ყველაზე ბუტია ზოდიაქოს ნიშნების რეიტინგში პირველ ადგილზეა კირჩხიბი. მას საოცრად სათუთი და მგრძნობიარე გული აქვს და დიდი სიფრთხილეა საჭირო, რათა კირჩხიბს არ ვაწყენინოთ.
საერთოდ, წყლის სტიქიის ნიშნები, რომლებსაც, კირჩხიბის გარდა, მორიელი და თევზები მიეკუთვნებიან, როგორც წესი, ძალიან მგრძნობიარეები არიან და ყველაფერი ადვილად სწყინთ. ამასთანავე, მორიელები შურისმაძიებლებიც არიან. მორიელის საპასუხო რეაქცია შესაძლოა, მაშინვე არ გამოჩნდეს და რამდენიმე წელიც დასჭირდეს, როცა წყენის მიზეზი ყველას დავიწყებული ექნება.
ვერძს იშვიათად სწყინს, მაგრამ, თუ რამეზე გაგინაწყენდათ, თავისი ფეთქებადი ხასიათის გამო, ისეთს გეტყვით ან გააკეთებს, ძალიან განანებთ. სამაგიეროდ, ისევე სწრაფად მშვიდდება, როგორც ბრაზდება და ურთიერთობას ისე აგრძელებს, ვითომც არაფერი მომხდარა.
ლომს ყველაზე მეტად სწყინს უყურადღებობა ან მისი ღირსებების დაუნახაობა. თუ აწყენინებთ, თქვენ მისთვის, უბრალოდ, აღარ იარსებებთ. აი, ლომის სერიოზულ წყენინებას კი არ გირჩევთ - სასჯელად შესაძლოა, სამუშაოზე პრობლემები მიიღოთ ან იმიჯი შეგელახოთ, ამისთვის ლომი თავის დიდ კავშირებს გამოიყენებს.
მშვილდოსანი, როგორც ცეცხლოვანი ნიშანი, წყენაზე მკვეთრად რეაგირებს. მის საპასუხო ნოტაციებსა და გარჩევებს ბევრი ვერ უძლებს.
მიწის ნიშნების - ქალწულის, თხის რქისა და კუროს წყენინება თითქმის შეუძლებელია. თუ მაინც ეწყინათ რამე, წყენა ძალიან მალე გადადის ემოციურიდან რაციონალურში. მიწის ნიშნები სამყაროს იღებენ ისეთს, როგორიც ის არის. ამიტომ მწყენინებლის მიმართ შესაბამის დასკვნებს აკეთებენ, რათა ადეკვატური პასუხი გასცენ.
ჰაერის ნიშნები - სასწორი, ტყუპები, მერწყული ურთიერთობაში ძალიან მსუბუქები არიან, თუმცა, შეიძლება ითქვას, ბუტიაობა მათი მოგონილია. თუ გაიბუტნენ, წყენას დიდხანს ინახავენ გულში. მათგან ეს თვისება მხოლოდ სასწორს არ აქვს.
