ვერძი – ვერძებს მებრძოლის სულისკვეთებითა და საკუთარი შესაძლებლობების გასაოცარი რწმენით აჯილდოებს პლანეტა მარსი, რომელიც ზოდიაქოს ამ ნიშანს მართავს. ვერძები ბუნებით რევოლუციონერები არიან. ამიტომ თუკი მიიჩნევენ, რომ ვინმე უსამართლოდ იჩაგრება, აუცილებლად დაუპირისპირდებიან ზემდგომებს დაჩაგრულის უფლებების დასაცავად. ვერძი იშვიათად იბრძვის საკუთარი, ვიწრო ინტერესებისთვის. მისი ბრძოლა უმეტესად მასშტაბური ხასიათისაა და იგი კარგად ახერხებს, თანამოაზრეებიც მოიზიდოს.
მშვილდოსანი – ფილოსოფიურად მოაზროვნე და დემაგოგიისკენ მიდრეკილი ნიშანია. მშვილდოსნები ვერ იტანენ ტყუილსა და ფარისევლობას. მათთვის აუტანელია საზოგადოებაში გამეფებული იერარქიული პრინციპი და ჩაგვრა. მშვილდოსნების დიდი ნაწილი ხშირად იწყებს კონფლიქტს საკუთარი შეხედულებების დასაცავად. როცა მშვილდოსანს რაიმე იდეის სჯერა, ამ იდეის ირგვლივ მასთან კამათი თავისთავად ნიშნავს ომის გამოცხადებას, რომელშიც მშვილდოსანი სიამოვნებით ერთვება და ხშირად გამარჯვებულიც გამოდის.
მერწყული – კოსმოპოლიტი, მომავლის იდეებზე ორიენტირებული და ჰუმანური ნიშანია. მერწყულებს ღრმად სწამთ საკუთარი უნიკალურობის, ამიტომ იშვიათად იტანენ ჩარჩოებს და შეზღუდვებს. ეს ხალხი ვერ იტანს ჭორაობას, ამიტომ არასოდეს განიკითხავენ სხვებს განსხვავებულობის გამო. მათ ახასიათებთ ლიბერალიზმი და ჰუმანურობა, ზოგადად, მთელი კაცობრიობის მიმართ. თუმცა, ვერანაირი ზეწოლა ვერ აიძულებს მერწყულს, აზრი შეიცვალოს ამა თუ იმ თემაზე, მხოლოდ იმიტომ, რომ საზოგადოებაში ასეა მიღებული. ის არ გამოირჩევა კონფლიქტურობით, თუმცა, საკუთარი აზრის დაცვა ნებისმიერ შემთხვევაში ჯიუტად შეუძლია.