- არ გაგიჭირდათ ჟურნალისტიკიდან პიარის სფეროში გადანაცვლება?
- მართლაც, ვერასდროს ვიფიქრებდი, პიარის სფეროსთან თუ მომიწევდა შეხება, თუმცა ახლა ამის გარეშე ვეღარ წარმომიდგენია. ჟურნალისტიკიდან პიარში ძალიან მარტივად გადმოვინაცვლე, რადგან ეს ორი სფერო ერთანეთთან მჭიდრო კავშირშია. ნოემბერში 6 წელი გახდა, რაც „აჭარაბეთში“ ვარ. უკვე წელიწად-ნახევარია, საზოგადოებასთან ურთიერთობის დეპარტამენტს ვხელმძღვანელობ.
- „აჭარაბეთთან“ თანამშრომლობა რით არის თქვენთვის საინტერესო?
- „აჭარბეთი“ ბაზარზე პირველია და, რაც მთავარია, ჩემი სამსახური რუტინული არ არის. სიახლეებითა და გამოწვევებით ვართ განებივრებულები. 2017 წელს სომხეთშიც შევედით, სადაც სატელევიზიო გათამაშებაც გვქონდა, ფულადი პრიზებითა და ავტომობილებით! მოკლედ, არ ვდუნდებით! ამ ბიზნესით ერთხელ რომ „მოიწამლები“, რთულია, სხვა საქმეზე იფიქრო, მით უმეტეს, როცა საქმე adjarabet.com-ს ეხება.
- როგორი იყო 2017 წელი კომპანიისთვის?
- ფანტასტიკური წელი გვქონდა! მარტო დეკემბერში ერთდროულად 4 ჯეკ-პოტი გავათამაშეთ და მხოლოდ სპინ პოკერში 4 მილიონამდე თანხა გავეცით. გამარჯვებულები ისეთი ბედნიერები არიან, ეს მუხტი ჩვენზეც გადმოდის და მგონი, ჩვენ უფრო მეტად გვიხარია. თანამშრომლებს თამაშის უფლება არ გვაქვს, მაგრამ „აჭარაბეთში“ მოსვლამდეც კი არასდროს არაფერი მომიგია, თუმცა, სხვები რომ იგებენ, ისეთი შეგრძნება მაქვს, თითქოს მე ვიგებ. ერთმა ადამიანმა, რომელიც მცხეთელია, სატელევიზიო გათამაშებაში Toyota rav 4 მოიგო. ისე გაუხარდა, შოკიდან ვერ გამოდიოდა! ეთერის დასრულების შემდეგ დავურეკეთ და ვთხოვეთ, რომ ღამით მის ჩამოსვლას აზრი არ ექნებოდა, მაგრამ მაინც ჩამოვიდა! როგორ შეიძლება, ასეთი ემოცია არ გადაგედოს!
- 2018 წელი როგორ დაიწყო „აჭარაბეთისთვის“?
- ძალიან აქტიურად. წინასწარ ვერაფერს გეტყვით, რადგან გეგმების დაანონსება გამომივა, მაგრამ გაგიმხელთ იმას, რომ 2018 წელი აჭარაბეთის ისტორიაში ერთ-ერთი გამორჩეული იქნება.
- თქვენზეც გვიამბეთ. სამსახურის გარდა, რით ხართ დაკავებული?
- მე არ მაქვს ისეთი სამუშაო, სადაც დილის 10 საათზე მივალ და საღამოს 7-ზე წამოვალ. თანამშრომლები „აჭარაბეთით“ ვცხოვრობთ, თუმცა თავისუფალ დროს მოგზაურობასაც ვახერხებ, რაც ძალიან მიყვარს.
- გამორჩეული იმიჯი გაქვთ. ალბათ, კომპლიმენტებსაც ხშირად გეუბნებიან?
- ჩემი ვარცხნილობა ყველას ძალიან მოსწონს და აინტერესებს, რისგანაა ნაწნავები დამზადებული. უმრავლესობას ჰგონია, რომ მძიმეა და მაწუხებს. სინამდვილეში კი ძალიან კომფორტულად ვგრძნობ თავს.