ინგრედიენტები:
წითელი ლობიო - 200 გრ
ხახვი - 1 ცალი
ნიგოზი - 200 გრ
ნიორი - 3 კბილი
ქინძი - 1 კონა
ქინძის კაკალი - 0.5 ჩ.კ
ხმელი სუნელი - 0.5 ჩ/კ
ბროწეულის წვენი - 100 მლ
ბროწეული - 1 ცალი
მზესუმზირის ზეთი - 50 მლ
მარილი და პილპილი - გემოვნებით
მომზადების წესი:
1. ლობიო გარეცხეთ და მოხარშეთ ოდნავ მარილიან წყალში.
2. ხახვი დაჭერით წვრილ კუბიკებად და მოშუშეთ მზესუმზირის ზეთში, სანამ გამჭვირვალე არ გახდება.
3. ნიგოზი დააქუცმაცეთ ბლენდერში საშუალო ზომაზე და გადაურიეთ ჩანაყილ ნიორში, წვრილად დაჭრილ ქინძში, ქინძის კაკალში, ხმელ სუნელში და მოშუშულ ხახვში. მოასხით ბროწეულის წვენი და საგულდაგულოდ გადაურიეთ.
4. გამზადებულ მასაში ჩაყარეთ მოხარშული ლობიო, ბროწეულის მარცვლები, მოაყარეთ მარილი და პილპილი. კარგად აურიეთ და მაშინვე მიიტანეთ სუფრასთან.
გემრიელად მიირთვით!