პირველ რიგში, ჩვენი ცუდი განწყობის განიავება ჰაერის ნიშნებს გამოუვათ ყველაზე კარგად. ამ მხრივ კი ჩემპიონი ტყუპი მეგობარია.
მას, როგორც ტიპურ მერკურიანელს, ენა კარგად უჭრის, შესანიშნავი იუმორის გრძნობით გამოირჩევა და ყოველთვის მზადაა, გულის გადასაყოლებლად სხვადასხვა თემაზე გაგვიბას მასლაათი. ტყუპის ნიშნით დაბადებული მეგობარი ყველგან წამოგყვებათ და ნებისმიერ ახირებაში აგიბამთ მხარს, თანაც ამით თქვენზე უფრო მეტად იხალისებს.
კიდევ ერთი გულითადი მეგობარი და „პოზიტივის სკივრი“ ცეცხლის ნიშნებში მოიპოვება და ეს არის მშვილდოსანი.
პლანეტა იუპიტერი, რომელიც ზოდიაქოს ამ ნიშანს მართავს, მათში განაპირობებს ამოუწურავ ოპტიმიზმს და მუდმივად დადებით განწყობას.
მშვილდოსანს უპირობოდ სჯერა ნათელი მომავლის. ეს ადამიანი კეთილი, გულუხვი და მეგობრობაში თავდადებულია. შეუძლია, თქვენს გასამხიარულებლად ბოლო რესურსიც კი გაიღოს და უბედნიერესი იქნება, თუ ეს 100%-ით გამოუვიდა.
დაბოლოს, კიდევ ერთი „ანტიდეპრესანტი“, რომელსაც აუცილებლად უნდა მიმართოთ ცუდ განწყობაზე ყოფნისას, თევზი მეგობარია.
ამ ხალხს, ფსიქოლოგიურ უნარებთან ერთად, საოცარი თანაგრძნობისა და მოსმენის ნიჭი აქვს. ის თქვენს ტკივილის ისე განიცდის, როგორც საკუთარს. ამიტომ, როცა მას ესაუბრებით, ხვდებით, რომ დარდში მარტო არ ხართ.
თევზი მეგობრის გვერდით სიმშვიდეს, სულიერ წონასწორობასა და კომფორტს იპოვით. ის იზრუნებს იმაზე, რომ განწყობა სხვადასხვა ტიპის ფილოსოფიურ თემებზე საუბრითაც აგიმაღლოთ. დაგაინტერესებთ ასტროლოგიითა და მკითხაობით, რაც, გვერწმუნეთ, გულის გადასაყოლებლად საუკეთესო გზაა.
