„ავალონის“ დამფუძნებელი: „გვინდოდა, თბილისში რამე განსხვავებული შეგვექმნა“

ბიზნესმენი

5 იანვარი 10:00, 2016 წელი

შუა საუკუნეების ტრადიციებით მოწყობილ რესტორან „ავალონში“ შესვლისას უნებურად გახსენდება სამეფო კარის თამაშები, მეფე არტური, მრგვალი მაგიდის რაინდები და ყველა ის საყვარელი პერსონაჟი, რომელთა თავგადასავალიც კარგად გვახსოვს. ქართველებისა და უცხოელების საყვარელ რესტორანში ხშირად იმართება სხვადასხვა ღონისძიება, თუმცა დამფუძნებელს ივა თარხანოვს საჯარო სივრცეში გამოჩენა ნაკლებად უყვარს და, როგორც თავად ამბობს, საკუთარ რესტორანში ერთი ფოტოც არ აქვს გადაღებული.


ივა თარხანოვი:

- რესტორანი „ავალონი“ 3 წელია, არსებობს. ყოველთვის მიყვარდა და მაინტერესებდა ეს სფერო, ჩემთვის საიდუმლოებით იყო მოცული. სულ ვუყურებდი, როგორც ჯადოსნურ სამყაროს. ეს სფერო საკმაოდ რთული და ფაქიზია, რადგან სტუმარი ყოველთვის კმაყოფილი უნდა წავიდეს შენგან და დაბრუნების სურვილი გაუჩნდეს.
მინდოდა, თბილისში განსხვავებული რამ გამეკეთებინა, ის, რაც აქამდე არ ყოფილა. თან ქალაქს აკლდა ა კლასის რესტორნები. ყველანი ბავშვობიდან მოვდივართ და ყველას გვაქვს წაკითხული შუა საუკუნეების ეპოქის სარაინდო რომანები, ზღაპრები... ალბათ, ყველა ბიჭი წარმოიდგენდა თავს იმ რაინდების ადგილას, რომლებიც ჩაკეტილი კოშკიდან ათავისუფლებდნენ თავიანთ საყვარელ პრინცესებს, სადაც ბრძოლით მოიპოვებოდა სახელი, დიდება, ქალის გული... სწორედ ეს არის ლაიტმოტივად გატარებული რესტორნის კონცეფციაში. „ავალონის“ სივრცე ორ ნაწილად იყოფა - ერთია რესტორანი, მაღალი დონის სერვისით, ქართული და ევროპული სამზარეულოთი, უფრო სამეფო, დახვეწილი ინტერიერით და მეორეა პაბი, გამოქვაბულის სტილში და გოთიკური ელემენტებით. აქ გვაქვს ჩანჩქერი და გვყავს ოქროს თევზები, რომლებიც სურვილს ასრულებენ (ეღიმება). რესტორანში დრეს-კოდი მოქმედებს, ხოლო პაბი, ამ მხრივ უფრო თავისუფალია. პაბის მენიუც განსხვავდება რესტორნის მენიუსგან.

- ინტერიერისა და არქიტექტურის შექმნის პროცესში უშუალოდ მონაწილეობდით?
- კი, რა თქმა უნდა, და ახლაც ასეა. ძალიან აქტიური ადამიანი ვარ. შესაბამისად, სახლში ჯდომა და სხვისთვის რაღაცების გადაბარება არ მიყვარს. მე ამ ბიზნესის პულსზე მიდევს ხელი. საკმაოდ ხანგრძლივი, რთული და შრომატევადი საქმე იყო.

- ქართველმა მომხმარებელმა როგორ მიიღო ნოვაცია?
- ძალიან კარგად. რაინდობა ქართველების ხასიათშია. ამ ეპოქის მიმართ რომანტიკულ დამოკიდებულებას არ აქვს ეროვნება, შესაბამისად, საკმაოდ ბევრი სტუმარი გვყავს.

- მკაცრი ხართ თანამშრომლებთან?
- საკმაოდ, რადგან ჩემთვის ხარისხი მნიშვნელოვანია. ადამიანი ჩვენი გუნდის წევრი რომ გახდეს, უნდა ჰქონდეს პასუხისმგებლობის მაღალი გრძნობა, ორგანიზებულობა, იყოს თვითკრიტიკული, კვალიფიკაციის ამაღლებაზე ორიენტირებული. მე თვითონ საკმაოდ კრიტიკული ვარ და პირდაპირიც, არ მიყვარს ბიუროკრატიული მიდგომა. ბევრი ვერ უძლებს ასეთ რეჟიმს, ამიტომ ხშირად ხდება თანამშრომლების როტაცია და მკაცრი გაცხრილვა. საუკეთესოები რჩებიან. რასაც აკეთებ, საუკეთესოდ უნდა გააკეთო.

- მანამდე თუ გქონდათ ბიზნესგამოცდილება?
- მანამდე რამდენიმე ბიზნესი მქონდა. განათლებით ფინანსისტი ვარ, მაქვს რუსული განათლება. გარკვეული პერიოდის განმავლობაში რუსეთში ვცხოვრობდი და იქ მქონდა საკუთარი ბიზნესი. 90-იანი წლების ბოლოს დავიწყე ბანკში რიგითი თანამშრომლის პოზიციიდან და 3 წელიწადში ერთ-ერთი დეპარტამენტის უფროსი გავხდი. შემდეგ გადავწყვიტე, საკუთარი ბიზნესი წამომეწყო. საერთოდ, 90-იანმა წლებმა დიდი როლი ითამაშა ჩემი ხასიათის ფორმირებასა და გაძლიერებაში. პირველი, მცირე ბიზნესის მცდელობა 16 წლის ასაკში მქონდა, მაშინ თან ვსწავლობდი. ვიქირავე ორი მაცივარი - ერთი „კოკა-კოლასთვის“, ერთი ნაყინისთვის და ერთ-ერთ დაწესებულებასთან დავდგი... შესაბამისად, ძალიან ბევრი საფეხური  მაქვს გავლილი.

- საუბარში ბრძანეთ, საკუთარ რესტორანში ერთი ფოტოც არ გადამიღიაო. როგორც ჩანს, ჩაკეტილი ადამიანი ხართ, არადა თქვენი ბიზნესი სწორედ ბევრ ხალხთან ურთიერთობას უკავშირდება.
- მე ვიტყოდი, ზომიერად ჩაკეტილი. ხალხთან ურთიერთობას რაც შეეხება, ამისთვის არის მენეჯერების გუნდი, რომელიც ამ ნიშას ავსებს.

- საკუთარ რესტორანში მოლხენა არ გიყვართ?
- ნაკლებად, მოლხენას ვერ ვახერხებ, მაინც მუშაობას ვაგრძელებ, ყველაფრის შეფასებას და კრიტიკული მზერით ყურებას. საქმიანობიდან გამომდინარე, თავისუფალი დრო იშვიათად მაქვს. ასეთ პერიოდში კი ოჯახთან ყოფნა ან კითხვა მიყვარს.

დღის ჰოროსკოპი

20 თებერვლის ასტროლოგიური პროგნოზი

რას გვირჩევენ ვარსკვლავები 20 თებერვლისთვის ჯანმრთელობის, ბიზნესის და სიყვარულის მიმართულებით?
ამბები

„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა

„მეტი ქართული პროდუქტის“ ინიციატივის ფარგლებში ამერიკული „ვენდის“ იმპორტის ქართული პროდუქტებით ჩანაცვლებამ „ვენდის“ რესტორნებს მეტი ერთგული მომხმარებელი შესძინა.
დღის ჰოროსკოპი

19 თებერვლის ასტროლოგიური პროგნოზი

რას გვირჩევენ ვარსკვლავები 19 თებერვლისთვის ჯანმრთელობის, ბიზნესის და სიყვარულის მიმართულებით?
კულინარია

ვაშლი ვენურად: სასარგებლო და გემრიელი დესერტი 5 წუთში

მალე გაზაფხული მოვა და ორგანიზმს ზამთრის შემდეგ ვიტამინებით „შევსება“ სჭირდება. გამომცხვარი ვაშლი კი, გულში - დარიჩინით და ვანილით, ფიგურას არ ემუქრება და ყველას მოსწონს.
დღის ჰოროსკოპი

18 თებერვლის ასტროლოგიური პროგნოზი

რას გვირჩევენ ვარსკვლავები 18 თებერვლისთვის  ჯანმრთელობის, ბიზნესის და სიყვარულის მიმართულებით?
ურთიერთობა

ერთი პატარა ისტორია საყვარლის ცხოვრებიდან

ეს ამბავი საბჭოთა დროში მოხდა, თუმცა, ალბათ, ყოველთვის აქტუალური იქნება, ნებისმიერ ქვეყანაში და ნებისმიერ წყობაში.
დღის ჰოროსკოპი

17 თებერვლის ასტროლოგიური პროგნოზი

რას გვირჩევენ ვარსკვლავები 17 თებერვლისთვის ჯანმრთელობის, ბიზნესის და სიყვარულის მიმართულებით?
იცით თუ არა...

შეამოწმეთ, არის თუ არა თქვენში თავადის გენი!

თავადაზნაურობა ყოველთვის გამორჩეული იყო უნიკალური შინაგანი თვისებებით, რომლებიც დროთა განმავლობაში არ ხუნდება და უცხო პირობებშიც არ იკარგება. მათი არც სწავლა შეიძლება და არც დავიწყება. თქვენ ან გაქვთ ეს თვისებები, ან არ გაქვთ.
კინო

ვინ არის ეს უცნობი ქალი მსოფლიო ვარსკვლავების გვერდით?

ბელგიაში ერთ-ერთ ბუკინისტურ მაღაზიაში იპოვეს ფოტოალბომი, ძალიან ბევრი ფოტოთი. თითქოს არაფერია უცნაური, მაგრამ ყველა ფოტოზე აღბეჭდილია ერთი და იგივე ქალბატონი, რომელთანაც პლანეტის ცნობილი ადამიანები პოზირებენ!
დღის ჰოროსკოპი

16 თებერვლის ასტროლოგიური პროგნოზი

რას გვირჩევენ ვარსკვლავები 16 თებერვლისთვის ჯანმრთელობის, ბიზნესის და სიყვარულის მიმართულებით?
კულინარია

არისტოკრატების საუზმე - ერბოკვერცხი „ორსინი“ (2 რეცეპტი)

ერბოკვერცხის მომზადების სრულიად გენიალური ხერხი დიდი იმპრესიონისტის კლოდ მონეს რეცეპტების წიგნიდან!
დღის ჰოროსკოპი

15 თებერვლის ასტროლოგიური პროგნოზი

რას გვირჩევენ ვარსკვლავები 15 თებერვლისთვის ჯანმრთელობის, ბიზნესის და სიყვარულის მიმართულებით?