ვერძი
ადამიანი, რომელიც ამჟამად თქვენ გვერდით იმყოფება, შესაძლოა, რთული ბუნებისაა, მაგრამ სწორედ ის გაგრძნობინებთ თავს საყვარელ და სასურველ ადამიანად, ამიტომ, ნუ შეგეშინდებათ მას თქვენი გულის გასაღები ანდოთ. შესაძლოა, მოულოდნელად, მეგობრები გესტუმრონ. თუნდაც სხვა გეგმები გქონდეთ, ნუ მოიწყენთ, საღამო სასიამოვნოდ და მხიარულად ჩაივლის. საერთოდ, ამ დღეს ყველა თქვენთან სიახლოვეს ცდილობს, როცა თქვენ მარტოობისკენ მიილტვით.
კურო
ვარსკვლავები ხვალ ერთ ადგილზე გაჩერებისა და მშვიდად ყოფნის საშუალებას არ მოგცემენ. თუ გსურთ, რომ თქვენს ოცნებას გაჰყვეთ, ასეც უნდა მოიქცეთ, რომ მოგვიანებით არ ინანოთ. დღეს თქვენს გზაზე აუცილებლად გამოჩნდება ადამიანი, რომელიც დასახული გეგმების განხორციელებაში ხელს შეგიშლით, ამიტომ სერიოზულს ნურაფერს დაგეგმავთ.
ტყუპები
სიცილი სიცოცხლეს ახანგრძლივებს და რთული დღის გადატანაში გეხმარებათ. სანამ „მარჯვნივ და მარცხნივ“ რჩევებს გასცემდეთ, დაფიქრდით, რაში გჭირდებათ ვინმეს ცხოვრებაზე გავლენის მოხდენა? ტყუპებო, ამჟამად რთული დრო გიდგათ, მაგრამ გაიხსენეთ საკუთარი ოცნება და ცრემლები შეიშრეთ.
კირჩხიბი
დღის მეორე ნახევარში „მეორე სუნთქვა“ გაგეხსნებათ და ყველას დაუმტკიცებთ, რომ შეუძლებელი არაფერია. გირჩევთ, თანამოაზრესთან ერთად, რაც შეიძლება მეტი დრო გაატაროთ. ეს ორივესთვის სასარგებლო იქნება. შეწყვიტეთ ადამიანებისგან იმაზე მეტის მოთხოვნა, რისი მოცემაც შეუძლიათ.
ლომი
სარკეში საკუთარი ბედნიერი სახის დანახვა მთელი დღის ენერგიით აგავსებთ. შესაფერისი დღეა ჯადოსნური სიტყვების, „მაპატიე“ და „მადლობა“, სათქმელად. გახსოვდეთ, რომ ნამდვილი მეგობრობა საიდუმლოს შენახვასაც ითვალისწინებს, ამიტომ აკონტროლეთ, ვისთან რა უნდა თქვათ.
ქალწული
მშვენიერი დღეა იმისთვის, რომ განთავისუფლდეთ ზედმეტი ნივთებისგან ან თავიდან მოიცილოთ ის, რაც არ გჭირდებათ, მაგრამ გადასაგდებად გენანებათ. არ იდარდოთ, მათ გარეშე არ გაგიჭირდებათ. მოერიდეთ გაუაზრებელ ქმედებებს და საღამო მშვიდ ატმოსფეროში, მაგალითად, ტელევიზორის წინ ან წიგნის კითხვაში გაატარეთ.
სასწორი
მიმდინარე პრობლემებს წარმატებით გადაწყვეტთ. სასწორები ისეთ სიტუაციაში აღმოჩნდებიან, რომელშიც „გამეორება - ცოდნის დედაა“. სამწუხაროდ, ხვალ სხვის გასაჭირს გულთან ახლოს არ მიიტანთ.
მორიელი
ამ დღეს მჭევრმეტყველურ ნიჭს გამოავლენთ, ასე რომ, თქვენი მონაყოლით ყველას ყურადღებას მიიპყრობთ. იმ შემთხვევაშიც, თუკი ვინმეს მოკვლის სურვილი გაგიჩნდებათ, მის განხორციელებას მაინც ვერ შეძლებთ. მაშინ რა საჭიროა ამდენი ნეგატივი? წარსული სასიყვარულო ურთიერთობის გახსენება სევდიან ხასიათზე დაგაყენებთ.
მშვილდოსანი
ამ დღეს აბსოლუტურად ყველა სტერეოტიპს, სისტემასა და კრედოს დაარღვევთ, თუმცა, ყველაფერი ძალიან კარგად ჩაივლის. ნუ იტყვით უარს სასიამოვნო წვრილმანებზე. არ ღირს ახალი კულინარიული შედევრების ექსპერიმენტირება - ტყუილად ნუ დახარჯავთ პროდუქტებს.
თხის რქა
ხვალ ფანქრების ყველა ფერი თქვენს ხელშია, ამიტომ თავად შეძლებთ საკუთარი დღის გაფერადებას. ნუ დაიჯერებთ დაუფიქრებლად ყველაფერს, რასაც გაიგებთ. საყვარელ ადამიანთან კამათი დიდი ხნით გაანაწყენებს თხის რქებს.
მერწყული
დაკავდით შემოქმედებით ან რომელიმე ნაკეთობაზე მუშაობით, ეს ჰარმონიის შეგრძნებას მოგანიჭებთ. რაც უფრო მეტ დროს დაუთმობთ სხვის საქმეებს, მით უფრო მეტი შანსი გაქვთ, საკუთარი პრობლემები მოაგვაროთ. ვარსკვლავები არ გირჩევენ საღამოს სასეირნოდ გასვლას, შესაძლოა, უსიამოვნო ნაცნობობა შეგემთხვათ.
თევზები
თევზებმა აუცილებლად უნდა უთხრათ საკუთარ თავს - „მე შევძლებ“, რადგან რეალურად შეძლებთ. ხვალ განსაკუთრებულად იგრძნობთ არაგულწრფელობას, რომელსაც ვერსად გაექცევით. მთელი დღე ფულზე ფიქრი არ ღირს - ფული არასდროს არავის ჰყოფნის, სცადეთ, დაკმაყოფილდეთ იმით, რაც გაქვთ!
