რა უნდა გაითვალისწინოთ დიეტის დროს:
- მიიღეთ რაც შეიძლება ბევრი წყალი (1-2 ლიტრამდე დღეში);
- შეეცადეთ, დიეტისთვის საჭირო პროდუქტები წინასწარ მოიმარაგოთ;
- დიეტაში განსაზღვრულია ხუთჯერადი კვება საათების მიხედვით. თუ გსურთ, შიმშილის შეგრძნებამ არ შეგაწუხოთ, შეეცადეთ, მოცემული საათები მაქსიმალურად დაიცვათ.
შვედური დიეტის მენიუ:
თევზის დღე:
საუზმე (8:00) - მოხარშული თევზი;
ლანჩი (11:00) - გამომცხვარი თევზი;
სადილი (14:00) - თევზის წვნიანი - უხა, ბოსტნეულისა და სხვა ინგრედიენტების გარეშე;
სამხარი (17:00) - ორთქლზე მომზადებული თევზი;
ვახშამი (20:00) - მოხარშული თევზი.
დიეტის პირველი დღისთვის განსაზღვრულია 500 გრ. თევზი. სასმელი - უშაქრო მწვანე ჩაი. არ დაგავიწყეთ, მიიღოთ ბევრი წყალი! შეეცადეთ, კერძები ნაკლებად დაამარილოთ. მარილი შეგიძლიათ ლიმონის წვენით ჩაანაცვლოთ. ასევე, შეგიძლიათ, კერძები მწვანილებით შეაზავოთ.
ბოსტნეულის დღე:
საუზმე (8:00) - გახეხილი სტაფილო - 2 ცალი;
ლანჩი (11:00) - წყალზე მომზადებული კარტოფილის პიურე;
სადილი (14:00) - მოთუშული ბოსტნეულის მიქსი;
სამხარი (17:00) - ორთქლზე მომზადებული დაუჭრელი ბოსტნეული;
ვახშამი (20:00) - უმი ბოსტნეული.
ამ დღეს რეკომენდებულია, მიიღოთ 1,5 კგ. ბოსტნეული. მიირთვით ბოსტნეულის წვენები, ჩაი და ყავა (უშაქროდ).
ქათმის დღე:
საუზმე (8:00) - მოხარშული ქათმის მკერდი;
ლანჩი (11:00) - გამომცხვარი ქათმის ფილე;
სადილი (14:00) - ქათმის ბულიონი;
სამხარი (17:00) - გრილზე მომზადებული კანგაცლილი ქათამი;
ვახშამი (20:00) - მოხარშული ქათმის მკერდი.
დღის განმავლობაში უნდა მიიღოთ 500 გრ. ქათამი. ასევე, დალიეთ ლიმონიანი წყალი.
მარცვლეულის დღე:
საუზმე (8:00) - წყალზე მოხარშული ხორბალი და ხრაშუნა პური;
ლანჩი (11:00) - წყალზე მომზადებული წიწიბურა;
სადილი (14:00) - მოხარშული ბრინჯი;
სამხარი (17:00) - წყალზე მომზადებული შვრიის ფაფა, თხილეული ან მზესუმზირა;
ვახშამი (20:00) - წყალზე მომზადებული წიწიბურა;
დღის მანძილზე განსაზღვრულია 200 გრ მარცვლეული (მშრალი პროდუქტი). შეგიძლიათ, მიირთვათ მცენარეული ნახარში, ჩაი და ყავა.
ხაჭოს დღე:
საუზმე (8:00) - ხაჭო და 1-2 კოვზი ნატურალური იოგურტი;
ლანჩი (11:00) - ხაჭოს დამატებული 1-2 კოვზი რძე;
სადილი (14:00) - ხაჭო;
სამხარი (17:00) - ხაჭოს დამატებული 1-2 კოვზი რძე;
ვახშამი (20:00) - ხაჭო.
დღის განმავლობაში რეკომენდებულია 500 გრ. ხაჭოს მიღება.
ხილის დღე:
საუზმე (8:00) – 2 ცალი წითელი ვაშლი, შავი ყავა;
ლანჩი (11:00) - ბანანი;
სადილი (14:00) - ფორთოხალი, ყურძენი;
სამხარი (17:00) - კივი, ანანასი;
ვახშამი (20:00) – 2 ცალი მწვანე ვაშლი;
ამ დღეს რეკომენდებულია მიიღოთ 1,5 კგ. ხილი. შეგიძლიათ, ასევე, დალიოთ ხილის ახლად დაწურული წვენი.
გისურვებთ ჯანმრთელობასა და სილამაზეს!