1. ჩელსი დეივი
ჩელსი პრინც ჰარის პირველი დიდი სიყვარული იყო. მათ ჯერ მრავალწლიანი მეგობრობა და შემდეგ სიყვარული აერთიანებდათ. 2004-2011 წლებში მათი ფოტოები ტაბლოიდების ფურცლებიდან არ ჩამოდიოდა. ისინი შორდებოდნენ და კვლავ რიგდებოდნენ. ერთ-ერთ ადრეულ ინტერვიუში ჰარი აცხადებდა, რომ ჩელსი მისი მთელი ცხოვრების სიყვარულია. მაგრამ ბიზნესმენის შვილმა განაცხადა, რომ მზად არ არის იმ შეზღუდვებისთვის, რასაც სამეფო ოჯახის წევრის მეუღლის სტატუსი ითვალისწინებს.
2. ნატალი პინკჰემი
ცნობილმა ტელეწამყვანმაც გაიელვა პრინცის საყვარლის როლში, მაგრამ სერიოზულ რომანამდე საქმე არ მისულა.
3. ნატალი იმბრულია
ასაკში 10-წლიანმა სხვაობამაც კი ვერ შეუშალა ხელი წყვილს, თუნდაც ცოტა ხნით ყოფილიყო ბედნიერი. ავსტრალიელი მომღერალი და პრინცი 2009 წელს შეხვდნენ ერთმანეთს, მაგრამ, ჰარის თავქარიანობის გამო, ეს რომანი ხანმოკლე აღმოჩნდა.
4. ქეროლაინ ფლეკი
სწორედ ქეროლაინ ფლეკმა უმკურნალა პრინცის გულს ჩელსი დეივთან განშორების შემდეგ. მაგრამ მსოფლიო პრესის ყურადღების ცენტრში ყოფნა გოგონასთვის აუტანელი გახდა და ამიტომაც ჰარის გვერდით დიდხანს ვერ გაძლო.
5. მოლი კინგი
პრინცის შემდგომი მეგობარი ჯგუფ The Saturdays-ის ვარსკვლავი გახდა. მაგრამ ღამის წვეულებების იქით საქმე არ წასულა.
6. ფლორენს ბრადენელ-ბრიუსი
მართალია პრინც ჰარისა და ფლორენს ბრადენელ-ბრიუსის ურთიერთობა სერიოზულ გრძნობაში არ გადაზრდილა, მაგრამ ფლორენსისთვის ის ნამდვილ სოციალურ ტრამპლინად იქცა. შემდგომში ის მილიონერ ჰენრი სენტ-ჯორჯს გაჰყვა ცოლად.
7. კრესიდა ბონე
სწორედ კრესიდა ბონე იყო პრინცის ოფიციალური გელფრენდის სტატუსით, როცა ე.წ. შიშველი სკანდალი აგორდა. ამგვარ დამცირებას მოდელმა და მსახიობმა ვერ გაუძლო და ამიტომაც 2014 წელს წყვილი ერთმანეთს დაშორდა.
8. ანასტასია გუსევა
2015 წელს პრესა ააჭრელა პრინც ჰარისა და რუსული წარმოშობის გერმანელი მოდელის ანასტასია გუსევას ინტრიგამ. ისინი „ფორმულა 1“-ადმი მიძღვნილ საღამოზე გააცნეს ერთმანეთს და მთელი ღამე ერთად გაატარეს. ამას იქით მათი ურთიერთობა არ წასულა.
9. პიპა მიდლტონი
მსოფლიო პრესა არაერთხელ წერდა პრინც ჰარისა და ქეით მიდლტონის უმცროსი დის პიპა მიდლტონის შესაძლო ქორწინების შესახებ. 2015 წელს მათ რამდენიმე პაემანი ჰქონდათ, მაგრამ მალევე მიხვდნენ, რომ ერთმანეთს ვერ ეწყობოდნენ.
10. აფინა ონასისი-რუსელი
სამეფო ოჯახი წინააღმდეგი არ იყო, პრინც ჰარის საცოლე აფინა ონასის-რუსელი რომ გამხდარიყო. თუმცა მსოფლიოს ერთ-ერთმა უმდიდრესმა ბიზნესლედიმ პრინცის გულის დაპყრობა ვერ შეძლო.
11. ემა უოტსონი
ბრიტანულმა პრესამ პრინც ჰარისა და მსახიობ ემა უოტსონის დაქორწინებაც კი მოახერხა. თუმცა რეალობაში საქმე პირველი პაემნის იქით არ წასულა. ჰარიმ გაცნობისთანავე დაუნიშნა პაემანი მსახიობს, მაგრამ უოტსონმა ეს მიპატიჟება არ მიიღო.
12. ელი გოლდინგი
მეგან მარკლთან შეხვედრამდე პრინც ჰარის ბოლო ინტრიგა მომღერალ ელი გოლდინგთან ფლირტი იყო. ჰარიმ თავად მოიპოვა მომღერლის ტელეფონის ნომერი და ინიციატივაც გამოიჩინა, მაგრამ მომღერლის მიმართ გრძნობა მალევე გაუნელდა.
13. მეგან მარკლი
მათ ურთიერთობის დაფარვა მხოლოდ ნახევარი წლის განმავლობაში მოახერხეს. შემდეგ წყვილი პაპარაცებმა გაშიფრეს. როგორც ამბობენ, მსახიობი პოპულარობით არა მხოლოდ ქეით მიდლტონს აჯობებს, არამედ პრინცესა დიანასაც გაუტოლდება. მეგანი აქტიურად იბრძვის ქალთა უფლებებისთვის და ქველმოქმედებასაც ეწევა.