პრეზენტაცია პეკინის #31-ში, თბილისის 33-ე ბიბლიოთეკაში გაიმართა, სადაც წლების მანძილზე ლიტერატურული კაფე „წიგნის სახლიც“ იყო განთავსებული. ავტორმა სტუმრებს კრებულიდან რამდენიმე ლექსიც წაუკითხა.
მაკა ჯაიანი წლების მანძილზე ბეჭდურ და ონლაინმედიაში სოციალურ თემატიკაზე წერდა და მის სტატიებს არაერთი ჯილდო აქვს დამსახურებული, ლექსებს კი პირველად აქვეყნებს. მის პოეზიაზე „შაქარყინულის“ წაკითხვამდე რომ შეგექმნათ შთაბეჭდილება, პოეტ ცირა ბარბაქაძის წინასიტყვაობიდან ამონარიდს გთავაზობთ:
„პოეზია იდუმალის გამჟღავნებაა... სულის სკივრში გადამალული განძის გამომზეურება, მეტაფორები კი ემოციების ესენციად ქცეულა, სრულიად სხვადასხვა გემოს, სურნელსა და ფერს რომ ატარებენ... სწორედ ამ არომატებით გამოირჩევა მაკა ჯაიანის ლექსების წიგნი, განსაკუთრებული სიფაქიზე, სინაზე და სიფრთხილე რომ დაჰყვება“ .