„პატრიკ მელროუზი“
Patrick Melrose
პატრიკ მელროუზი წლების მანძილზე ცხოვრობდა უდარდელად: გამუდმებული წვეულებები, ძვირად ღირებული სასმელი, ყოველ ღამე სხვადასხვა ქალი... ასაკის მატებასთან ერთად კი ის ხვდებოდა, რომ ეს ყველაფერი სისულელე იყო. უბრალოდ, ამით მძიმე ბავშვობის - მამის მხრიდან ძალადობისა და დედის გულგრილობის დავიწყებას ცდილობდა.
„მანიაკი“
Maniac
ოუენი და ენი ფსიქიკური დაავადებების სამკურნალო ახალი მედიკამენტის ტესტირებაზე თანხმდებიან. კაცი შიზოფრენიით დაავადებული მდიდარი მემკვიდრეა, რომელსაც მთელი რიგი ვალდებულებები აქვს ოჯახის წინაშე. ქალი კი - ნათესავებთან ტოქსიკური ურთიერთობით დაღლილი გოგონა. მათ სურთ, წამლების დახმარებით სულიერი წონასწორობა აღიდგინონ, თუმცა არ ფიქრობენ მკურნალობით გამოწვეულ გვერდით მოვლენებზე.
„ბასრი საგნები“
„Sharp Objects
ჟურნალისტი კამილა პრიკერი მშობლიურ ქალაქში ბრუნდება. ის საგაზეთო მასალას ამზადებს მოზარდი გოგონების შოკისმომგვრელ მკვლელობებზე. ნაცნობი ადგილები და ძველი მეგობრები გოგონას წარსულის კოშმარში ხლართავენ და ყოველი ახალი კვანძის გახსნა მას საშინელი სიმართლის გამჟღავნებასთან აახლოებს.
„ტრაგედია უეკოში“
Waco
სერიალის სიუჟეტი რეალურ ისტორიაზეა აგებული. ეს არის კონფრონტაცია „ეფბიაისა“ და რელიგიურ კულტს „დავიდოვის ფილიალს“ შორის. დიახ, „ჰეპიენდი“ ნამდვილად არ იქნება.
„მოჩვენებითი კოშკი“
The Looming Tower
სერიალი გადაღებულია ლოურენს რაიტის წიგნის „The Looming Tower: Al-Qaeda and the Road to 9/11“-ის მიხედვით, რომელიც პულიცერის პრემიითაა დაჯილდოებული. სიუჟეტში მოთხრობილია ამერიკულ სპეცსამსახურებს შორის გაჩაღებულ ნამდვილ მეტოქეობაზე უსამა ბინ ლადენსა და „ალ-ქაიდას“ სხვა ლიდერებზე ნადირობისას.
„უდანაშაულობის ტესტი“
Ordeal by Innocence
აგატა კრისტის რომანის მორიგი ეკრანიზაცია. 1954 წელი. შობის ღამეს მდიდარი ქველმოქმედის მეუღლეს, რეიჩელ არგაილს პოლიციელები საკუთარ საძინებელში სისხლის გუბეში მწოლიარეს პოულობენ. მკვლელობაში ეჭვმიტანილად მის შვილობილს, ჯეკი არგაილს ცნობენ, რომელიც აცხადებს, რომ უდანაშაულოა...