მე-5 ადგილი - თხის რქები
თხის რქა ძალიან რთულია ურთიერთობაში. სიჯიუტე მისი მეორე „მეა“. ისინი არასდროს გააკეთებენ იმას, რაც მათ გულით არ სურთ. იშვიათად თუ სცემენ პატივს ვინმეს, ამიტომაცაა, რომ მათი ნაცნობების წრე საკმაოდ შეზღუდულია. ვერ იტანენ მოწყენილობას და ურთიერთობის წრესაც ამის მიხედვით არჩევენ. თუ თხის რქა შეგიყვარდათ, თქვენი გამძლეობისა და მოთმინების უნარი ოკეანესავით უკიდეგანო უნდა იყოს.
მე-4 ადგილი - მერწყულები
მერწყული ძალიან სპეციფიკურია ურთიერთობებში. ისინი აფასებენ და პატივს სცემენ მხოლოდ საკუთარ აზრს, მათთვის ძალიან ჩვეულებრივი ამბავია, სხვისი დადანაშაულებისთვის რომ თავი იმართლონ. არიან მიზანდასახულები, თუმცა დესპოტურები. მერწყულები ჭკვიანები არიან, მაგრამ ხშირად ემოციებს ვერ აკონტროლებენ და უწევთ წინასწარ მოფიქრებული მოქმედებების კურსის შეცვლა.
მე-3 ადგილი - ტყუპები
ტყუპები ვიღაცას ყოველთვის სადღაც მიჰყავს. მათთვის რთულია ერთ ადგილას გაჩერება, ამიტომაც ერგოთ მათ მესამე ადგილი. ისინი - ნათელი, მოუსვენარი, მოლაქლაქე და ჭირვეულები არიან. ყველაზე რთულ მომენტებში „გულგრილობის“ ნიღაბს ირგებენ. გარშემომყოფთა აზრი მათთვის არაფერს ნიშნავს. საკუთარი ფანტაზიების სამყარო აქვთ. მზაკვრები არიან. მოგეჩვენებათ, თითქოს, კბილი ჩაავლეთ მათ, მაგრამ წუთის შემდეგ მიხვდებით, რომ ისევ თქვენ ხართ წაგებული.
მე-2 ადგილი - ვერძები
ვერძები ძალიან იმპულსურები არიან. შეუძლიათ, 15 წამში გაანადგურონ ის, რასაც წლების განმავლობაში აშენებდნენ და ეს მხოლოდ ბიზნესპროექტებს კი არა, ურთიერთობებსაც ეხება. ისინი ყოველთვის მართლები არიან და თუ ცდებიან, თქვენ უნდა აღიაროთ, რომ მართლები არიან - აი, ასეთი მარტივი წესი აქვთ მათ ცხოვრებაში. თუ ვერძი შეგიყვარდათ, მზად უნდა იყოთ იმისთვის, რომ ოჯახში მშვიდობა 2 დღეზე მეტხანს ვერ იქნება.
1-ლი ადგილი - მორიელები
მორიელი ყველაზე ბოროტია ბოროტთა სამეფოში. მათ ყოველთვის აქვთ ის, რაც სურთ - შეუძლებელი მორიელისთვის არაფერია. აქვთ შურისმაძიებელი ხასიათი. მათთვის ადამიანები მათი კუთვნილებაა, ამიტომ, თუ თქვენ მორიელის ქსელში გაებით, საუკუნოდ მის მონად იქცევით. ზოდიაქოს ამ ნიშნის ქვეშ დაბადებულ ადამიანთან ნებისმიერი სახის ურთიერთობა რთულ შედეგებს გიქადით.