1. „უოლ-სტრიტის მგელი“ - მარგო რობი
ამ ავსტრალიელმა მსახიობმა ძალიან კარგად იცის, როგორ მოახდინოს შთაბეჭდილება. ოღონდ ეგაა, მარტინ სკორსეზეს ფილმში მთავარი როლის მიღებამ ისე აანერვიულა, რომ საკუთარ თავს უფლება მისცა, ერთ-ერთი სცენის გადაღების წინ სამი ყლუპი ტეკილა გადაეკრა. თანაც მარგოს ხომ შიშველს უნდა გადაეღო ლოგინის სცენა თვით ლეონარდო დიკაპრიოსთან! სასმელმა მასზე ისე იმოქმედა, რომ სცენის ბოლოს ლეოს სახეში სილა სტკიცა და უცენზურო სიტყვებითაც გამოლანძღა.
2. „ლას-ვეგასის დატოვებისას“ - ნიკოლას ქეიჯი
ამ ბრწყინვალე ფილმში ნიკოლას ქეიჯის პერსონაჟი ბენ სანდერსონი გამოუსწორებელი ლოთია. სიუჟეტის ცენტრში კი მისი ურთიერთობაა მსუბუქი ყოფაქცევის ქალთან. თვითმხილველები ამბობენ, რომ მსახიობი წინასწარ სვამდა, იღებდა დუბლებს, შემდეგ კი უყურებდა და დიალოგებში კორექტივები შეჰქონდა. სწორედ ამ როლისთვის მიიღო ქეიჯმა კინოკრიტიკოსებისგან უმაღლესი შეფასება.
3. „ველური გოგონები“ - ნივ კემპბელი, მეტ დილონი, დენის რიჩარდსი
ვისაც ნანახი გაქვთ 1998 წელს გადაღებული ეს ეროტიკული ფილმი, ნივ კემპბელისა და დენის რიჩარდსონის გმირების აღვირახსნილი სექსუალური სცენა აუცილებლად გემახსოვრებათ. სცენარის მიხედვით, ნივ კემპბელის გმირი რამდენიმე ყლუპ შამპანურს სვამს. თუმცა თვითმხილველები ირწმუნებიან, რომ მსახიობმა მეტი გაბედულებისთვის პირველი დუბლის გადაღებამდეც მიირთვა სასმელი.
4. „შავი გედი“ - მილა კუნისი და ნატალი პორტმანი
„შავი გედის“ რეჟისორი დარენ არონოვსკი ირწმუნება, რომ მისი ფილმის ვარსკვლავები მილა კუნისი და ნატალი პორტმანი სწორედ ალკოჰოლის დახმარებით მოდუნდნენ და დაძლიეს სირცხვილის გრძნობა სექსუალური სცენების გადაღებისას. საინტერესოა, რომ მილა კუნისმა არ დაადასტურა ეს ინფორმაცია. მისი სიტყვებით, არანაირი ტეკილა არ ყოფილა და მისთვის გაუგებარია, საიდან გაჩნდა ეს ჭორები.
5. „აპოკალიფსი დღეს“ - მარტინ შინი
ფრენსის ფორდ კოპოლას ამ ცნობილ ოპუსში მოვლენები ვიეტნამის ომის ფონზე ვითარდება. მარტინ შინის გმირი საიგონის პირქუშ სასტუმროში ცხოვრობს, წარსულის მოგონებებით სულდგმულობს და ვერ წარმოუდგენია ცხოვრება ომის გარეშე. ამ ჯოჯოხეთში მისი ერთადერთი ნუგეში სასმელია. შინის სიტყვებით, ამ სცენას მისი დაბადების დღეს იღებდნენ და ის მართლაც საკმაოდ მთვრალი იყო. ეს მდგომარეობა დაეხმარა მსახიობს, საუკეთესო დუბლი გადაეღო: მან სასოწარკვეთილმა გატეხა სარკე ფეხით, ნამდვილად დაიჭრა და სისხლით მოისვარა.
6. „ყბები“ - რობერტ შოუ
სტივენ სპილბერგის ეს ფილმი იდეალურია ყველა პარამეტრით. ამჯერად ჩვენთვის საინტერესოა მთვრალების სცენა ნავში, როცა გალეშილი კვინტი იწყებს საუბარს სამხედრო თვითმფრინავების გადამზიდის ტრაგიკული ბედის შესახებ. მოგვიანებით რობერტ შოუმ აღიარა, რომ მან შეძლო და დაარწმუნა რეჟისორი, ნება მიეცა მსახიობებისთვის, ცოტა თვითნახადი არაყი დაელიათ, რათა განწყობა შესაბამისი ყოფილიყო. შედეგად - უკვე მეორე დღესვე დამონტაჟდა საბოლოო ვარიანტი.