ასე, მაგალითად:
ცეცხლის სტიქიის მამრებს - ვერძებს, ლომებსა და მშვილდოსნებს ინტერესის დაკარგვას იმით შეატყობთ, რომ მათი მხრიდან თქვენი „დევნისა“ და ყველა ფეხის ნაბიჯის კონტროლის მანია შესუსტდება. თუკი საყვარელი მამაკაცი აღარ გირეკავთ წამში ათასჯერ და არ ინტერესდება, სად ხართ, რას აკეთებთ და ვისთან ერთად, იცოდეთ, ის თქვენ მიმართ გაცივდა და დიდი ალბათობით, სხვა, უფრო საინტერესო ობიექტი აღმოაჩინა.
მიწის სტიქიის ნიშნები - კურო, ქალწული და თხის რქა ცოტა სხვანაირად გამოხატავენ გულის აცრუებას. ცეცხლის სტიქიის თანამოძმეებივით არ მოიქცევიან. მათ უყვართ ყველაფრისთვის თავისი სახელის დარქმევა. ამიტომ, თუკი ის ხანგრძლივად და ავბედითად დუმს, ყველაფერი ამის შემდეგ კი სერიოზულ საკითხებზე სასაუბროდ გეპატიჟებათ, იცოდეთ – თქვენი ერთად ყოფნა ეჭვქვეშ დგება.
რაც შეეხება წყლის სტიქიის ნიშნებს – მორიელს, კირჩხიბსა და თევზებს, მათ შესაძლოა, გრძნობა გაუქრეთ, მაგრამ მესაკუთრული ინსტინქტები ძნელად გაუქრებათ თქვენთან მიმართებაში. ამიტომ ხანგრძლივად არ დაარქმევენ ისინი თქვენ შორის არსებულ კავშირს სახელს და გაგიჭირდებათ მათგან რაიმეს გარკვევა. თუმცა, სიმპტომები იმისა, რომ ასეთი კაცი თქვენ მიმართ გაცივდა, არის მისი უმიზეზო აგრესია და ეჭვიანობა.
დაბოლოს, ჰაერის ნიშნები – ტყუპი, მერწყულები და სასწორები ცოტა არაორდინარულად ამჟღავნებენ ურთიერთობაში გაცივებას. მათ შეუძლიათ რაღაც პერიოდის მერე მობრუნება. ამიტომ ყოფილთან ყოველთვის იტოვებენ მეგობრულ კავშირებსა და მიმოწერას. შესაბამისად, თუკი თქვენი რჩეული გთავაზობთ ურთიერთობის კომუნიკაციის დონეზე შენარჩუნებას, ეს იმას ნიშნავს, რომ მას მობეზრდით, თუმცა არ არის გამორიცხული, სამომავლოდ თქვენით ისევ დაინტერესდეს.