ადამიანი, რომელსაც ფული არ აქვს, მაგრამ კომფორტულად ცხოვრებას ახერხებს

ეს ადამიანი სერგეი ბალოვინი გახლავთ. სერგეიმ 5000-ზე მეტი პორტრეტი დახატა და ასე შეძლო საკვების, ბინისა და გადაადგილებისთვის საჭირო ხარჯების დაფარვა.
„ფორბსის“ ვერსიით, სერგეი ბალოვინი იმ ადამიანთა ხუთეულის სათავეშია, რომლებმაც ფულზე უარი თქვეს, მაგრამ თავს მშვენივრად გრძნობენ.

„როცა ვამბობ, რომ ფულის გარეშე ვმოგზაურობ, ადამიანებს ჰგონიათ, რომ ღამეს ტყეში, ვაგზალზე ან კარავში ვათენებ, სინამდვილეში, თავზე ჭერის გარეშე არცერთი ღამე არ გამიტარებია. მეტიც, ხშირად მშვენიერ აპარტამენტებში ვცხოვრობ. ამასთანავე, ტარიფი უცვლელია - პორტრეტი“, - წერს ფეისბუკის საკუთარ გვერდზე უფულო მოგზაური.

ყველაზე საინტერესოა, რომ სერგეი ცოლთან, იტალიელ კლაუდია ბეკატოსთან ერთად მოგზაურობს. მათი ქორწინებაც ფულის გამოყენების გარეშე შედგა. ამ ადამიანებმა ფულისა და პლასტიკური ბარათების გარეშე შანხაის საუკეთესო სასტუმროში ნახევარი წელი იცხოვრეს, მსოფლიოს გარშემო იმოგზაურეს და თაფლობის თვე ალპებზე მდებარე სამსართულიან, კომფორტულ სახლში გაატარეს.

ზოგჯერ, ასეც ხდება...