საქართველოში ავტოგასამართი სადგურების ერთ-ერთი ყველაზე ფართო ქსელი „ლუკოილ ჯორჯიას“ აქვს, რომელსაც ჩვენს ქვეყანაში ლუკოილის საწვავი ბულგარეთისა და რუმინეთის ნავთობგადამამუშავებელი საწარმოებიდან შემოაქვს. აღნიშნული კომპანია 2002 წლის მარტიდან ამოქმედდა და მას შემდეგ მიზანდასახულად აფართოებს სამომხმარებლო და კორპორაციულ ბაზრებზე საქმიანობას.
გოჩა სულთანიშვილი, შპს „ლუკოილ ჯორჯიას“ გენერალური დირექტორის მოადგილე:
- ლუკოილისთვის პრიორიტეტების ჩამონათვალში ერთ-ერთ პირველ ადგილზეა გარემოს დაცვა. ლუკოილის საწვავი ევროპის უმკაცრეს ეკოლოგიურ მოთხოვნებს შეესაბამება, რაც იმითაც დასტურდება, რომ არ შეიცავს ტყვიის დანამატებს და საწვავის შემადგენლობაში გაცილებით ნაკლებია არომატიზებული ნახშირწყალბადებისა და გოგირდის შემცველობა, ვიდრე საქართველოში მოქმედი შესაბამისი მოთხოვნებით არის გათვალისწინებული.
- ანუ ლუკოილის საწვავი გარემოსთვის უსაფრთხოა?
- ეკოლოგიური უსაფრთხოების საკითხები ლუკოილისთვის უმნიშვნელოვანესია. გარწმუნებთ, კომპანია ყველაფერს აკეთებს იმისთვის, რომ მომავალ თაობას ჯანსაღი გარემო შეუნარჩუნოს. კომპანია „ლუკოილ-ჯორჯია“ საქართველოს ბაზარს უმაღლესი ხარისხის ნავთობპროდუქტებით ამარაგებს და მომხმარებელს საუკეთესო მომსახურებას სთავაზობს.
- გარდა გარემოზე ზრუნვისა, რა თვისებები აქვს ლუკოილის საწვავს, რომ მანქანაც კარგ ფორმაში შევინარჩუნოთ?
- ლუკოილის საწვავს აქვს დანამატი Ecto, რომლის უმაღლესი ხარისხი დადასტურებულია დიდ ბრიტანეთში დამოუკიდებელი საერთაშორისო ცენტრის „Tickford Power Train Test Ltd“-ს მიერ. ამ დანამატს ვიყენებთ სუპერზე, პრემიუმ ავანგარდსა და ახლა უკვე, ევროდიზელზეც.
Ecto-ს უამრავი დადებითი მახასიათებელი აქვს. კერძოდ კი:
1. საწვავით მომარაგების სისტემის ლითონის ზედაპირს ფარავს დამცავი გარსით და ამით ხელს უშლის კოროზიას.
2. Ecto-ს გამოყენების შედეგად ძრავში წარმოქმნილი ნადების მოცულობა გაცილებით ნაკლებია, ვიდრე ჩვეულებრივი საწვავის გამოყენებისას წარმოშვება.
3. Ecto ამცირებს ნადების ფორმირებას სარქველებში, რაც მნიშვნელოვნად ზრდის ძრავის მარგი ქმედების კოეფიციენტს და ხელს უწყობს საწვავის სრულ წვას.
4. Ecto გამოდევნის საწვავიდან სინესტეს და ხელს უწყობს ძრავის ტექნიკური მახასიათებლების დაცვასა და ხანგრძლივი დროით შენარჩუნებას.
5. Ecto მნიშვნელოვნად ამცირებს ძრავის ცილინდრებში მექანიკურ ხახუნს.
- გარდა საწვავისა, „ლუკოილ ჯორჯია“ ლუკოილის საავტომობილო ზეთების იმპორტსაც ახორციელებს...
- დიახ და ეს ზეთები საკმაოდ პოპულარულია როგორც საცალო, ასევე, კორპორაციულ ბაზარზე. ლუკოილის ზეთები დაშვებულია მსოფლიოში წამყვანი ავტომწარმოებლების მიერ და ის აკმაყოფილებს ავტომწარმოებლების ყველა უახლეს სტანდარტს. ლუკოილის ზეთების მაღალ ხარისხს ისეთი ცნობილი კომპანიებიც ადასტურებენ, როგორებიცაა Mersedes-Benz, Porsche, BMW და Volkswagen.
Lukoil Genesis - ეს არის ახალი თაობის სინთეტიკური ზეთი, გაძლიერებული დამცავი თვისებებით, რომელიც გათვლილია წელიწადის ნებისმიერ სეზონზე და ორიენტირებულია თანამედროვე, მაღალი ხარისხის ძრავის მქონე ავტომობილებზე.