მოკრძალებული „მამაკაცური ღირსების“ ყველაზე ცნობილი პატრონი მიქელანჯელოს დავითი გახლავთ. მისი პენისი ძველბერძნული საზომებითაც კი მეტისმეტად პატარაა, რაც ფლორენციელმა ექიმებმა ხუმრობით გილიათთან შერკინების წინ შიშით ახსნეს.
ხუმრობა რომ გვერდით გადავდოთ, თავსატეხს მხოლოდ ორი ახსნა აქვს...
პირველი ისაა, რომ ყველა ქანდაკების პენისი „მშვიდ მდგომარეობაშია“, თუმცა ამის გათვალისწინებითაც კი, ზომა მაინც საეჭვოდ პატარაა. 
როგორც აღმოჩნდა, პატარა პენისის მიზეზი იმდროინდელი სილამაზის სტანდარტებიდან გამომდინარეობს.
საქმე ის გახლავთ, რომ ძველ საბერძნეთში მამაკაცისთვის პატარა ზომის პენისი ღირსებას წარმოადგენდა და გაწონასწორებულ ხასიათსა და ლოგიკურ აზროვნებაზე მეტყველებდა.
ხოლო დიდი ასო - პირიქით, მისი მფლობელის ვულგარულობაზე, გარეგნულ სიმახინჯეებსა და ჭკუასუსტობაზე მიანიშნებდა.
ასე რომ, იმ დროში მამაკაცის წარმატებას დიდი პენისი კი არა, მაღალი ინტელექტი, ქარიზმა და თავდაჯერებულობა განსაზღვრავდა, ამიტომ მოქანდაკეები დიდი ზომის პენისით მხოლოდ უარყოფით პერსონაჟებს „ასაჩუქრებდნენ“.
მეორე ვერსიის თანახმად (რომელიც უფრო პრაქტიკული ჩანს), ქანდაკებიდან დიდი პენისის ჩამოვარდნის შანსი გაცილებით დიდი იყო. მაგალითად, ჰერაკლეს ქანდაკება რამდენჯერმე გახდა ვანდალების თავდასხმის ობიექტი, რომლებიც ყოველთვის მის მამაკაცურ ღირსებას უტევდნენ.
ამჟამად ამ ქანდაკებისთვის დამზადებულია სპეციალური პროთეზი, რომელსაც ქანდაკებას მხოლოდ სადღესასწაულო დღეებში უკეთებენ.
