საზღვაო კურორტი, სახელად „პრორა“, ჰიტლერის ბრძანებით, 1936-1939 წლებში აშენდა.
20 000 დამსვენებელზე გათვლილი კომპლექსი ნაცისტური პროგრამის ნაწილი იყო, რომლის მიზანიც გერმანელი მშრომელების დასვენება და ნაცისტური პროპაგანდის გავრცელება გახლდათ.
რამდენიმე წლის განმავლობაში მესამე რაიხის ყველა უმსხვილესი სამშენებლო კომპანია და 9000-ზე მეტი მუშა მშენებლობის პროცესში იყო ჩართული.
ომისთვის მზადების პერიოდში სასტუმროსთვის აღარავის ეცალა. თითქმის დასრულებული პროექტი შეჩერდა და მუშები იარაღის ქარხნებში გადაანაწილეს.
მეორე მსოფლიო ომის დროს, მოკავშირეთა ძალების მიერ კუნძულის მასირებული დაბომბვისას, სასტუმროს ერთ-ერთი ბლოკი თავშესაფრის ფუნქციას ასრულებდა. ომის შემდეგ კი „პრორა“ აღმოსავლეთ გერმანიის სამხედრო ძალების ერთ-ერთ ფორპოსტად იქცა.
სასტუმრო „პრორა“ ორი გერმანული ოლქის - ზასნიცისა და ბინცს შორის, უდაბურ ადგილზეა განლაგებული, რომელიც ლაგუნა იასმუნდერ-ბოდენს ზღვისგან ყოფს. დიდებულება, რომელიც მესამე რაიხის არქიტექტურისთვის გახლდათ დამახასიათებელი, ამ სასტუმროშიც გამოვლინდა, თუმცა შენობის ახლოდან დათვალიერება მძიმე განცდებს აღძრავს...