როგორ გავყინოთ ბადრიჯანი ზამთრისთვის?

რჩევები დიასახლისებს

25 სექტემბერი 12:00, 2017 წელი

სტერილიზაციის პროცესი ბევრ დიასახლისს აფრთხობს და ზამთრისთვის პროდუქტების მომარაგების სურვილს უკარგავს. შემოგთავაზებთ ბადრიჯნის გაყინვის 3 მეთოდს, რომლებსაც არც ძალისხმევა სჭირდება და შედეგით სტერილიზაციასაც არ ჩამოუვარდება.

როგორ გავყინოთ უმი, დაჭრილი ბადრიჯანი?
აარჩიეთ  საშუალო ზომის საღი ბოსტნეული, კარგად გარეცხეთ და რგოლებად ან ზოლებად დაჭერით. გალღობის შემდეგ ბადრიჯანმა ფორმა და გემო რომ მაქსიმალურად შეინარჩუნოს, სითხე უნდა მოაცილოთ. ამისთვის, დაჭრილ ბოსტნეულს მსხვილი მარილი მოაყარეთ და ოთახის ტემპერატურაზე, რამდენიმე საათით დატოვეთ. გამოყოფილი წვენი გადაღვარეთ, ბადრიჯანი გამდინარე წყლით გარეცხეთ და საწურზე გადაიტანეთ. ბადრიჯანი სითხისგან რომ დაიცლება, მსუბუქად გაწურეთ, რათა ნაჭრებმა დეფორმაცია არ მიიღოს.

ახლა ბოსტნეულის ბლანშირების (ცხელი წყლით ან ორთქლით დამუშავება) პროცესს უნდა შეუდგეთ.
ამის გაკეთება რამდენიმე მეთოდით შეიძლება. თქვენთვის სასურველი და მოსახერხებელი თავად ამოირჩიეთ:
1. საშუალო ზომის ქვაბი წყლით სანახევროდ აავსეთ და ცეცხლზე დაადგით. წყალი რომ ადუღდება, ბადრიჯნის ნაჭრები ჩაუშვით  და 2-4 წუთით გააჩერეთ;
ან:
2. ბადრიჯნის ნაჭრები მიკროტალღური ღუმელის ქვაბში ჩააწყვეთ. ცოტაოდენი წყალი დაასხით და მიკროტალღურ ღუმელში შედგით. მოწყობილობა 800-900 ვატის სიმძლავრეზე, 3-4 წუთით ჩართეთ;
ან: 
3. ორთქლის ქვაბშიც არის შესაძლებელი. ბადრიჯანი ორთქლზე 2-4 წუთის განმავლობაში უნდა გააჩეროთ;

ბლანშირებული ბოსტნეული წვენსაწურზე გადაიტანეთ, კარგად გააცივეთ და დაელოდეთ, სანამ სითხე მთლიანად დაიწურება; ამის შემდეგ ბოსტნეული კონტეინერებში გაანაწილეთ, თავზე დაახურეთ და საყინულეში მოათავსეთ.

შენიშვნა: ამგვარი წესით გაყინული ბადრიჯანი ოთახის ტემპერატურაზე ან მაცივრის საერთო კამერაში უნდა გაადნოთ. მისი გამოყენება ნებისმიერ კერძშია შესაძლებელი.



როგორ გავყინოთ შემწვარი ბადრიჯანი?
ბუნებრივია, იმისთვის, რომ შემწვარი ბადრიჯანი გაყინოთ, ჯერ უნდა შეწვათ. კარგად გარეცხილი ბადრიჯანი სასურველ ნაჭრებად დაჭერით, მარილი მოაყარეთ და რამდენიმე საათი გააჩერეთ.
გამოყოფილი წვენი გადაღვარეთ, ბოსტნეულს წყალი გადაავლეთ და ქაღალდის ხელსახოცზე დაყარეთ, რათა ზედმეტი სითხე მოსცილდეს; 
ბადრიჯნის ნაჭრები ორივე მხრიდან შეწვით და ზედმეტი ზეთი რომ არ გაჰყვეს, ტაფიდან გადმოღებული ქაღალდის ხელსახოცზე დაალაგეთ. კარგად რომ გაცივდება, აიღეთ ლანგარი, რომელიც საყინულეში თავისუფლად შეეტევა, დააფინეთ შესაფუთი პოლიეთილენის ფირი და ბოსტნეული ერთ ფენად დააწყვეთ. თავზე ისევ პოლიეთილენის ფირი დააფარეთ და ისევ ბადრიჯანი დააწყვეთ. ბოლომდე ასე გააგრძელეთ და ლანგარი მაცივარში შედგით. 
რამდენიმე საათის შემდეგ, ბოსტნეულით სავსე ლანგარი მაცივრიდან გამოიღეთ და შეამოწმეთ, კარგად გაიყინა თუ არა. თუ გაყინულია, შეგიძლიათ, პროდუქტი გასაყინ პაკეტებში გადაიტანოთ. პაკეტებიდან ჰაერი გამოუშვით და მჭიდროდ შეკარით. ამგვარად დამუშავებული ბადრიჯანი საყინულე კამერაში ნახევარი წელი ინახება; 
გამოყენების წინ, ბოსტნეული ოთახის ტემპერატურაზე გაადნეთ და ზეთიან ტაფაზე რამდენიმე წუთით კიდევ შებრაწეთ.



როგორ გავყინოთ მთლიანი ბადრიჯანი?
მთლიანი ბადრიჯნის გაყინვა კიდევ უფრო მარტივია, ოღონდ ამისთვის ბოსტნეული გაზქურაში უნდა გამოაცხოთ.
რამდენიმე, საშუალო ზომის ბადრიჯანი გარეცხეთ და გააშრეთ. ჩანგლით რამდენიმე ადგილზე დაჩხვლიტეთ და გაზქურის თუნუქის ფურცელზე დაალაგეთ, სადაც ცოტაოდენი ზეთი იქნება დასხმული.
ბადრიჯანი 200 გრადუსზე, დაახლოებით ნახევარი საათი უნდა აცხოთ.
მზა ბოსტნეული გამოიღეთ, კანი გააცალეთ და მსუბუქად გაწურეთ, რომ ზედმეტი სითხე მოაცილოთ. ბოსტნეული გასაყინ პაკეტებში მოათავსეთ და საყინულე კამერაში შეინახეთ.
გადნობის შემდეგ სასურველი ზომისა და ფორმის ნაჭრებად დაჭერით და ნებისმიერი კერძი მოამზადეთ.

დღის ჰოროსკოპი

21 დეკემბრის ასტროლოგიური პროგნოზი

რას გვირჩევენ ვარსკვლავები 21 დეკემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

20 დეკემბრის ასტროლოგიური პროგნოზი

რას გვირჩევენ ვარსკვლავები 20 დეკემბრისთვის  ჯანმრთელობის, ბიზნესის და სიყვარულის მიმართულებით?
დღის ჰოროსკოპი

19 დეკემბრის ასტროლოგიური პროგნოზი

რას გვირჩევენ ვარსკვლავები 19 დეკემბრისთვის  ჯანმრთელობის, ბიზნესის და სიყვარულის მიმართულებით?
დღის ჰოროსკოპი

18 დეკემბრის ასტროლოგიური პროგნოზი

რას გვირჩევენ ვარსკვლავები 18 დეკემბრისთვის ჯანმრთელობის, ბიზნესის და სიყვარულის მიმართულებით?
NEW

ფსიქოთერაპია სამედიცინო პერსონალისთვის - ის რაც Covid-19-თან ბრძოლისას ნიღაბზე არანაკლებ მნიშვნელოვანია

Covid-19-თან მებრძოლ სამედიცინო პერსონალს Responsible.ge ფსიქოთერაპიის კურსებს უფინანსებს
დღის ჰოროსკოპი

17 დეკემბრის ასტროლოგიური პროგნოზი

რას გვირჩევენ ვარსკვლავები 17 დეკემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

16 დეკემბრის ასტროლოგიური პროგნოზი

რას გვირჩევენ ვარსკვლავები 16 დეკემრითვის ჯანმრთელობის, ბიზნესის და სიყვარულის მიმართულებით?
NEW

მუზეუმების კონკურსი მთელი საქართველოს მასშტაბით

„საქართველოს დებატებისა და განათლების ინსტიტუტი“, საერთაშორისო პროექტის - დებატები მუზეუმებში - ფარგლებში, რომელიც მხარდაჭერილია „ვიზეგრადის” ფონდის მიერ, იწყებს კონკურსს მუზეუმებისთვის მთელი საქართველოს მასშტაბით.
დღის ჰოროსკოპი

15 დეკემბრის ასტროლოგიური პროგნოზი

რას გვირჩევენ ვარსკვლავები 15 დეკემბრისთვის ბიზნესის, ჯანმრთელობისა და სიყვარულის მიმართულებით?!  
NEW

სასარგებლო რჩევები, სანამ გამათბობელს ჩავრთავთ

ზოგი ადამიანი ფიქრობს, რომ რაც უფრო ცხელა სახლში, მით უფრო კარგად მუშაობს გათბობის სისტემა. თუმცა, როგორც ყველგან, აქაც ძალიან მნიშვნელოვანია, რომ პროფესიონალების რჩევები გავითვალისწინოთ და სახლში ტემპერატურა ისე დავარეგულიროთ, რომ პროცესმა ჩვენს ჯანმრთელობას საფრთხე არ შეუქმნას.
დღის ჰოროსკოპი

14 დეკემბრის ასტროლოგიური პროგნოზი

რას გვირჩევენ ვარსკვლავები 14 დეკემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

13 დეკემბრის ასტროლოგიური პროგნოზი

რას გვირჩევენ ვარსკვლავები 13 დეკემბრისთვის ჯანმრთელობის, ბიზნესის და სიყვარულის მიმართულებით?