ამ ქალებს უმამაკაცოდ ცხოვრება შეუძლიათ

ჰოროსკოპი

18 თებერვალი 14:00, 2015 წელი

ეს ძლიერი ქალები თაყვანისმცემლებს აიძულებენ, მათზე გიჟდებოდნენ, თუმცა არასდროს არც ერთი მამაკაცის საკუთრება არ იქნებიან.

ვერძი


  ძლიერი ქალების ნომინაციაში პირველ ადგილს ვერძი იკავებს. ვერძ ქალს მხოლოდ ეჩვენება, რომ სიყვარული მისთვის ყველაფერია. იგი იმდენად გატაცებულია გარესამყაროთი და საკუთარი თავით, რომ სიყვარულს არ შეუძლია მოიცვას მთელი მისი არსება.  სხვა ქალებისგან განსხვავებით, მას შეუძლია უმამაკაცოდაც იოლად გავიდეს მთელი ცხოვრება.


ვერძისთვის უმამაკაცოდ ცხოვრება სულაც არ ნიშნავს უსიყვარულოდ ცხოვრებას. მას გამუდმებით სჭირდება ოცნების საგანი. ამასთან, დიდი მნიშვნელობა არ აქვს, მისი საოცნებო პიროვნებაა მის გვერდით არის თუ ცხრა მთას იქით. ვერძი ქალისთვის მთავარია, მასზე ოცნება შეეძლოს.


ზოგადად ცხოვრებაში, რაც კი მამაკაცს შეუძლია, იმ საქმეს თავადაც მშვენივრად გაართმევს თავს. იგი თვითონ აღებს ხოლმე კარს და არასდროს არ ელოდება, როდის შესთავაზებენ გალანტურად პალტოს. თვითონ მიიწევს მაგიდასთან სკამს, მოუკიდებს სიგარეტს, გამოიძახებს ტაქსის და საერთოდ, დამოუკიდებლად იბრძოლებს თავისი არსებობისთვის. უფრო მეტიც, ვერძი ქალი ამას მამაკაცზე სწრაფად და კარგად გააკეთებს. თუმცა ამ საქციელით, იგი გამოუსწორებელ დარტყმას აყენებს მამაკაცის თავმოყვარეობას.


ვერძ ქალს ძალიან უყვარს პირველობა, ინიციატივის გამოჩენა.  ეს მის მოკლევადიან სასიყვარულო გატაცებებსაც ეხება. ხშირად ვერძი ქალი თვითონ უხსნის მამაკაცს სიყვარულს, განსაკუთრებით, როცა ეს უკანასკნელი ყოყმანობს და თავის გრძნობებში ვერ ერკვევა. თუ ასეთ ქალს ეფლირტავებით, მხოლოდ იმ შემთხვევაში მოეხვიეთ და აკოცეთ, თუ დარწმუნებული ხართ, რომ მასაც მოსწონხართ, თორემ ისეთ დღეს დაგაყრით, თავბედს გაწყევლინებთ.


ვერძი ქალი თაყვანისმცემლებს აიძულებს, მასზე გიჟდებოდნენ და აღფრთოვანებულნი ეტრფოდნენ. თავად კი ისეთზე ოცნებობს, რომელიც რაიმე მიზეზის გამო მისთვის აბსოლუტურად მიუწვდომელია. მას ეს მიუწვდომელის მდგომარეობა მოსწონს.


ვერძი ქალი ცხოვრების ნებისმიერ პირობებს წუწუნის გარეშე ეგუება. შეუძლია, ფეხებზე დაიკიდოს საზოგადოებრივი აზრი, არ შეუშინდეს მტრების არმიას და გულგრილად დაახალოს ტყვია თავისი გულისწორის ყველა მტერს. ვერძ ქალს სიამოვნებს, როცა მისი მისამართით აღტაცებას გამოხატავენ, მაგრამ აღტაცება წრფელი და სამართლიანი უნდა იყოს. ზედმეტი პირფერობა და მომაბეზრებელი  კომპლიმენტები გულზე არ ახატია.


ვერძი ქალი უაღრესაც წინააღმდეგობრივი ნიშანია: თავი ან ძალიან უნდა მოაბეზრო ან მოანატრო.


დესპოტ მამაკაცებს ვერ იტანენ. ბუნებით იდეალისტი ვერძი ქალი გამუდმებით დაეძებს სატრფოში რაინდს, რომელიც მისთვის მსოფლიოს დაიპყრობდა. რადგან  ასეთი რაინდები მხოლოდ ზღაპრებსა და ლეგენდებში არსებობენ, ვერძი ქალი თავის იდეალს დედამიწაზე ვერ პოულობს და მამაკაცის გარეშე ამჯობინებს ცხოვრებას.


 


ქალწული


  ძლიერი ქალების სიაში მეორე ადგილზე ქალწულია. ქალწული ქალი მათ რიცხვს განეკუთვნება, ვინც ბედის ყოველგვარ დარტყმას თავაწეული ხვდება. თუ ცხოვრების გზაზე გადაულახავ დაბრკოლებას წააწყდა, ტირილს და წუწუნს არ დაიწყებს. არც დახმარებას ითხოვს. იგი საკუთარი ძალებით ეცდება სირთულის დაძლევას.


ქალწული იდეალურ მამაკაცს ეძებს, მაგრამ ეს სულაც არ ნიშნავს, რომ თვითონაც იდეალურია. მიუხედავად ამისა, ის მაინც დაეძებს უნიკალურ მეორე ნახევარს, ხოლო თუ ვერ იპოვა, ცხოვრებას მარტო გააგრძელებს. 


როცა ქალწული ქალის გულის მოგება გსურთ, თქვენს მანერებსა და ლაპარაკს ყურადღება მიაქციეთ. საჭმელი დახურული პირით ღეჭეთ, ეცადეთ, პირი არ აწკლაპუნოთ. ეს მას ყურს ჭრის. ტანსაცმელი უნაკლო მდგომარეობაში იქონიეთ. წვერი ყოველდღე გაიპარსეთ, შხაპი კი დღეში, მინიმუმ, 2–ჯერ მაინც მიიღეთ. კარგი მანარებიც ნუ დაგავიწყდებათ და ყველაფერი რიგზე იქნება. სახლში გაცილებისას მოსახვევნად ან საკოცნელად ნუ დაეძგერებით, გინდაც ეს თქვენი მეათე შეხვედრა იყოს. იყავით მუდამ ყურადღებიანი, მაგრამ ნუ ჩააცივდებით. 


ქალწულმა ქალმა ემოციების მოთოკვა და დამალვა ძალიან კარგად იცის და უცხოს დასანახად სისუსტეს არასდროს გამოიჩენს. საერთოდ, იგი ყველაფერს კრიტიკულად უყურებს, დაწყებული თქვენი გარეგნობიდან, დამთავრებული თქვენივე სიტყვებით და საქციელით. კრიტიკა მისთვის ბუნებრივი ამბავია, როგორც თქვენთვის სუნთქვა. მაგრამ მისი მიბაძვა არც იფიქროთ. ეს თამაშის წესებს ეწინააღმდეგება. ნუ გააკრიტიკებთ მას. გონებამახვილი ქალწული ქალი საკუთარ ნაკლოვანებებს თქვენზე  უკეთ ხედავს და ისევე მკაცრად განსჯის, როგორც უცხოსას. ამიტომ ამ საკითხში თქვენი დახმარება არ სჭირდება. ქალწული ქალი ძალიან შორსმჭვრეტელია, ამიტომ მის მოტყუებას ნუ შეეცდებით. სიმართლე და სილამაზე მისთვის სინონიმებია.  იგი გულს მხოლოდ იმას გადაუშლის, ვისაც სავსებით ენდობა. თუ ქალწულმა ქალმა გადაწყვიტა მეორე ნახევართან ცხოვრება, იგი ერთგული ნამდვილად იქნება. ეჭვიანობის სცენებს არასდროს მოგიწყობთ და ფულს ქარს არასდროს გაატანს. თუ ბედმა გაგიღიმათ და ცხოვრების გზაზე ქალწულთან შეგყარათ, გაუფრთხილდით მას. წინააღმდეგ შემთხვევაში იგი დაგტოვებთ და თქვენს გარეშე თავისუფლად გააგრძელებს ცხოვრებას.


 


მერწყული


 


ძლიერ და ამტან ქალებში მესამე პოზიციაზე მერწყულია.


იგი სიყვარულშიც ისეთივე პარადოქსულია, როგორც ცხოვრებაში. თუ მერწყულმა ქალმა დიდი ხნის ფიქრის და განსჯის შედეგად გადაწყვიტა მამაკაცთან ცხოვრება, იგი თქვენი ერთგული, მაგრამ ერთგვარად ცივი და შორეული იქნება. მერწყულ ქალებს, თქვენ გარდა, ცხოვრებაში უამრავი მეგობარი ჰყავთ და ათასგვარი გატაცება აქვთ. მერწყული ქალი ყველას და ამავდროულად არავის ეკუთვნის.  მამაკაცებს ყოველთვის უჭირთ მერწყული ქალის თავისუფლებისმოყვარე ხასიათთან გამკლავება და შეგუება. თუ ვნებიანი და მხოლოდ თქვენით გატაცებული პარტნიორი გსურთ, მაშინ მერწყული ქალი ნამდვილად არ გამოგადგებათ. იგი არც ერთი მამაკაცის საკუთრება არ იქნება. ის დამოუკიდებელია და მამაკაცის გარეშეც მარტივად ცხოვრობს. თუ მერწყულ ქალს, რომელიც ბუნებით ეჭვიანი არ არის, საეჭვიანო საბაბს მისცემთ, იგი, უბრალოდ, ადგება და მიგატოვებთ. სტატისტიკის მიხედვით, ყველაზე მეტი განქორწინება მერწყულ ქალებზე მოდის.


მერწყულ ქალთა უმეტესობა მისტიკურად ლამაზია. ისინი უჩვეულოდ იცვამენ. მათი სტილი ყველას აოცებს. მერწყულ ქალთან საუბარი მის გარეგნობაზე არანაკლებ საინტერესოა. საქმიანი საუბრისას ძალიან უყვართ ლირიული გადახვევები.


ნუ გექნებათ იმის მოლოდინი, რომ მერწყული ქალი თქვენს ყველა მითითებასა და თხოვნას ზუსტად შეასრულებს, განსაკუთრებით მითითებას. მერწყულ ქალებს სამყაროზე თავიანთი შეხედულება აქვთ და ნუ ეცდებით მის გადაკეთებას ან გადარწმუნებას.  თუ ძლიერი მერწული ქალის დაკარგვა არ გსურთ, ნუ იქნებით ეჭვიანი, ნუ გააკრიტიკებთ მას, ნუ იქნებით კონსერვატიული, ძუნწი, წვრილმანი და ბრაზიანი. გიყვარდეთ მისი მეგობრები, თუნდაც ხანდახან მათი საქციელი უცნაურად გეჩვენებოდეთ. მერწყულ ქალს იშვიათი ინტუიცია და წინასწარმეტყველების უნარი გააჩნია. მერწული ქალი მომავლის ქალია, რომელმაც ზუსტად იცის, რა იქნება ხვალ ან ზეგ.

კინო

უსაშველოდ მომხიბვლელი ჟან დიუჟარდონის 5 საუკეთესო როლი

მათ შორის გამორჩეულია პერსონაჟი ფილმ „არტისტში“, სადაც ფრანგ მსახიობს ერთი სიტყვაც კი არ უთქვამს, მაგრამ სწორედ მან მოუტანა ერთდროულად „ოსკარი“, „ოქროს გლობუსი“, „პალმის რტო“, BAFTA-ს პრემია და აშშ-ს კინომსახიობთა გილდიის პრიზი. 
ამბები

ლუკას შენი დახმარება სჭირდება - 19 წლის მძიმედ დაჭრილი ბიჭი სიკვდილს ებრძვის

ცივი იარაღით დაჭრილი 19 წლის ლუკა ფაცურიას მდგომარეობა კრიტიკულია. მას დაზიანებული აქვს ღვიძლი, ფილტვი, ნაწლავები, კუჭქვეშა ჯირკვალი. მისი გადარჩენის ერთადერთი გზა გადაუდებელი ოპერაციაა, რომელიც უცხოეთში უნდა ჩატარდეს.  
დღის ჰოროსკოპი

19 ივნისის ასტროლოგიური პროგნოზი

რას გვირჩევენ ვარსკვლავები 19 ივნისისთვის ბიზნესის, ჯანმრთელობისა და სიყვარულის მიმართულებით?!
ამბები

რა გამონაკლისი დაუშვა Black Eyed Peas-მა საქართველოში ? - ბენდის გრანდიოზული შოუ შავი ზღვის არენაზე (ფოტოები)

6 „გრემის“ მფლობელი ამერიკული ჯგუფი „ბლექ აიდ ფისი“ საქართველოს ეწვია.
საკნატუნო ამბები

„კაუჩუკის გოგონები“ - ისინი საოცრებებს სჩადიან!

ადამიანის ფიზიკურ შესაძლებლობებს საზღვარი არ აქვს. ამ გოგონებს ათასნაირად შეუძლიათ პლასტილინივით სხეულის დაკეცვა! ამას ენით ვერ აღვწერთ, ეს უნდა ნახოთ!
ამბები

სკოლებში ძალადობის შემთხვევების შესამცირებლად ილიას სამართლის ინსტიტუტი ხელისუფლებას მიმართავს

საქარველოს სკოლებში გახშირებული ძალადობის შემთხვევების შესამცირებლად და ბულინგზე ადეკვატური რეაგირების მიზნით ილიას სამართლის ინსტიტუტი (ილიასი) საკანონმდებლო და აღმასრულებელ ხელისუფლებას მიმართავს.
საკნატუნო ამბები

(+18) ახალი სექსუალური ეთიკა: პენისის ზომა თუ ნიჭი?

პენისის ზომას არ აქვს მნიშვნელობა... თუ ზომა მაინც მნიშვნელოვანია? ერთად გავერკვეთ.     
დღის ჰოროსკოპი

18 ივნისის ასტროლოგიური პროგნოზი

რას გვირჩევენ ვარსკვლავები 18 ივნისისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

ბედნიერებას ფულით ვერ იყიდი - უბედური მდიდრები

არა აქვს მნიშვნელობა, მილიარდერი ბიზნესმენი ხარ, მსოფლიო პოლიტიკოსი თუ პლანეტის გამორჩეული ვარსკვლავი, სულიერი ტკივილის წინაშე ყველა უძლურია, ყველაფერი აზრს კარგავს... რჩება მხოლოდ აუტანელი სიცარიელე, რომელიც არასდროს არაფრით შეივსება...
დღის ჰოროსკოპი

17 ივნისის ასტროლოგიური პროგნოზი

რას გვირჩევენ ვარსკვლავები 17 ივნისისთვის ჯანმრთელობის, ბიზნესისა და სიყვარულის მიმართულებით?
კულინარია

კატლეტი კომბოსტოთი - გემრიელი და ნაკლებკალორიული

ეს კატლეტი იმასაც მოეწონება, ვინც ფიგურას უფრთხილდება.
დღის ჰოროსკოპი

16 ივნისის ასტროლოგიური პროგნოზი

რას გვირჩევენ ვარსკვლავები 16 ივნისისთვის ჯანმრთელობის, ბიზნესისა და სიყვარულის მიმართულებით?