

რას გვირჩევენ ვარსკვლავები 27 მარტისთვის ჯანმრთელობის, ბიზნესის და სიყვარულის მიმართულებით?
ამბები

„ვისოლ ჯგუფი“ თბილისის მერიასთან ერთად მარტოხელა მოხუცებს  ყოველდღიური მოხმარების საგნებითა და საკვები პროდუქტებით მოამარაგებს

„ვისოლ ჯგუფი“ განცხადებას ავრცელებს ახალი სოციალური პროექტის შესახებ, რომელსაც თბილისის მერიასთან ერთად ახორციელებს.
ამბები

„ვისოლმა“ საწვავზე ფასები 25-26 თეთრით შეამცირა, „უნიქარდის“ მფლობელებმა კი „ვისოლში“ ყოველდღიურად უკვე 40 თეთრამდე დანაზოგი ნახეს

„ვისოლი“ ითვალისწინებს ქვეყანაში შექმნილ ვითარებასა და მსოფლიო ბაზარზე ნათობპროდუქტების ფასების კლების ტენდენციას და საწვავის ფასებს, ჯამში, დიზელზე - 26 თეთრით, ბენზინზე კი 25 თეთრით ამცირებს“, - ამის შესახებ განცხადებას კომპანია „ვისოლი“ ავრცელებს.
ამბები

#StopCov ფონდში „საქართველოს ინდუსტრიულმა ჯგუფმა“ 300 000 ლარი გადარიცხა

„საქართველოს ინდუსტრიული ჯგუფი“ უერთდება ბიზნეს ასოციაციის მიერ წამოწყებულ ბიზნეს სოლიდარობას და „COVID 19"-ის წინააღმდეგ საბრძოლველად წამოწყებულ აქციაში ერთვება.
სილამაზე/ჯანმრთელობა

როგორ მოქმედებს ორგანიზმზე წინდებით ძილი?

თუკი ძილის პრობლემები გაქვთ, შესაძლოა, ამან გიშველოთ...