ვერძი
ვერძებისთვის დადებითად მოქმედებს ქალწულებთან ხშირი კონტაქტი. მის მიერ „გამოფრქვეული“ ენერგია დადებითად მოქმედებს ვერძის ზოდიაქოს ნიშნით დაბადებული ადამიანის ფსიქიკაზე. ასევე, კარგია თხის რქებთან და კირჩხიბებთან ხშირი ურთიერთობაც.
კურო
კუროს ნიშნით დაბადებული ადამიანებისთვის სასიკეთოდ მოქმედებს სასწორის ზოდიაქოს ნიშნის ქვეშ დაბადებულ პიროვნებებთან კონტაქტი. ეს ნიშანი წინაღობების დაძლევაშიც დაგეხმარებათ. კირჩხიბების გარემოცვაში ყოფნა ხელს შეგიწყობთ კარგი განწყობის შენარჩუნებაში, ვერძის აურა კი ნერვულ სისტემაზე იმოქმედებს დადებითად.
ტყუპები
ტყუპების ზოდიაქოს ნიშნით დაბადებულ ადამიანებზე კარგად მოქმედებს მორიელის, ლომის, თევზებისა და თავისივე ნიშნის – ტყუპების გარემოცვაში ყოფნა. სასწორთან კონტაქტი კი მეტ სიმშვიდეს მოგიტანთ.
კირჩხიბი
კირჩხიბის ზოდიაქოს ნიშნის ქვეშ დაბადებულმა ადამიანმა მეტი დრო უნდა გაატაროს მშვილდოსნისა და სასწორის გარემოცვაში. ისინი პრობლემების გადაჭრასა და ცხოვრებაში სწორი გზის არჩევაში დაგეხმარებიან.
ლომი
ლომებისთვის ძალიან კარგია თხის რქის ზოდიაქოს ნიშნის ქვეშ დაბადებულ ადამიანთან კონტაქტი. ისინი დადებითად მოქმედებენ ლომის ფსიქიკასა და გრძნობებზე. ასევე, კარგია, კირჩხიბებთან მეტი დროის გატარება.
ქალწული
ქალწულებისთვის სიმშვიდისა და ჰარმონიის მომტანია მერწყულებთან ურთიერთობა. ისინი სერიოზულ პრობლემებს აგარიდებენ და მიგითითებენ თქვენთვის სასურველ გარემოცვაზე. მშვილდოსნის ზოდიაქოს ნიშნით დაბადებულ ადამიანთან კონტაქტი კი ქალწულებს ენერგიას შემატებს.
სასწორი
სასწორის განწყობაზე დადებითად მოქმედებს თევზების ზოდიაქოს ნიშნით დაბადებული ადამიანების სიმშვიდე და მომხიბვლელობა. დახმარებისთვის კი სასწორებმა ყოველთვის ვერძებს უნდა მიმართონ და მათ თვალდახუჭული ენდონ.
მორიელი
მორიელი ძალებსა და ენერგიას ადვილად აღადგენს, თუ მეტ დროს გაატარებს ვერძის გარემოცვაში. ასევე, დადებითად მოქმედებენ მათ ნერვულ სისტემაზე თევზების, ქალწულებისა და ლომის ზოდიაქოს ნიშნით დაბადებული ადამიანები.
მშვილდოსანი
მშვილდოსანმა მეტი დრო უნდა გაატაროს ტყუპებთან, ლომთან კონტაქტი კი განწყობასა და ენერგიას ერთიორად აუმაღლებთ. კარგია, თუ მშვილდოსანი ცხოვრების მეგზურადაც ამ ზოდიაქოს ნიშნებიდან აირჩევს.
თხის რქა
სასურველია, თხის რქამ ტყუპების ზოდიაქოს ნიშნის ქვეშ დაბადებულ ადამიანს დაუკავშიროს ბედი, მას ყველაფერში აჰყვეს და ენდოს. თხის რქები თავს კარგად გრძნობენ, ასევე, კუროებთან, რადგან, ისინი თხის რქებს დელიკატურად მიუთითებენ და მათში გაღიზიანებას არ იწვევენ.
მერწყული
თუ მერწყულს უნდა, ყოველთვის ამაღლებული განწყობა ჰქონდეს, მეტი დრო უნდა გაატაროს კირჩხიბისა და თევზების ზოდიაქოს ნიშნის ქვეშ დაბადებულ ადამიანებთან. ისინი მხარშიც დაგიდგებიან და პრობლემების დაძლევაშიც დაგეხმარებიან.
თევზები
თევზებმა მეტი დრო უნდა გაატარონ ლომის, მერწყულის, კუროსა და ტყუპების გარემოცვაში. ისინი დაგეხმარებიან რთული პრობლემების დაძლევაში და თქვენს განწყობაზეც კარგ გავლენას მოახდენენ. თუ ნერვები დაწყვეტაზე გაქვთ და გადაიღალეთ კიდეც, მაშინ, მოძებნეთ ზემოაღნიშნული ზოდიაქოს ნიშნის ქვეშ დაბადებული ადამიანები, გაატარეთ დრო მათთან და ნერვული სისტემა ასე დაიწყნარეთ.