ექიმი შტაინი, რომელსაც მსოფლიო ექიმი დოტის სახელით იცნობს, იხსენებს, რომ ყველაფერი 5 წლის ასაკში დაიწყო. დოტის დედას სახსრების ტკივილი აწუხებდა და შვილს ხშირად მასაჟის გაკეთებას სთხოვდა, მაგრამ მას ჯერ პატარა და სუსტი ხელები ჰქონდა და სრულფასოვანი მასაჟის გაკეთება არ შეეძლო. ტკივილისგან გაწამებული ქალი ემუდარებოდა „ძლიერ, უფრო ძლიერ, მიკბინე, ბოლოს და ბოლოს“. 15 წლის ასაკში დოროთი უკვე უჩვეულო ტექნიკით ცნობილი მასაჟისტი იყო.
ახალგაზრდობის პერიოდში მისი სანუკვარი ოცნება როკჯგუფის კონცერტზე მოხვედრა იყო. მასაჟი გოგონას ამ ოცნების ასრულებაში დაეხმარა - ის 3000-ზე მეტ კონცერტს დაესწრო, თუმცა ამისთვის უამრავი ადამიანის დაკბენა მოუწია...
პირველი სოლიდური ჰონორარი 1994 წელს მიიღო, როცა Rolling Stones-თან ერთად საკონცერტო ტურნეში გაემგზავრა. მაშინ კვირაში 2000$ დოლარი გადაუხადეს, დღეს კი დოტის მასაჟის 1 საათი 100$-დან 250$-მდე ღირს და კონცერტის ჩატარებამდე მუსიკოსები „კბენია ექიმთან“ ვიზიტისთვის ადგილებს ჯავშნიან.
მასაჟის დაწყებამდე დოტი არკვევს, როგორი ნაკბენი სჭირდება კლიენტს - ნაზი, ძლიერი თუ ზომიერი. სხეულზე ზეთის წასმის წინ, დოტი კლიენტის მთელ ზურგს კბენს. ამ დროს, მისი მოძრაობები ზედაპირული, მაგრამ ძლიერია. დოტი ახერხებს კუნთების დამუშავებას კანის დაზიანების გარეშე და ასე „ახურებს“ და ამზადებს კლიენტს ძირითადი პროცედურებისთვის.
დოტის მასაჟი სისხლჩაქცევებსა და სილურჯეებს არ ტოვებს, მაგრამ კლიენტების უმეტესობა უჩვეულო პროცედურებისგან შფოთვასა და სიამოვნებას ერთდროულად იღებს. განსაკუთრებით საჯდომის მიდამოებში კბენისას. ეს ეგზოტიკური საკვების მიღებას ჰგავს, როცა იცი, რას უნდა ელოდო ძირითადი კერძისგან, მაგრამ მანამდე დამაინტრიგებელი წვრილმანები გელის. 
ექიმების უმეტესობა და თავად დოტიც კატეგორიულად წინააღმდეგია, მასაჟის ასეთი ფორმა მასობრივი გახდეს. ჯერ ერთი, შტაინს 30-წლიანი გამოცდილება აქვს, რომლის ვინმესთვის გადაცემა ძალიან ძნელია. თანაც, ადამიანის ნაკბენით შეიძლება იმდენი სახის დაავადება გადაეცეს, რომ ძნელი წარმოსადგენია. ასე რომ, ამაზე ფიქრიც არ ღირს.
