ზოდიაქოს ნიშნები ძილში ( + გიფ გალერეა)

ჰოროსკოპი

18 მარტი 14:00, 2015 წელი

რა უნდა გააკეთოს ზოდიაქოს თითოეულმა ნიშანმა, რომ მშვიდად და მალე ჩაეძინოს, უწყვეტად ეძინოს და დილამდე გემრიელად გამოიძინოს.

ვერძი


ზოდიაქოს პირველი ნიშანი ვერძი ჰიპერაქტიურია და ძილის პრობლემები ხშირად  აქვს. ამ ნიშნის სუსტი წერტილი თავია, რაც ამ კუთხით სხვადასხვა დაავადებებს განაპირობებს. იმისთვის, რომ ამ ნიშანმა მშვიდად და მალე შეძლოს ჩაძინება, ვერძმა დღის განმავლობაში უნდა დახარჯოს თავისი საოცარი ენერგია, რადგან დაღლის გარეშე ლოგინშიც არ გაჩერდება და დილამდე იმოძრავებს. თუ ვერძს ბოლოსდაბოლოს ჩაეძინა, მძაფრ და ემოციურ სიზმრებს ხედავს. ამ ნიშნის მარტივი ჩაძინებისთვის სასარგებლოა გრილ ოთახში ძილი და მშვიდი მუსიკის მოსმენა.




 


კურო


 


კუროს კარგად ჩაძინებისთვის კომფორტი, ფუმფულა საწოლი და ბალიშები, მდიდრული საძინებელი და სიჩუმე სჭირდება. ოთახი აუცილებლად დალაგებული და მყუდრო უნდა იყოს. ამ ნიშანს ძილთან დაკავშირებით პრობლემა უმეტესწილად არ აქვს. სძინავს მშვიდად და უწყვეტად. სიზმრები, რომლებსაც კუროები ხშირად ხედავენ, ძირითადად, შინაარსიანია და ერთგვარ მოთხრობას ჰგავს, რომლიდანაც გამოღვიძება არ სურთ. ძილისმოყვარულ კუროებს მაღვიძარა სჭირდებათ, რადგან შეუძლიათ, მშვიდი ძილით შუადღემდე ინებივრონ.


 


 


ტყუპები



ტყუპებს რამდენიმესაათიანი ძილიც ყოფნით ნაყოფიერად მუშაობისა და კარგი განწყობისთვის, თუმცა ამ რეჟიმით მათი დიდხანს კარგად ყოფნა ეჭვქვეშ დგება. ამ ნიშნის გონება მუდმივად ახალი იდეებისა თუ პროექტების გენერირებით არის დაკავებული, რაც ფიქრსა და გააზრებას მოითხოვს, ამიტომაც ჩაძინება უჭირთ, რადგან ლოგინშიც ზოგჯერ გათენებამდე ფიქრობენ. ტყუპებს ჩაძინებისთვის ძალიან დაეხმარება მედიტაცია ან იოგა. მათ ტვინს დასვენება და საფიქრალისგან დროებით მოშორება სჭირდება.


 


 


კირჩხიბი



კირჩხიბებს ძილთან დაკავშირებით პრობლემები ხშირად აქვთ. მთავარი მიზეზი ან დეპრესიული განწყობა და დაძაბულობაა, ან კოშმარები, რომელთა გამო, უკიდურეს შემთხვევაში, ჩაძინების შიშიც კი ვითარდება. ჩაძინებამდე ბევრს მოძრაობენ, ბევრს ფიქრობენ, ათას წვრილმანზე დარდობენ და ამ აურზაურის შედეგად, ქვეცნობიერიც სიზმარში არასასიამოვნო სცენებს ქმნის. ჩაძინებამდე კარგი იქნება, თუ პოზიტიურ მოვლენებზე იფიქრებთ, სასაცილო ამბებს გაიხსენებთ და თავს ხელი შეუწყობთ, მშვიდად ჩაიძინოთ.


 


 


ლომი


 


თუ ლომი დასტრესილი და დაძაბული არ არის, მარტივად ეძინება და დილამდე არ ეღვიძება. კუროს ნიშნის მსგავსად, ლომებსაც უყვართ ფუფუნება და მდიდრული აპარტამენტები. საძინებელიც ფუმფულა და კომფორტული უნდა იყოს, ძვირფასი თეთრეულით გაშლილი. ამ ნიშანს საძინებელის კედელზე ხშირად უკიდია საყვარელი ადამიანების ფოტოები. ამ გზით ლომები პოზიტიურ განწყობას იქმნიან. მათთვის ემოციური და ფიზიკური სიახლოვე ძალიან მნიშვნელოვანია. ლომი ძილში ხშირად სასიამოვნო, ღიმილისმომგვრელ სიზმრებსაც ხედავს.






ქალწული



თუ საძინებელი ოთახი მოუწესრიგებელია და ქალწული თავადაც  გადაღლილი და გონებრივად არეულია, მარტივად ვერ იძინებს. მისი გონება, ტყუპების მსგავსად, მომართულია ფიქრის, ანალიზისა და  კრიტიკისკენ. ამ ნიშანს ნორმალური ფუნქციონირებისთვის ძილი ჰაერივთ სჭირდება.  ქალწულებო, თუ ბევრი მიზეზის გამო, რაც გადაწყვეტას მოითხოვს, ჩაძინება გიჭირთ, აიღეთ ბლოკნოტი და ჩამოწერეთ ის საკითხები, რომელთა შესახებ ფიქრს დილიდან დაიწყებთ. ეცადეთ, ძილის წინ გონება მსუბუქ და სასიამოვნო თემებზე გადართოთ.



 


სასწორი



სასწორებს ან ძალიან დიდხანს სძინავთ ან საერთოდ არ სძინავთ. თუმცა მცირე ძილი გარკვეული პერიოდის განმავლობაში მათთვის სრულებით საკმარისია. ამ პერიოდის მერე უკვე იწყება მუდმივი ძილისკენ მიდრეკილება და შეუძლიათ, შუადღემდე მოუბეზრებლად ინებივრონ. ამ ნიშანს ჰარმონიის და შინაგანი წონასწორობის მისაღწევად ბალანსი სჭირდება ყველაფერში, რაც ძილის მოწესრიგებასაც უზრუნველყოფს. სასწორის საძინებელი ყოველთვის მოწესრიგებული და ესთეტიკურად გალამაზებულია სხვადასხვა აქსესუარებით.



 


მორიელი




მორიელის ძილი განპირობებულია მისი განწყობით. მორიელსაც, სხვა ნიშნების მსგავსად, რამდენიმესაათიანი ჩაძინება ჰყოფნის. უმეტესწილად ფიქრით დაღლილი გვიან იძინებს. თუ მორიელს ცუდ ხასიათზე ჩაეძინა, სიზმარიც შესაბამისად არასასიამოვნო იქნება, ხოლო თუ კარგი განწყობით ჩაეძინა, ეს განწყობა პირდაპირ აისახება პოზიტიურ სიზმარზე. ეს ნიშანი ხშირად თავის ემოციებს სხვის დასანახავდ არ ავლენს და გულში ინახავს, რაც დღის ბოლოს გროვდება და ძილის წინ ამოხეთქავს ვულკანივით. ამ ყოველივეს კი შინაგანი ფორიაქი და მღელვარება მოჰყვება. მორიელის ნიშნისთვის სასარგებლოა მედიტაცია და დაძინებამდე ცოტა ხნით ადრე სუფთა ჰაერზე სეირნობა.



 


მშვილდოსანი




მშვილდოსანიც იმ ნიშანთა კატეგორიაში ირიცხება, რომლებსაც მცირეხნიანი ძილი სრულებით ჰყოფნით. ცეცხლის ნიშნის ეს წარმომადგენელი ამოუწურავი ენერგიით არის სავსე და სანამ, ვერძის მსგავსად, კარგად არ დაიღლება, ჩაძინება გაუჭირდება. მშვილდოსნების სიზმრები არც ისე შინაარსიანია. ძირითადად, უაზრო და ულოგიკო სიზმრებს ხედავენ, რომელთა დიდი ნაწილი მეორე დღეს არც ახსოვთ. თუმცა რამდენიმესაათიანი ძილი ყოველთვის საკმარისი არ იქნება. შესაძლოა, დროთა განმავლობაში, ძილის სურვილი მშვილდოსნებს სამუშაო პროცესში გაუჩნდეთ, რაც მათ შრომისუნარიანობას ხელს უშლის.



 


თხის რქა




თხის რქებს, ზოგადად, ძილის მხრივ პრობლემა არ აქვთ. გამომდინარე მათი თავდაუზოგავი შრომისმოყვარეობიდან, დღის ბოლოს ისეთი დაღლილები ბრუნდებიან სახლში, რომ საძინებლამდე ძლივს მიდიან. ამ ნიშანს კარგად აქვს გაცნობიერებული, რომ წარმატებული და ნაყოფიერი არსებობისთვის სრულყოფილი ძილია საჭირო. ცდილობენ, გვიანობამდე არ იფხიზლონ და ადრევე მიაშურონ საძინებელს. თუმცა არის მეორე უკიდურესობა. თხის რქაზე სტრესი ყველაზე ნეგატიურად მოქმედებს. სტრესი ამ ნიშნის შემთხვევაში ინსომნიას იწვევს. უძილობა თხის რქის ფსიქიკაზე ძალიან ცუდად აისახება.



 


მერწყული



მერწყულს ხშირად არაკომფორტულად სძინავს, პერიოდულად ეღვიძება და ხელმეორედ ჩაძინება უჭირს. ხშირ შემთხევაში უძილობის გადასალახად ეს ნიშანი თანამედროვე ტექნოლოგიებს იყენებს. მერწულები ლოგინში აიპედით თამაშობენ, ჩართული აქვთ კომპიუტერი ან რადიოს უსმენენ. თუმცა ამ გზით მხოლოდ დროის გაყვანა ხდება და არა ძილის მოგვრა. ასტროლოგები მერწყულებს ურჩევენ, ზემოთ ჩამოთვლილი საგნები გვერდზე გადადონ და  მათ ნაცვლად კითხვა დაიწყონ. ძილის წინ კითხვას დადებითი შედეგი ექნება და ჩაძინებასაც ხელს შეუწყობს.



 


თევზები



თევზებისთვის ძილი ერთგვარი ოპიუმია. ამ ნიშანს ენერგიის აღდგენისთვისა და კარგი განწყობისთვის ჰაერივით სჭრიდება, მინიმუმ, 8-საათიანი მშვიდი და უწყვეტი ძილი. თევზები ხშირად ფანტაზიურ და ცოცხალ სიზმრებს ხედავენ, გამოღვიძების შემთხვევაში რეალობისა და სიზმრის გარჩევა ხშირად უჭირთ.
ინტუიციაგანვითარებული თევზების ზოგიერთი სიზმარი შეიძლება, წინასწარმეტყველურიც იყოს. მშვიდი მუსიკის მოსმენა თევზების ჩაძინებისთვის ერთ–ერთი შედეგიანი მეთოდია.



 

საკნატუნო ამბები

(+18) ორი მთავარი წესი იდეალური სექსისთვის

რაც უფრო მრავალფეროვანი და საინტერესოა სცენარი, მით უფრო კმაყოფილი და ნასიამოვნებია წყვილი.    
დღის ჰოროსკოპი

20 ივნისის ასტროლოგიური პროგნოზი

რას გვირჩევენ ვარსკვლავები 20 ივნისისთვის ჯანმრთელობის, ბიზნესისა და სიყვარულის მიმართულებით?
კინო

უსაშველოდ მომხიბვლელი ჟან დიუჟარდონის 5 საუკეთესო როლი

მათ შორის გამორჩეულია პერსონაჟი ფილმ „არტისტში“, სადაც ფრანგ მსახიობს ერთი სიტყვაც კი არ უთქვამს, მაგრამ სწორედ მან მოუტანა ერთდროულად „ოსკარი“, „ოქროს გლობუსი“, „პალმის რტო“, BAFTA-ს პრემია და აშშ-ს კინომსახიობთა გილდიის პრიზი. 
ამბები

ლუკას შენი დახმარება სჭირდება - 19 წლის მძიმედ დაჭრილი ბიჭი სიკვდილს ებრძვის

ცივი იარაღით დაჭრილი 19 წლის ლუკა ფაცურიას მდგომარეობა კრიტიკულია. მას დაზიანებული აქვს ღვიძლი, ფილტვი, ნაწლავები, კუჭქვეშა ჯირკვალი. მისი გადარჩენის ერთადერთი გზა გადაუდებელი ოპერაციაა, რომელიც უცხოეთში უნდა ჩატარდეს.  
დღის ჰოროსკოპი

19 ივნისის ასტროლოგიური პროგნოზი

რას გვირჩევენ ვარსკვლავები 19 ივნისისთვის ბიზნესის, ჯანმრთელობისა და სიყვარულის მიმართულებით?!
ამბები

რა გამონაკლისი დაუშვა Black Eyed Peas-მა საქართველოში ? - ბენდის გრანდიოზული შოუ შავი ზღვის არენაზე (ფოტოები)

6 „გრემის“ მფლობელი ამერიკული ჯგუფი „ბლექ აიდ ფისი“ საქართველოს ეწვია.
საკნატუნო ამბები

„კაუჩუკის გოგონები“ - ისინი საოცრებებს სჩადიან!

ადამიანის ფიზიკურ შესაძლებლობებს საზღვარი არ აქვს. ამ გოგონებს ათასნაირად შეუძლიათ პლასტილინივით სხეულის დაკეცვა! ამას ენით ვერ აღვწერთ, ეს უნდა ნახოთ!
ამბები

სკოლებში ძალადობის შემთხვევების შესამცირებლად ილიას სამართლის ინსტიტუტი ხელისუფლებას მიმართავს

საქარველოს სკოლებში გახშირებული ძალადობის შემთხვევების შესამცირებლად და ბულინგზე ადეკვატური რეაგირების მიზნით ილიას სამართლის ინსტიტუტი (ილიასი) საკანონმდებლო და აღმასრულებელ ხელისუფლებას მიმართავს.
საკნატუნო ამბები

(+18) ახალი სექსუალური ეთიკა: პენისის ზომა თუ ნიჭი?

პენისის ზომას არ აქვს მნიშვნელობა... თუ ზომა მაინც მნიშვნელოვანია? ერთად გავერკვეთ.     
დღის ჰოროსკოპი

18 ივნისის ასტროლოგიური პროგნოზი

რას გვირჩევენ ვარსკვლავები 18 ივნისისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

ბედნიერებას ფულით ვერ იყიდი - უბედური მდიდრები

არა აქვს მნიშვნელობა, მილიარდერი ბიზნესმენი ხარ, მსოფლიო პოლიტიკოსი თუ პლანეტის გამორჩეული ვარსკვლავი, სულიერი ტკივილის წინაშე ყველა უძლურია, ყველაფერი აზრს კარგავს... რჩება მხოლოდ აუტანელი სიცარიელე, რომელიც არასდროს არაფრით შეივსება...
დღის ჰოროსკოპი

17 ივნისის ასტროლოგიური პროგნოზი

რას გვირჩევენ ვარსკვლავები 17 ივნისისთვის ჯანმრთელობის, ბიზნესისა და სიყვარულის მიმართულებით?