„შუბაში“ კარტოფილის მოსამზადებლად დაგჭირდებათ:
კარტოფილი - 0,5 კგ;
ქათმის ფილე - 0,5 კგ;
ხახვი - 1 თავი;
მწვანე ხახვი - 2 ღერი;
კარაქი - 50 გრ;
რბილი ყველი - 150 გრ;
მაიონეზი - 50 გრ;
მარილი და პილპილი - გემოვნებით;
წყალი - 100 გრ.
კეტჩუპი - გემოვნებით.
მომზადების წესი:
კარტოფილი კანიანად მოხარშეთ, შემდეგ კანი გააცალეთ და თხელ და მრგვალ ნაჭრებად დაჭერით. მარილი და პილპილი მოაყარეთ და ცოტა ხნით ცალკე ჯამში დატოვეთ.
სპეციალურ გამოსაცხობ ფორმას გადააკარით პერგამენტის ქაღალდი, გადაუსვით ზედ კარაქი, გადაიტანეთ მასში დაჭრილი კარტოფილი და მოაყარეთ ჯერ მრგვალად დაჭრილი ხახვი, შემდეგ კი ნებისმიერი მწვანილი.
ახლა კი ქათმის ფილე მოამზადეთ: მოაყარეთ მას მარილი, პილპილი, დაჭერით თხელ ნაჭრებად და დაალაგეთ ფორმაში მოთავსებულ კარტოფილზე. ზემოდან მოაყარეთ გახეხილი ყველი და მოასხით მაიონეზი.
ფორმის კიდეებში ჩაასხით 25 მილიგრამი ონკანის წყალი. შედგით ფორმა 200 გრადუსზე გაცხელებულ ღუმელში 35-40 წუთით.
მომზადების დროს ღუმელში ფორმის კიდეებიდან კვლავ ჩაამატეთ 25 მილიგრამი წყალი, ოღონდ მხოლოდ ერთხელ.
შენიშვნა:
კერძს შეგიძლიათ, სასურველი მწვანილები მოაყაროთ (ქინძი, კამა, მწვანე ხახვი).
არ დაგავიწყდეთ, რომ გამოსაცხობ ფორმაში წყალს მხოლოდ ორჯერ ამატებთ. ერთხელ ღუმელში შედგმამდე და მეორედ მომზადების პროცესში.
კერძისთვის სასურველია დაფქული თეთრი პილპილით ისარგებლოთ, რათა მას შავი ელფერი არ მიეცეს.