10 მაისის ასტროლოგიური პროგნოზი

ვერძი

ხელსაყრელი დროა ახალი პროექტების დასაწყებად, განსაკუთრებით - თუ გვერდით ჭკვიანი და სანდო პარტნიორი გყავთ. ამ დღეს ბევრი ფიქრი და ანალიზი საჭირო არ არის, უბრალოდ, ეს დღე ზედმეტი ემოციების გარეშე უნდა გაატაროთ. გადაწყვიტეთ მეგობარს დაეხმაროთ? მზად იყავით იმისთვის, რომ თავის პრობლემებს მთლიანად თქვენ მოგახვევთ თავზე.

კურო

ამ დღეს განწყობა ისე სწრაფად გეცვლებათ, რომ გარშემო მყოფები ვერ ხვდებიან, როდის გიხარიათ და როდის გწყინთ. ვიღაც თქვენს ცდუნებას ცდილობს, მაგრამ უნდა იცოდეთ, რომ მისი აყოლა სიკეთეს არ მოგიტანთ და საკუთარ სისუსტეს მალე ინანებთ. გაუფრთხილდით ჯანმრთელობას და ნურაფერს დააყენებთ მასზე წინ.

ტყუპები

შესაძლოა, ამ დღეს საკუთარი შესაძლებლობების სრულად გამოვლენის საშუალება მოგეცეთ, რაც გარშემო მყოფებისთვის შეუმჩნეველი არ დარჩება. ეცადეთ, თავი შეიკავოთ რჩევების მიცემისგან და საკუთარი აზრები თავს არავის მოახვიოთ.

კირჩხიბი

მთელი დღე ებრძვით სურვილს, რომ ყველაფერი მიატოვოთ და გაიქცეთ იქ, სადაც არავინ გიცნობთ, მაგრამ ახლა ამის გაკეთება არ შეიძლება. ამ დღეს ხალხის მასიდან გამორჩევას არ უნდა ეცადოთ. პირიქით, რაც შეიძლება შეუმჩნეველი უნდა იყოთ.

ლომი

ამ დღეს პირადი პრობლემების სწრაფად და წარმატებით მოგვარებას შეძლებთ. შეიძლება საყვარელი ადამიანის გულწრფელობა არ დააფასოთ, რითაც ძალიან გაანაწყენებთ. თქვენგან დამოუკიდებელი მიზეზების გამო შეიძლება გეგმის შეცვლა მოგიწიოთ, მაგრამ ნუ ინერვიულებთ - რამდენიმე დღეში ჩანაფიქრის განხორციელებას შეძლებთ.

ქალწული

ხანგრძლივი ფიქრის შემდეგ კომპრომისზე წასვლა გადაწყვიტეთ, რითაც ოპონენტებსაც გაახარებთ და თავადაც მოგეწონებათ პრობლემის გადაჭრის ეს მეთოდი. დროა გაიხსენოთ, რომ ცხოვრებაში მუშაობის გარდა, სხვა უფრო სასიამოვნო საქმეებიც არსებობს.

სასწორი

თქვენს ცხოვრებაში ბინის ან სამუშაო ადგილის შეცვლის დრო დადგა. თუნდაც ახლა არ მოგწონდეთ, მალე მიხვდებით, რომ ეს კარგი გადაწყვეტილება იყო. მოვლენებს შორიდან ვერ დააკვირდებით, მეტი უნდა იაქტიუროთ. შესაძლოა, ფინანსურ დოკუმენტებთან მუშაობისას სირთულეებს შეეჯახოთ, ამიტომ გირჩევთ, დახმარება გამოცდილ ადამიანს სთხოვოთ.

მორიელი

გეჩვენებათ, რომ ვიღაცამ კუთხეში მიგიმწყვდიათ. ეს კვირა თქვენთვის ქაოსური იქნება, თუმცა კვირის ბოლოს შეძლებთ სიმშვიდის მოპოვებას. სწორი გადაწყვეტილებების მიღებაში თქვენი შესანიშნავი ინტუიცია დაგეხმარებათ.

მშვილდოსანი

ამ დღეს უმნიშვნელო წვრილმანიც კი სიხარულს განიჭებთ. თუ რაღაც არ გამოგივიდათ, იმედი არ უნდა დაკარგოთ გახსოვდეთ, რომ დაღმართს ყოველთვის აღმართი მოსდევს, ღამეს კი - დღე. დღის მეორე ნახევარში ფულის დაუგეგმავი ხარჯვა გელით.

თხის რქა

შეგიძლიათ საყვარელი ადამიანის იმედი გქონდეთ - ის არ გიღალატებთ და არ მოგატყუებთ. სიწყნარეში მუშაობის იმედი ნუ გექნებათ, დღეს ამის საშუალებას არავინ მოგცემთ. კონფლიქტური სიტუაციებიც გელით, თუმცა თქვენი თავდაჯერება დაგეხმარებათ, ყველაფერი უმტკივნეულოდ მოაგვაროთ.

მერწყული

ამ დღეს შეიძლება შემთხვევით გაიგოთ ამბავი, რომელიც ბევრ რამეზე დაგაფიქრებთ და შესაძლოა, დადებითი ცვლილებებისკენ გიბიძგოთ. სამსახურში ყველა თქვენზე უფროსობას ეცდება, მაგრამ საკუთარ პრინციპებს არ უნდა უღალატოთ.

თევზები

თევზებო, ამ დღეს ნებისმიერ ახალ საქმეს გაუმკლავდებით. იყავით თავდაჯერებული, რადგან ზოგიერთი ახლობელი თქვენს კრიტიკასა და მხილებას ეცდება. ეცადეთ, დათმოთ და ამ სიტუაციიდან კონფლიქტის გარეშე გამოხვიდეთ. გამონახეთ დრო, რომ შეეხმიანოთ ადამიანს, რომელიც ძალიან გენატრებათ.