Funtime ნინის დედას, ელენე ციბაძეს გაესაუბრა.
- ჩემი შვილის გამარჯვებაზე არც მიფიქრია. რაც მთავარია, ნინი ხალხმა გაიცნო. კარგი იქნებოდა, ფინალში თუ გადავიდოდა, თუმცა ფილარმონიის სცენაზე ორჯერ რომ იცეკვა, ესეც დიდი გამარჯვებაა.
- ნინიმ პროექტის დატოვება ძალიან განიცადა...
- კი, ასეა, რადგან ძალიან მოწადინებული იყო და ბევრს ვარჯიშობდა. სკოლასაც კი აცდენდა. ისე გადაიღალა, ლაივშოუზე ჩაეძინა კიდეც. 29 დეკემბერს დაბადების დღე აქვს, 8 წლის ხდება და უნდოდა, საკუთარ იუბილეს ფინალისტის ამპლუაში შეხვედროდა. თანაც იმედი ჰქონდა, რომ, როგორც პატარა მონაწილეს, ფინალში გადაიყვანდნენ.
- ნინისთან დაკავშირებით რა გეგმები გაქვთ?
- აუცილებლად მივიყვან ცეკვაზე.