ასე აღმოჩნდა Bentley Grand Convertible ბუდანის სადილერო ცენტრში. საფლაგმანო კაბრიოლეტის კონცეპტი, რომელიც სედან Mulsanne-ს ბაზაზე შეიქმნა, ჯერ კიდევ 2014 წელს აჩვენეს. მაგრამ მისი სერიული ვერსია უკვე განახლებულ Mulsanne Speed-ის ბაზაზეა შექმნილი.
თუმცა "სერიული" ძალიან ხმამაღლაა ნათქვამი. Grand Convertible-ის მხოლოდ 19 ეგზემპლარს ააწყობენ და ის კომპანია Bentley-ს ასი წლისთავს მიეძღვნება, რომელსაც 2019 წელს იზეიმებენ.
Mulsanne-სთან შედარებით Grand Convertible-ს სიგრძე მთელი 10 სანტიმეტრით შემცირდა, ხოლო საქარე მინა უფრო მეტად არის დახრილი. კაბრიოლეტის ძარა ლურჯადაა (Moroccan Blue) შეღებილი, ხოლო კაპოტი, რადიატორის ცხაური და საქარე მინის ჩარჩო - ვერცხლისფრად (Frosted Silver).
მთელი ტექნიკა Mulsanne Speed-დან არის აღებული - კაპოტის ქვეშ 6,75-ლიტრიანი ტურბო V8 დგას, რომელიც 537 ცხენის ძალას ავითარებს. ინტერიერიც სედანიდან არის აღებული, უკანა სავარძლის შემდეგ მოთავსებული, ხოლო დასაკეცი ჭერის შესანახი სათავსის სახურავი, საავტომობილო წარმოებაში უდიდესი ხის დეტალია.
რაღა თქმა უნდა, ექსკლუზივში ფულის გადახდაა საჭირო: Bentley Grand Convertible 3,5 მილიონი დოლარი ღირს. საფლაგმანო კაბრიოლეტის წვრილსერიული წარმოება მომდევნო წელს დაიწყება. 19-ვე ავტო მფლობელს საიუბილეო 2019 წელს მიეწოდება.