ქალიშვილთან გასაუბრებით მოხიბლულმა მერი რობერტმა დიანა ძიძად აიყვანა. მომავალი პრინცესა პატარა პატრიკს უვლიდა, სახლს ალაგებდა და სუპერმარკეტში დადიოდა.
ინგლისის ერთ-ერთი უძველესი ოჯახის წარმომადგენელს არ ეთაკილებოდა ბავშვის მოვლა, მასთან ერთად სეირნობა და სახლის საქმეების კეთება.
ბევრისთვის გაუგებარი იყო, რაში სჭირდებოდა 100 000 ფუნტად ღირებულ სახლში მცხოვრებ ქალიშვილს, ცნობილი და ყველასთვის პატივსაცემი ინგლისური გვარის წარმომადგენელს მუშაობა, თუმცა ბავშვების სიყვარული ყველაფერზე ძლიერი აღმოჩნდა.
ჩარლზის გაცნობის შემდეგ დიანა სამსახურიდან წამოვიდა.
მალე მერი რობერტმა ტელევიზორში სამეფო ოჯახის ქორწილი ნახა და პატარძალში თავისი შვილის მორცხვი და მოკრძალებული ძიძა ამოიცნო.
მაშინაც, როცა დიანას საკუთარი შვილები შეეძინა, სიამოვნებით იხსენებდა მერისთან მუშაობის პერიოდს და აღიარა კიდეც, რომ ეს მის ცხოვრებაში ყველაზე ბედნიერი დრო იყო.
ქალბატონი მერი და მისი შვილის ყოფილი ძიძა 16 წლის მანძილზე მეგობრობდნენ და ერთმანეთს წერილებს სწერდნენ, 1997 წელს კი მერი დიანას დაკრძალვის ცერემონიაზე მიიწვიეს.
2 წლის შემდეგ მერი რობერტსმა დაწერა წიგნი „დიანა, რომელსაც შევხვდი“.