ვერძი
ვერძის ნიშნის ქვეშ დაბადებულ ადამიანებს ნევროლოგიური დაავადებები აწუხებთ. მსუბუქ ფორმებში შეიძლება იყოს გამოხატული შაკიკი, უძილობა და შფოთვა. ვერძების ცეცხლოვანი და დაუდევარი ხასიათის გამო ხშირია ისეთი ტრავმები, როგორიცაა დაბეჟილობა და კიდურების მოტეხილობა.
კურო
კუროების სუსტი წერტილი ყელის იოგებთან და ზედა სასუნთქ გზებთან დაკავშირებული დაავადებებია. ასევე, აქვთ წონის პრობლემაც. ზედმეტი კილოგრამების გამო კუროების უმრავლესობას გულ-სისხლძარღვთა დაავადებებიც უვითარდებათ.
ტყუპები
ტყუპები ჰაერის ნიშანია, მათ სასუნთქ გზებთან და ფილტვებთან დაკავშირებული პრობლემები აწუხებთ. ტყუპებში გავრცელებულია ასთმური შეტევები და ქრონიკული ბრონქიტი.
კირჩხიბი
კირჩხიბთა ყველაზე სუსტი წერტილი ნარკოდამოკიდებულებაა, რაც, თავის მხრივ, მის ფსიქიკურ მდგომარეობაზეც მოქმედებს. ხშირია ღვიძლთან დაკავშირებული პრობლემები და ნერვული აშლილობა. ზოგჯერ მათ არასტაბილური ფსიქიკა და შიშის სინდრომი უყალიბდებათ.
ლომი
ლომის ყველა გრძნობა და ემოცია გულზე გადის, ამიტომ მათ ხშირად ინფარქტი, ჰიპერტონია და გულ-სისხლძარღვთა სხვა დაავადებები აწუხებთ. ლომის მფარველი პლანეტა მზეა და მისი ძლიერი მოქმედება ლომს სიცოცხლისუნარიანობას უნარჩუნებს.
ქალწული
ქალწული ზედმეტადაც კი ზრუნავს საკუთარ ჯანმრთელობაზე, ამიტომ ისინი ქრონიკული დაავადებებით იშვიათად ავადდებიან. ყველაზე ხშირად კუჭ-ნაწლავის პრობლემები აწუხებთ.
სასწორი
სასწორებს წონის პრობლემა აწუხებთ. ამ მიზეზით ხშირად თირკმელები უავადდებათ. ხშირია სასწორებში ნერვული აშლილობები და ფსიქიკური დაავადებები, თუმცა მათ თავის ხელში აყვანის უნარიც აქვთ და მდგომარეობიდან სწრაფად გამოდიან.
მორიელი
მორიელები ინფექციური დაავადებების რისკის ქვეშ მთელი ცხოვრება იმყოფებიან. ქალ მორიელებში თავს იჩენს ხოლმე გინეკოლოგიური პრობლემებიც. თუმცა მორიელს ძლიერი ხასიათი ეხმარება რთული დაავადებების დაძლევაში და მათთან ბრძოლაში იშვიათად მარცხდება.
მშვილდოსანი
მშვილდოსნებს რევმატიული დაავადებებისკენ აქვთ მიდრეკილება. ხშირად აწუხებთ სქოლიოზი, ოსტეოქონდროზი და ხერხემლის სხვა დაავადებები. ფათერაკებით სავსე და არაჯანსაღი ცხოვრების წესის გამო ხშირად ღვიძლთან დაკავშირებული დაავადებები უვითარდებათ.
თხის რქა
თხის რქებს მუდმივად სჭირდებათ ვიტამინების მიღება. მათი ორგანიზმი ყოველთვის გამოფიტულია, აქვთ მუდმივი სისუსტის შეგრძნება. მათთვის დამახასიათებელია სუსტი კბილები და ძვლოვანი სისტემა, ასევე პრობლემური სახის კანი.
მერწყული
ამ ნიშნის ქვეშ დაბადებული ადამიანისთვის დამახასიათებელია ვენების ვარიკოზული დაავადებები და მაღალი პოტრომბინი. მათ შეიძლება, ნერვული სისტემის პრობლემებიც შეექმნათ.
თევზები
თევზები ყველა სიტუაციაში შინაგანად ემოციურ მდგომარეობაში იმყოფებიან, რაც მათ ნერვულ სისტემაზე ზემოქმედებს. თევზებისთვის დამახასიათებელია მხედველობასთან დაკავშირებული პრობლემები.