ლამაზი იატაკი ჩვეულებრივი ქაღალდის პარკებით!

ჯერ იატაკი მოასუფთავეთ. მოაშორეთ პლინტუსები და ყველაფერი, რაც ხელს შეგიშლით. კარგი მოჭიდებისთვის უკეთესი იქნება, თუ იატაკს გახეხავთ. ქვის ფაქტურის მისაცემად ქაღალდის ნაგლეჯები დაჭმუჭნეთ.

 მოამზადეთ წებო: ბეტონისთვის 1:1-ზე წყალი და პვა-ს წებო; ხის იატაკისთვის 3:1-ზე. შემდეგ თავად „დაგების“ პროცესი დაიწყეთ. იატაკზე წებო წაუსვით და ზედ ქაღალდის ნაგლეჯი დაადეთ, რომელსაც ზემოდან კვლავ წებო უნდა წაუსვათ.

ამგვარად დაფარეთ მთელი იატაკი. გახსოვდეთ გაშრობისას ქაღალდი შეიკუმშება, ამიტომაც გადაფარვით უნდა დააწებოთ.

 ამის შემდეგ წებოს კარგად გაშრობა აცადეთ, შემდეგ აიღეთ ხის ლაქი და გადაუსვით. თუ ქაღალდის ფერი მოგწონთ, უფერო ლაქი იხმარეთ, თუ არადა, მაშინ შესაფერისი ტონალობის ლაქის შერჩევა მოგიწევთ. 

ზედაპირი ცვეთის მიმართ უფრო მედეგი რომ გამოვიდეს, იატაკზე პოლიურეთანის უფერო საღებავის რამდენიმე ფენა გადაუსვით - გახსოვდეთ საღებავის ყოველი ახალი ფენა, წინა ფენის გაშრობის შემდეგ უნდა წაუსვათ.

 ქაღალდის ნაგლეჯების წინასწარ გაფერადება ანდა რაიმე ფიგურების გამოჭრაც შეგიძლიათ.

თქვენი ინტერიერი ერთადერთი და განუმეორებელი იქნება.