ნიკოლოზმა წელს პირველი კლასი დაამთავრა:
- ყველაზე ცუდად ვაშლი მახსენდება, რადგან არ მიყვარს და ძალით მაჭმევდნენ. პირველი გიმნაზიის მოსწავლე ვარ. მათემატიკა განსაკუთრებულად მომწონს.
მათემატიკაზე შეყვარებული ბიჭი დედიკოს პროფესიას ასე აფასებს:
- ჟურნალისტის პროფესია არ მიყვარს. თემა უნდა მოიფიქრო, მერე დაწერო და ამ ყველაფერს ორ საათზე მეტი სჭირდება. პატარა რომ ვიყავი, დედიკოს ვეუბნებოდი, ტელევიზორიდან ხელი დამიქნიე-მეთქი. დედიკოც 2-3 საათი წერს და ვბრაზდები ხოლმე. კომპიუტერთან თუ ზის და საქმეს აკეთებს, ოთახში არ შემოხვიდეო, მეუბნება.
- ნიკოლოზ, დედიკოს ხშირად ეუბნები, რომ გიყვარს?
- ადრე ხშირად ვეუბნებოდი და ახლა ამისთვის არ მცალია. 08:20 საათზე ვიღვიძებ და სკოლაში მივდივარ. ჯერ გახანგრძლივებულში ვრჩები, მერე გაკვეთილებს ვესწრები. სახლში რომ მივალ, ვჭამ, ვმეცადინეობ, კომპიუტერთან ერთ საათს ვატარებ და მერე ვიძინებ.
- სკოლას რომ დაამთავრებ, რა გეგმები გაქვს?
- უნივერსიტეტში ვისწავლი, სადაც ლექციებს კითხულობენ.