ტორტი „პინჩერი“ - ცდუნება, რომელსაც ვერ გაუძლებთ

ცომისთვის დაგჭირდებათ:
კვერცხი - 3 ცალი
არაჟანი - 200 გრ
შაქარი - 180 გრ
შესქელებული რძე - 200 მლ
ფქვილი - 250 გრ
კაკაო - 20 გრ
ვანილის შაქარი - ერთი შეკვრა
გამაფხვიერებელი - 1 ჩ/კ

გულსართისთვის დაგჭირდებათ:
ქიშმიში - 140 გრ
ნიგოზი - 100 გრ
შავი ქლიავის ჩირი (აუცილებელი არაა) – 190 გრ

კრემისთვის დაგჭირდებათ:
არაჟანი - 1 კგ
შაქრის პუდრა - 200 გრ

მინანქრისთვის დაგჭირდებათ:
შავი შოკოლადი - 160 გრ
კარაქი - 90 გრ

მომზადების წესი:

1. კვერცხი და შაქარი მიქსერით კარგად ათქვიფეთ. მოცულობაში კარგად რომ მოიმატებს, დაუმატეთ ვანილის შაქარი, შესქელებული რძე, არაჟანი და რამდენიმე წუთი კიდევ თქვიფეთ;
2. გაცრილ ფქვილში შეურიეთ კაკაო და გამაფხვიერებელი, კარგად აურიეთ და კვერციან მასას დაუმატეთ. ცომი მიქსერით კარგად ათქვიფეთ, რომ ერთგვაროვანი მასა მიიღოთ. ტორტის ფორმაში ჩააფინეთ საცხობი ქაღალდი და ძირსა და გვერდებზე ცხიმი წაუსვით; 
3. ცომი ცხიმწასმულ ფორმაში გადაიტანეთ და 180 გრადუსზე გახურებულ ღუმელში 30-40 წუთის განმავლობაში აცხვეთ. ბისკვიტის მზადყოფნა ხის ჩხირით შეამოწმეთ;
4. ნიგოზი და შავი ქლიავის ჩირი საშუალო ზომის ნაჭრებად დაჭერით და ქიშმიშთან აურიეთ;
5. ერთ კილოგრამ არაჟანს დაუმატეთ შაქრის პუდრა და მიქსერით დაახლოებით, 5 წუთი თქვიფეთ;
6. გამომცხვარი და გაგრილებული ბისკვიტი სამ თანაბარ ფენად გაჭერით;
7. ბისკვიტის სამი ფენიდან ზედა 2-2,5 სმ ზომის ნაჭრებად დაჭერით. ქვედა ფენა ლანგარზე მოათავსეთ და არაჟნის კრემი სქლად წაუსვით. ამის შემდეგ ერთმანეთში არეული ქიშმიში, ნიგოზი და შავი ქლიავი მოაყარეთ,  მეორე ფენა დაადეთ და იგივე გაიმეორეთ. სულ ბოლოს, დაჭრილი ბისკვიტი არაჟნის კრემში აურიეთ და ტორტის ზედა ფენაზე პირამიდის მსგავსად მოალაგეთ. დარჩენილი კრემი ტორტის ზედა ფენაზე გადაანაწილეთ და დაჭრილი ნიგვზისა და ქიშმიშის ნაზავი მოაყარეთ.

მზა ტორტი 1 საათი მაცივარში გააჩერეთ, რათა არაჟნის კრემი კარგად გაცივდეს. ამასობაში შავი შოკოლადი დატეხეთ და წყლის აბაზანაზე კარაქთან ერთად გაადნეთ. ტორტი მაცივრიდან გამოიღეთ, შოკოლადის მინანქარი მოასხით და ერთი საათით ისევ მაცივარში შედგით.

გემრიელად მიირთვით!