წარმოგიდგენთ ზოდიაქოს ყველაზე ბრაზიან ნიშნებს და აქვე დავსძენთ, რომ ადამიანის ქმედებებს არა იმდენად ზოდიაქოს ნიშანი, არამედ პიროვნული განვითარება განაპირობებს.
ვერძი
ვერძების მმართველი პლანეტაა ენერგიული და იმპულსური მარსი. როცა კარგ ხასიათზეა, ვერძი შესანიშნავი მეგობარია. მასთან ვერასდროს მოიწყენთ, არ არის ზარმაცი და დახმარებისთვისაც ყოველთვის მზადაა. თუმცა, თუ ვერძს შემთხვევით ცუდ ხასიათზე მყოფს გადააწყდით, თუ რამის გამო გააბრაზეთ, თქვენ ცეცხლის ქარიშხალი დაგატყდებათ თავს. ზოდიაქოს ამ ნიშნის სტიქია ცეცხლია.
ვერძები ფიცხები და ჯიუტები არიან. მათთან მოლაპარაკება ძალიან რთულია, რადგან თანამოსაუბრის ლოგიკურ არგუმენტებს ყოველთვის არ უსმენენ. ზოდიაქოს ამ ნიშნის წარმომადგენელი მამაკაცები ხშირად ფიქრობენ, რომ რაღაც საკითხების გადაჭრა მხოლოდ მუშტებით შეიძლება.
მორიელი
ზოდიაქოს ეს ნიშანი პლანეტა მარსის მფარველობის ქვეშ არის. ჩვეულებრივ, მორიელები მშვიდები და სალმიანები არიან, მაგრამ ყველამ არ იცის, რომ მშვიდი ნიღბის ქვეშ პერიოდულად ძლიერი ემოციების ქარიშხალი ამოვარდება ხოლმე. წყლის სტიქიისადმი მიკუთვნებულობა მგრძნობიარე ნატურაზე მიუთითებს.
მოკლედ რომ ვთქვათ, მორიელები იშვიათად ავლენენ თავიანთ გრძნობებს, მაგრამ მისი მოთმინების ფიალა თუ აივსო, ძალიან აგრესიული და ბოროტი ხდება. მხოლოდ ემოციებისგან განთავისუფლების შემდეგ შეუძლიათ სიკეთის, მშვიდობისა და სიყვარულისთვის გულღიანი იყვნენ. ამ გზის გავლა ყველა მორიელს უწევს. ზოგჯერ ეჩვენებათ, რომ ცხოვრება დაუსრულებელ ომს ჰგავს, სადაც, პირველ რიგში, საკუთარ თავზე გამარჯვებაა მთავარი.