ეს შენობა ITV-ს ეკუთვნის - დიდი ბრიტანეთის ერთ-ერთ წამყვან სატელევიზიო კორპორაციას. ერთ დილას კორპორაციის სახურავის მთელ პერიმეტრზე 84 მამაკაცი გამოჩნდა, რომლებიც თითქოსდა ჯგუფურ თვითმკვლელობას აპირებდნენ.
საბედნიეროდ, ეს არა ადამიანები, არამედ სრულმასშტაბიანი ქანდაკებებია, რომლებიც სახურავზე სუიციდის პრობლემისადმი ყურადღების მიქცევის მიზნით განალაგეს.
ქანდაკებები „პროექტ 84“-ის (Project 84) ნაწილია. მისი შექმნის იდეა ამერიკელ მეცნიერსა და მხატვარს მარკ ჯერკინსს (Mark Jenkins) და საქველმოქმედო ორგანიზაცია CALM-ს გაუჩნდათ.
სახურავზე ქანდაკებების რიცხვი შემთხვევითი არაა. სტატისტიკის მიხედვით ლონდონში ყოველ კვირას 45 წლამდე 84 ადამიანი იკლავს თავს. საქველმოქმედო აქცია, პირველ რიგში, სუიციდის პრევენციის მიზნით გაიმართა.
ქანდაკებები თვითმკვლელი ადამიანების „ანაბეჭდებია“. ამ კამპანიას, ძირითადად, დადებითი გამოხმაურებები მოჰყვა. ქანდაკებები შენობის სახურავზე 26 მარტიდან 1-ელ აპრილამდე იდგა.
„საქართველოს დებატებისა და განათლების ინსტიტუტი“, საერთაშორისო პროექტის - დებატები მუზეუმებში - ფარგლებში, რომელიც მხარდაჭერილია „ვიზეგრადის” ფონდის მიერ, იწყებს კონკურსს მუზეუმებისთვის მთელი საქართველოს მასშტაბით.
ზოგი ადამიანი ფიქრობს, რომ რაც უფრო ცხელა სახლში, მით უფრო კარგად მუშაობს გათბობის სისტემა. თუმცა, როგორც ყველგან, აქაც ძალიან მნიშვნელოვანია, რომ პროფესიონალების რჩევები გავითვალისწინოთ და სახლში ტემპერატურა ისე დავარეგულიროთ, რომ პროცესმა ჩვენს ჯანმრთელობას საფრთხე არ შეუქმნას.