ქეთი ბერიკაშვილი: „კლიპარტთან თანამშრომლობა ჩემთვის დიდი კომფორტია“

PR კლუბი

26 დეკემბერი 22:00, 2017 წელი

პირველადი პროფესიით რეპორტიორია. შემდეგ საზოგადოებასთან ურთიერთობის ფაკულტეტი დაამთავრა. ამჟამად ქეთი ბერიკაშვილი ჯიპაში საჯარო პოლიტიკას ეუფლება და ამასთანავე, საქართველოს ენერგეტიკისა და წყალმომარაგების მარეგულირებელი ეროვნული კომისიის პრესსპიკერი და საზოგადოებასთან ურთიერთობის დეპარტამენტის დირექტორის მოადგილეა.

- 10 წელია, რაც სემეკში ვმუშაობ და ამ ხნის განმავლობაში ვცდილობ, მაქსიმალურად დავიხვეწო ცოდნის თვალსაზრისით იმ სექტორებში, რომლებსაც კომისია არეგულირებს - ეს არის ელექტროენერგეტიკა, ბუნებრივი გაზი და წყალმომარაგება. იქიდან გამომდინარე, რომ ძირითადად ჟურნალისტებთან და არასამთავრობო ორგანიზაციებთან მიწევს ურთიერთობა, მნიშვნელოვანია, დეტალურად ვფლობდე ყველა იმ ინფორმაციას, რაც კომისიაში მუშავდება და რის შესახებაც კომისია იღებს გადაწყვეტილებებსა თუ დადგენილებებს.    


- მაინც რასთან გაქვთ შეხება?
- თითქმის ყოველდღიურ რეჟიმში მიწევს ჟურნალისტებთან ურთიერთობა, განსაკუთრებით კი იმ დროს, როდესაც კომისიაში სატარიფო საკითხები განიხილება. ტარიფები საკმაოდ რთული სტრუქტურაა, რამდენიმე მნიშვნელოვანი კომპონენტისგან შედგება, რომლებიც, თავის მხრივ, კიდევ სხვა კომპონენტების შეიცავს. იმისთვის, რომ დაინტერესებულ პირს დეტალური ინფორმაცია მივაწოდო და ეს ყველაფერი მარტივ ენაზე ავუხსნა, პირველ რიგში, თავად უნდა ვერკვეოდე ზედმიწევნით. რა თქმა უნდა, კომისია სხვა მნიშვნელოვან საკითხებზეც მუშაობს, მაგრამ იქიდან გამომდინარე, რომ ახლა სწორედ ტარიფების დადგენის პროცესში ვართ, ტარიფებზე ვამახვილებ ყურადღებას. ეს არის საკითხი, რომელიც საზოგადოებისთვის ყოველთვის განსაკუთრებით საინტერესოა.

იმისთვის, რომ ჟურნალისტებისთვის, არასამთავრობო ორგანიზაციების წარმომადგენლებისთვის დეტალური ინფორმაცია მიგვეწოდებინა, ზოგადად, კომისიის საქმიანობისა და მათ შორის, რა თქმა უნდა, ტარიფების შესახებ, შევქმენით მედიაკლუბი, რომელიც უკვე სამი წელია, წარმატებულად მუშაობს.
კლუბის ფორმატი არ ითვალისწინებს ფორმალურ შეხვედრებს. ტარდება ტრენინგები, სადაც კომისიის თავმჯდომარე, წევრები, აპარატის თანამშრომლები კლუბის მონაწილეებს უზიარებენ ყველა საჭირო და  მათთვის საინტერესო ინფორმაციებს არა მხოლოდ სემეკის საქმიანობაზე, არამედ, ზოგადად, ენერგეტიკისა და წყალმომარაგების სექტორებში არსებული მდგომარეობისა და სიახლეების შესახებ. 


- სხვა რა პროექტები გაქვთ?
- ენერგეტიკის სექტორთან დაკავშირებით გვაქვს რადიოგადაცემა. რადიო „კომერსანტი“ გადაცემა „პროფესიონალების“ ფორმატში უსასყიდლოდ გვითმობს პირდაპირ ეთერს. ყოველწლიურად ვგეგმავთ და ვახორციელებთ სხვადასხვა პროექტს, რომელიც ეხება კონკრეტული წლის სტრატეგიას. კომისიის საქმიანობის გაშუქებაში ძალიან გვეხმარება მედია. ამ პროექტების მიზანია კომისიის საქმიანობის გამჭვირვალობა, საზოგადოების ინფორმირება როგორც ტარიფებზე, ასევე მათ უფლებებზე ენერგეტიკისა და წყალმომარაგების სექტორებში, ინფორმაციის მიწოდება მომსახურების ხარისხის პროგრამებზე, რომელიც  უზრუნველყოფს მიწოდების საიმედოობასა და კომპანიების მაღალი დონის სერვისს. კომისიაში ყოველ კვირას ტარდება საჯარო სხდომები, სადაც განიხილება მოქალაქეებსა და კომპანიებს შორის არსებული დავები და მათი უმეტესობა მოქალაქეთა სასარგებლოდ წყდება.        


- პირადად თქვენთვის, როგორც პიარის სპეციალისტისთვის, ეს სფერო რითია საინტერესო?
- საუბრის დასაწყისშივე აღვნიშნე, რომ ენერგეტიკა ძალიან სპეციფიკური სფეროა და განვითარების დიდი პოტენციალი აქვს. მარეგულირებელი კომისია ყოველთვის ორიენტირებულია, რომ მოსახლეობას ჰქონდეს უწყვეტი და საიმედო მომარაგება, მომსახურების მაღალი ხარისხი; ინვესტორს შესთავაზოს სიახლეები, მათთვის უფრო მიმზიდველი გახადოს სექტორი, რაც, საბოლოო ჯამში, დარგის წარმატებას უწყობს ხელს. სემეკი ნერგავს ახალ რეგულაციებს, ისეთ პროექტებს, რომელიც ენერგეტიკის სექტორში უპრეცედენტოა. ასეთია მომსახურების მონიტორინგის პროგრამა, მისტიკური მომხმარებლის პროექტი და ბევრი სხვა.  


- რაც სემეკის საზოგადოებასთან ურთიერთობის დეპარტამენტში ხართ, რა მიგაჩნიათ ყველაზე წარმატებულ პროექტად?

- დეპარტამენტს სხვადასხვა პერიოდში სხვადასხვა წარმატებული პროექტი ჰქონდა. ბოლო წლების განმავლობაში კი აქტუალობას არ კარგავს მედიაკლუბის პროექტი. თავიდან არ ვიცოდით, პროექტი გაამართლებდა თუ არა და დავაინტერესებდით თუ არა ჟურნალისტებს. წინასწარი კვლევებით, 6-თვიანი პერიოდის შემდეგ, პროექტი უნდა დახურულიყო. თუმცა, იმდენად საინტერესო აღმოჩნდა, რომ 2018 წელსაც გავაგრძელებთ მის განხორციელებას. მედიაკლუბი არის USAID-ის მიერ დაფინანსებული და NARUC-ის მიერ ორგანიზებული „პარტნიორობის პროგრამის“ ფარგლებში გაზიარებული საუკეთესო პრაქტიკა. დღეისთვის მედიაკლუბში ტრენინგი 250-მდე პირმა გაიარა, მათ შორის - ჟურნალისტებმა, სტუდენტებმა, სხვადასხვა კომპანიის წარმომადგენლებმა...   


- მომხმარებლამდე ინფორმაციის მისატანად კიდევ რა საშუალებებს იყენებთ?
- ამ თვალსაზრისით ჩვენთვის ძალიან აქტიური იყო 20016-17 წლები. მედიაგავრცელების სააგენტო „კლიპარტი“ ჩემთვის მარჯვენა ხელი აღმოჩნდა. აღნიშნული კომპანიის დახმარებით რამდენიმე საინფორმაციო სააგენტოსთან ურთიერთობა ერთი ფანჯრის პრინციპით შევძელი. კონკრეტულ მენეჯერთან ვკონტაქტობ, რომელსაც ერთ რელიზს ვუგზავნი და სხვა დანარჩენს თავად უზრუნველყოფს. ეს ჩემთვის დიდი შეღავათია, როგორც დროის, ასევე საქმიანობის შემსუბუქების თვალსაზრისითაც. მსგავსი სახის სერვისები ნებისმიერი პიარსამსახურისთვის, განსაკუთრებით კი საჯარო უწყებისთვის, სადაც ინფორმაციის გავრცელება სწრაფად უნდა მოხდეს, დიდი შვება და დახმარებაა. უკვე ერთი წელია, რაც აღნიშნულ კომპანიასთან ვთანამშრომლობ. ყველაფერთან ერთად, მომწონს ის ფაქტი, რომ მათთვის არ არსებობს დროის დაბრკოლება. ყველაფერს უმოკლეს ვადებში აგვარებენ.


- რა მოგცათ „კლიპარტთან“ თანამშრომლობის ერთმა წელმა?
- „კლიპარტის“ დახმარებით სხვადასხვა საინფორმაციო სააგენტოსთან კომუნიკაცია კიდევ უფრო დაიხვეწა. ძალიან სასიხარულოა, როცა პროფესიონალებთან გიწევს ურთიერთობა. „კლიპარტთან“ თანამშრომლობა ჩემთვის დიდი კომფორტია.


 

ფოტოგრაფი: ალექსანდრე სხულუხია
დღის ჰოროსკოპი

21 დეკემბრის ასტროლოგიური პროგნოზი

რას გვირჩევენ ვარსკვლავები 21 დეკემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

20 დეკემბრის ასტროლოგიური პროგნოზი

რას გვირჩევენ ვარსკვლავები 20 დეკემბრისთვის  ჯანმრთელობის, ბიზნესის და სიყვარულის მიმართულებით?
დღის ჰოროსკოპი

19 დეკემბრის ასტროლოგიური პროგნოზი

რას გვირჩევენ ვარსკვლავები 19 დეკემბრისთვის  ჯანმრთელობის, ბიზნესის და სიყვარულის მიმართულებით?
დღის ჰოროსკოპი

18 დეკემბრის ასტროლოგიური პროგნოზი

რას გვირჩევენ ვარსკვლავები 18 დეკემბრისთვის ჯანმრთელობის, ბიზნესის და სიყვარულის მიმართულებით?
NEW

ფსიქოთერაპია სამედიცინო პერსონალისთვის - ის რაც Covid-19-თან ბრძოლისას ნიღაბზე არანაკლებ მნიშვნელოვანია

Covid-19-თან მებრძოლ სამედიცინო პერსონალს Responsible.ge ფსიქოთერაპიის კურსებს უფინანსებს
დღის ჰოროსკოპი

17 დეკემბრის ასტროლოგიური პროგნოზი

რას გვირჩევენ ვარსკვლავები 17 დეკემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

16 დეკემბრის ასტროლოგიური პროგნოზი

რას გვირჩევენ ვარსკვლავები 16 დეკემრითვის ჯანმრთელობის, ბიზნესის და სიყვარულის მიმართულებით?
NEW

მუზეუმების კონკურსი მთელი საქართველოს მასშტაბით

„საქართველოს დებატებისა და განათლების ინსტიტუტი“, საერთაშორისო პროექტის - დებატები მუზეუმებში - ფარგლებში, რომელიც მხარდაჭერილია „ვიზეგრადის” ფონდის მიერ, იწყებს კონკურსს მუზეუმებისთვის მთელი საქართველოს მასშტაბით.
დღის ჰოროსკოპი

15 დეკემბრის ასტროლოგიური პროგნოზი

რას გვირჩევენ ვარსკვლავები 15 დეკემბრისთვის ბიზნესის, ჯანმრთელობისა და სიყვარულის მიმართულებით?!  
NEW

სასარგებლო რჩევები, სანამ გამათბობელს ჩავრთავთ

ზოგი ადამიანი ფიქრობს, რომ რაც უფრო ცხელა სახლში, მით უფრო კარგად მუშაობს გათბობის სისტემა. თუმცა, როგორც ყველგან, აქაც ძალიან მნიშვნელოვანია, რომ პროფესიონალების რჩევები გავითვალისწინოთ და სახლში ტემპერატურა ისე დავარეგულიროთ, რომ პროცესმა ჩვენს ჯანმრთელობას საფრთხე არ შეუქმნას.
დღის ჰოროსკოპი

14 დეკემბრის ასტროლოგიური პროგნოზი

რას გვირჩევენ ვარსკვლავები 14 დეკემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

13 დეკემბრის ასტროლოგიური პროგნოზი

რას გვირჩევენ ვარსკვლავები 13 დეკემბრისთვის ჯანმრთელობის, ბიზნესის და სიყვარულის მიმართულებით?