ინგრედიენტები:
ნაღების კარაქი - 110 გრ
კარტოფილი - 9 ცალი
მაგარი ყველი - 100 გრ
კეფირი - 300 გრ
არაჟანი - 2 ს/კ
ხორბლის ფქვილი - 850 გრ
კვერცხი - 1 ცალი
კამა - 1 კონა
მარილი, შავი პილპილი, მზესუმზირის ზეთი - გემოვნებით
მომზადების წესი:
1. შეურიეთ კეფირი დარბილებულ კარაქს, კვერცხსა და არაჟანს. კარგად აურიეთ და დააყარეთ ნახევარი ჩ/კ მარილი.
2. შეურიეთ ფქვილი ნელ-ნელა და ცოტ-ცოტა. ბოლოს კარგად მოზილეთ ცომი, გადააფარეთ ხელსახოცი და 30 წუთით „დაასვენეთ“.
3. გათალეთ კარტოფილი და მოხარშეთ. გააკეთეთ პიურე, გემოსთვის დაამატეთ თქვენი საყვარელი სანელებლები.
4. წვრილად გახეხეთ ყველი, ასევე, წვრილად დაჭერით კამა და ჩაყარეთ პიურეში. ჩააგდეთ დაახლოებით 10 გრამი ნაღების კარაქი. მოაყარეთ მარილი, შავი პილპილი და კარგად აურიეთ.
5. გაყავით ცომი 6-7 თანაბარ ნაწილად და გააბრტყელეთ 10-15 დიამეტრის ფირფიტებად.
6. ფირფიტის ნახევარზე დადეთ შიგთავსი, ზემოდან გადააფარეთ ცომის მეორე ნახევარი, დააბრტყელეთ თითებით და შემდეგ დააჭრელეთ ჩანგლით. დანარჩენებიც ასე გააკეთეთ.
7. შეწვით ორივე მხრიდან ზეთიან ტაფაზე. როდესაც ქერქი გაოქროსფერდება, გადმოიღეთ და დააწყვეთ ქაღალდის ხელსახოცზე, რათა ზედმეტი ცხიმი მოშორდეს.
გემრიელად მიირთვით!